|ミ الآآآن ، فتح باب التسجيل لطلاب وطالبات الانتظام ミ|

[eynas]

السلام عليكم .. يريت لو اي احد يقدر يفيدني او يساعدني في مشكلتي..

المشكله اني وقت ماسجلت في الجامعه حطيت تاريخ شهادتي 1431 وهيا 1432 وعلى قد المرات اللي راجعت فيها مدري كيف مانتبهت لدا الشي الا بعد مااكدت طلب الالتحاق .. وماني عارفه ايش اعمل .. رسلت للاداره رساله بالبريد ودقيت على ارقامهم اللي موجوده في الموقع بس الاتنين شكلهم مفصولين او مدري ايش القصه ومرا خايفه ..

الله يخليكم لاتهملو موضوعي

[الحــــربيهـ]

عادي مافي شي ليش خايفه ..
لاتشيلي هم ولاشي ..
مااتوقع شي مهم ..

[عـ ـلآء | Ālอ'อ]

انآ اليوم كنت في العمادة وواحد صارت معآه نفس الحكآية ورآح عدل المعلومات عن طريق عميد القبول ..
حآولي ترآجعي الجامعة لو قريبة ولو لأ .. ارسلي لعميد القبول د. عبدالفتاح مشآط وحيرد عليكـِ ان شاء الله ..

وهذا الإيميل /
asmashat@kau.edu.sa

[eynas]

انا رسلتلهم بس اللين دحين ماشفتها اتعدلت لساتها زي ماهيا .. وانا في المدينه مو فجده

اقدر ارسل احد بدالي يسويها ولا لازم انا اكون موجوده؟

[عـ ـلآء | Ālอ'อ]

انسي انهم يعدلوها وانتي جالسة في بيتكـ ..
لو ردوآ على رسالتكـ فـ الرد عبارة عن توضيح بس .. اما تعديل بيآنات شغله تستوجب حضوركـ ..
لازم تروحي .

[أحلى زيزو]

نصيحة مني خلي ولي امرك بكرى يروح الجامعة قسم البنين وهما رح يعدلولك ياها

انتي لاتروحي الجامعة لأنك اذا رحتي رح يقولولك روحي قسم البنين

[eynas]

طب المشكله انه انا فالمدينه مو جده بس عندي قرايب هناك .. اقدر اديهم بياناتي ويعدلوها ولا لازم ولي امري بنفسه؟