سؤال محيرني تكفوون سآعدوني

[rival soul]

شوف بالنسبة للرواتب لادري بس ااعتقد 7000 الي 9000 واتاكد بنفسي منها بعدين
لكن بالنسبة للدراسة في 5 سنوات وتتخرج بمسمى صيدلي ودا اللي اتكلم عن راوتبهم قبل شوي ويسمو التخصص فارم بي
وفي تدرس 6 سنوات وتتخرج بمسمى دكتور صيدلي واسم التخصص فارم دي ودا عندنا شي جديد لسى اعتقد مافي ولادفعة تخرجت المهم طبعا هما في سنة ثالثة يسولوك اختبار على اساس القبول في فارم دي لانو الدراسة تختلف شوي لانك راح تدرس مواد في الطب ووظيفة بعد التخرج كدكتور صيدلي انك انت اللي تعطي المريض الدواء يعني لايصح للدكتور يعطي دوا الدكتور يشخص ايش عند المريض وبعدين انت اللي تشوف الدوا المناسب لكن تخصص الفارم بي زي الصيدلي العادي مجرد صرف الدواء اللي يعطيه الطبيب وطبعا في صناعة ادوية واشياء اخرى بس دا اللي عندي للان

[hadeel a]

السلام عليكم
ترا الصيدلة مرره حلوة و خاصة في جامعة الملك عبدالعزيز و أنا اعرفه أنو نظام جامعتنا يخرج دكتور صيدلي يعني تشتغل في المستشفى مع الطاقم الطبي و فيها تخصصات مرره كتير للماستر و حلوة و حاول تقرأ عنها كتير عشان تحبها في كتير مواضيع مفيدة في هدا المنتدى في قسم كلية الصيدلة و موفق إن شاء الله

[MaJnOnHa]

اخوي رواتب اول صيدلي يستلم 10000 وشوي ع حسب الزياده الجديده بس ابي اعرف الفارم d كيف اكمل فيه ابيها هاذي

[rival soul]

^^^ انا بقولك نظام جامعة ام القرى لانو هوا اللي اعرفو اوكي
بتدرس صيدلة عادي وبعد سنة ثالثة تقدم طلب فارم دي وكدا وبعدين تختبرو وبعد القبول عادي خلاص بتكمل رابعة وخامسة دراسة مواد تختلف عن الصيدلي العادي في بعضها وبعدين سنة سادسة امتياز وطبعا عندك بعد تالتة ورابعة في تدريب اجباري بالصيف والتدريب في صيدلية المستشفيات طبعا ممكن انت تختار وتروح بنفسك تتدفع اذا اهلية او هما يوزعوكم على حكومية وتقدر تقدم بنفسك على حكومية ايضا وانت وحظك بس طبعا لازم تسال عن افضل شي في التدريب وحسب علمي كلهم يمدحو في مستشفى الحرس وبالنسبة لل imc تدريبهم للفارم دي ضعيف يعني بتدرب كانك صيدلي عادي ودي مشكلة لانو القسم جديد والحلو فيه اسمك دكتور صيدلي وفي نفس الوقت تخصص جديد يعني لما تجي وظايفو ويعترفو بيه تماااااااام راح تشوف راتب ومكانة ومستوى زيك زي الطبيب وبالتوفيق ^_^ واسف اذا قلت معلومة غلط بس انت اسال بنفسك في الجامعة عشان تتاكد اوكي