ابغى مساااعدتكم ..تكفوون

[Radiology]

المشاركة الأصلية كتبت بواسطة mobark السلام عليكمـ ورحمة الله وبركاته ... بدخل في صلب الموضوع انا انقبلت بكلية الهندسه ( عسفان ) ,, وبصراااحة انا ما احب الهندسة ( الرياضيات , الفيزياء ) وفي نفس الوقت مشواااار عسفان لاني انا سااكن بالجنووب...وسمعت في امكانية للتحويل لكلية ثانية وانا حلمي اني ادخل الطب ... بس ما انقبلت فيها والحمدلله على كل حال فابغى احول الى كلية العلوم التطبيقية او الصيدلة ... فياليت احد ينصحني ويقولي ايش الافضل لاني في هم وحيرة. هل الافضل الاستمرار في الهندسة او التحويل !!؟ ابغى نصيحتكم باسرررع وقت ... والله يوفق الجمــــيع

وعليكم السلام ورحمة الله وبركاته

أولاً .. وإن كانت الهندسة تعتمد على الرياضيات والفيزياء بشكل كبير لكن من الخطأ إنك تحصر الهندسة في هالمادتين .. الهندسة أوسع وأشمل من كذا ..

ثانياً .. لا تخلي مكان الكلية يأثر عليك أو يكون سبب يخليك تغير الكلية .. وتذكر أن فيه ناس كثير يسافرون لأبعد من كذا في سبيل أنه يتعلم .. وحط في بالك أن الدراسة في هالمكان مرحلة إنتقالية كلها أربع سنوات - إن شاء الله - وتنتهي ..

ثالثاً .. أقرأ وأسأل عن الهندسة وما فيه مانع تنزل لسوق العمل سواء في القطاع الخاص أو الجهات الحكومية وشوف وش طبيعة عملهم وهل هي قريبة من نفسك أو لأ .. وأيضاً أسأل عن الصيدلة ومجالات العلوم الطبية التطبيقية وبرضه انزل للمستشفيات وشوف طبيعة عملهم .. وأستخير ربك وإن شاء الله توصل للقرار السليم ..

رابعاً وأخيراً .. لا بد تستعجل في هذا كله .. عشان تضمن أنك تحول رغبتك من الهندسة لكلية ثانية ..