هنا تجمع طلاب التحضيري اللى اتخصصوا في رابغـــ........

[قمر قمرين]

اول شي مبرووووك حبيبي
وربي عندكم دكااااااااتره في رابغ عسل وقليله فيهم كلمة عسل والله الدرااسه فيها مميزات ماتلاقوها في جده وراح تتأكدوا بنفسكم مع الاياام
وبالنسبه للسكن لحد يكذب عليكم في 2 مبااااااني لسكن للطلاب والثالث بيتفك بس طبعا عباره عن شقق وكل شقه يكون فيها اقل شي 5 وفي شقق يوصلوا 7 بس شقتين اوثلاث يعني ع حسب مساااااحة الشقه بس بصرااااااحه السكن متعوب عليه في الاتثاث لكن سلبياته ان كل الشقق عباره عن غرفتين وصاله ومطبخ وحمام واحد بس يعني تخيلوا كذا الشقق اللي 7فيها ع حمام واحد مره مايجي وكمان الساعه 12 يقفل السكن وممنوع الطبخ لكن انت وشطارتك
بالنسبه للجامعه موقعها ع البحر ومبانيها جنب بعض يعني ما في تعب مررررره وللمره الثانيه اقوولها والله دكاترتها ملوووووووك والاداره كلها

وبالنسبه للمدينه رابغ الناس فيها عااااااادين بس فيها جحلط لازم تلقون منهم في كل مكان
لكن انتبهوووووا من بناتها

وفي النهايه حاولوا تشيلوا فكرة انكم تداااااااوموا من جده يوميا لان والله تعب وخطر بنفس الوقت
ونسيت اقلكم ممكن في لحظه تلقى تدسن ولا اي سياره غريبه تجي توقف تفتشتك ذولا مكافحة المخدراااات خااصه بعد الساعه 12 وتفتيش ودوريات رابغ كلها

واي خدمه انا جااهز

طبعا انا اتكلم من نك صاحبتي كذا صدفه وانا اطلع ع المنتدى شفتكم تحتاجونا فقلك افيدكم