استفسآآر .. ممكن :)

[فاول]

سلااموولي .. :)

الحمد لله ع كـل حآآل .. طيب ياحبايبي اللي في كليه العلووم
عندي استفسآأآآآر بسييط .. ممكن :)

الحين انا خلصت السنه التحضيريهـ << لا يشييخ جبت شيء جدييد خخخ
وناوي ان شآآء الله كيمياء حيوي ... ايغى معلومات عن مستقبله الوظيفي :)
... وكماان هل راح ادرس شيء ثاني معااه ولا بس الكيمياء الحيوي << يعني فيه سنه تحضيريهـ ثانيه ولا خلاآص

وبـس .. شكـرآآآ :)

[غموض..~]

وعليكم السلام

مجالات العمل للكيمياء الحيوي كثيرة ..
منها :مختبرات مستشفى - مصانع ادويه - ارامكو - سابك

لا على طول تتخصص كيمياء حيوي مافي تحضيري تاني ولاشي ..
بس في مواد من قسم الاحياء وقسم الكيمياء حتدرسها..
موفق وان شاءالله تنبسط بقسمنا =)

وحياااك في كليتنا

[فاول]

ثاانكس .. وكمان شيء ثآآني << مزودها حتيين هع

طيب ايش المواد اللي راح ادرسها .. ووو .. وبس :)

[ميثان حلقي]

فاول

هلا فيك في قسم الكيمياء الحيوية الا انا لسع ما دخلتها بس ان شاء الله عاقد العزم أشد عقدة

بالنسبة للمواد

هذه هي تفضل

http://bioc.kau.edu.sa/GetFile.aspx?...for%20BIOC.pdf

[غموض..~]

^
بالنسبه للاحياء: أحياء عامه - معمل احياء -خليه - احياء دقيقه.
الكيمياء: معمل كيمياء - كيمياء عامه - كيمياء عضويه
موجوده المواد بالخطه اللي منزلها ch3 اتطلع عليه وخذ فكرة عن اسماء المواد عندنا

اذا عندك اسأله خذ راحتك لا تتردد

[فاول]

المشاركة الأصلية كتبت بواسطة ch3-ch3-ch3-ch3-ch3-cooh فاول هلا فيك في قسم الكيمياء الحيوية الا انا لسع ما دخلتها بس ان شاء الله عاقد العزم أشد عقدة بالنسبة للمواد هذه هي تفضل http://bioc.kau.edu.sa/getfile.aspx?...for%20bioc.pdf

طيب بس وش يعني مستوى ؟ ..
وهذي المواد كلها ادرسها << تححطم :(
بلييز ضع إجآآبتك هنااآآ ...

[عذاري السمروات]

انـــا ان شاء الله راح ادخل كيمياء حيويه ..
بالله ابغى اعرف كيف معدلاتكم .. ؟
وايش هيا الصعوبات اللي تواجهكم يعني المصطلحات الجديده . ولا ايه ؟؟
وايش هيا اصعب ماده انو يحتاج لها بذل مجهووووووووووود..؟؟
و ازا اكان فيه قاموس للمصطلحات اللي تخص الكيميا الحيويه بليز نزلوه ازا عندكم .. ؟؟
وهل انو يعني نقدر نجيب معدل حلووووووو 4.5 طبعا مع الاجتهاد ؟؟
ممكن سالت واجد .. معليه ..
الله يسعدكم يارب . .

[غموض..~]

المشاركة الأصلية كتبت بواسطة فاول طيب بس وش يعني مستوى ؟ .. وهذي المواد كلها ادرسها << تححطم :( بلييز ضع إجآآبتك هنااآآ ...

مستوى = ترم = فصل دراسي
انت الحين خلصت مستويين = فصلين دراسيين (يعني سنه وحده)
يعني الترم الجي تصير مستوى 3 واللي بعدو 4 .... الخ
ايوة طبعا كلها ههههه لا تتحطم ترى المواد حلوة و ممتعه بس مو كلها بترم واحد ..
هذه المواد الاجباريه والعامه ..
اما المواد الاختياريه تلاقي اسمها بالخطه اللي نزلها الاخ (ماده حرة كيمياء حيويه)
هذه تكون عندك قائمه بالمواد الاختياريه وكم ساعه لازم تاخذ منها
مثلا 13 ساعه فتختار منها مثلا ماده اسمها خلايا سرطانيه + هرمونات + مناعه+....الخ
لين تكمل 13 ساعه
لا تشيل هم راح تفهم هذه الاشياء لما تتخصص وتشوفها قدامك ..
اهم شي شد حيلك وحب القسم راح يحبك <
اذا في شي مو فاهمو .. اسأل عادي

[غموض..~]

المشاركة الأصلية كتبت بواسطة عذاري السمروات انـــا ان شاء الله راح ادخل كيمياء حيويه .. بالله ابغى اعرف كيف معدلاتكم .. ؟ وايش هيا الصعوبات اللي تواجهكم يعني المصطلحات الجديده . ولا ايه ؟؟ وايش هيا اصعب ماده انو يحتاج لها بذل مجهووووووووووود..؟؟ و ازا اكان فيه قاموس للمصطلحات اللي تخص الكيميا الحيويه بليز نزلوه ازا عندكم .. ؟؟ وهل انو يعني نقدر نجيب معدل حلووووووو 4.5 طبعا مع الاجتهاد ؟؟ ممكن سالت واجد .. معليه .. الله يسعدكم يارب . .

حياكي الله بقسمنا .. ان شاءالله تستمتعي
على دفعتي اللي هيا السنه اللي فاتت .. دفعه 10 كان يقبلو اي معدل ..
وناس كثير داخلين حيوي .. لدرجه كليه العلوم كل ماتسألي وحده من دفعتنا تقول حيوي ههههه
طبعا كل شي جديد عليكي راح تحسي بصعوبه بالبدايه بعدين راح يصير شي عادي اهم شي الحماس لا يقل
يمكن ماده كيمياء حيوي عامه اللي هيا اول ماده لازم تاخذيها من التخصص تحسي بصعوبه شويه
لكن هيا مو صعبه بالعكس حلوة وممتعه بس دسمه يعني يبغالها مذاكرة اول بأول..

على القاموس !! والله ماجربت صراحه اذا في شي ترجمتو لو ماقالتو الاستاذه
او احفظ المصطلح كدا ..
في بنت قالتلي جيبي قاموس مصطلحات طبيه حجمو صغير بس مرة مفيد
نسيت اسمو والله .. ولا جبتو حتى < نحاسه
انتي حاولي انو لما تشرح الاستاذه تكتبي نقاط على جنب ..
اذا كلمه جديده وقالت معناها اكتبيها بالمعنى عشان تحفظيها بسرعه حتى لو الاسبلينق غلط..
اهم شي لما تمر عليكي الكلمه قدك عارفه معناها
ايش كمان ..
ايوة طبعا مافي شي مستحيل .. كل شي مع الاجتهاد وعدم التسويف سهل وتقدري تجيبيه
كمان بعد السنه الثانيه المعدل يصير مايزيد بسرعه .. تزيد من اليمين بس فعندك فرصه سنه انو ترفعي على قد ماتقدري
اجتهدي ولكن لا تجهدي نفسك


..
اي استفسار حاضرين
لا يردك الا الكيبورد =)

[غموض..~]

فاول والاعضاء الجدد بقسمنا .. عشان تكونو في الصورة
احب انبه لحاجه اسمها .. متطلب المواد ..
في مواد لازم لما تجي تاخذها لازم تكون قبلها اخذت ماده ثانيه
يعني مثلا ماده ايض 2 لازم تكون اخذت قبلها ماده ايض 1
و ماده ايض عام 1 لازم تكون دارس قبلها كيمياء حيويه عامه
فلما تجي تسوي جدولك لازم تنتبه لدي النقطه عشان لا تطنش ماده وتكتشف انها متطلب وتتورط ..
يعني مثلا ماده الانزيم يفتح مواد كثيرة بعدو.. زي من المواد الاجباريه مثلا غير تغذيه-عضويه - الخ
و من المواد الاختياريه : هرمونات - خلايا سرطانيه .... الخ
----
اعرف وحده من البنات اضافت الانزيم وحذفتو ودحين متورطه لانو ماتقدر تاخذ اي ماده الا لما تاخذو
بالتالي ممكن تتأخر عن دفعتها وماتتخرج معاهم (تزيد ترم او سنه ع حسب)
فـ الله يعينها ان شاءالله ..
..

اتمنى لكم التوفيق مع المتعه