عااجل ومهم جدا : الاودس يخطأ في حساب نسبتي الخاصة ويحرمني من الطب !!!

[عماد3]

المشاركة الأصلية كتبت بواسطة hadeel a السلام عليكم أنا أنصحك أن تروح العمادة و تطلب حقك يعني رحلهم مره و مرتين و تلاتة الين ما يتصلح الموضوع و ادا قلولك أنهم حسبو ب3 ساعات لأي سبب لا تسكت لأنو مفروض من بداية السنة يعرفونا كل مادة كم عدد ساعاتها عشان احنا نركز فيها و دا حقك يعني مفروض ابدا ما تسيبو حتى لو اقتنعت بالهندسة و بطلت من الطب فلا تسيب الموضوع أنا الترم ده أخدو مني درجة في الاحياء و ما كانت فارقة معيا في المعدل اللي من 5 و جلست أجري و راها و قلت حتى لو ما رجعوها و اتخصصت في الشي اللي ابغا حأروح السنة الجية و أطالب بها لان ده حقي و ما يسر ابدا أن أسكت عنو حتى لو مني محتاجتو و كل اللي في المنتدى قالولي مستحيل ترجع لانهم خلاص نزلو المعدلات ومستحيل شي يتغير بعد ما نزلو المعدلات و أن الترم الاول اخدو من البنات درجتين و لا رجعت و في النهاية الحمدلله رجعتلي الدرجة و حاول تجمع كم و احد معاك عندهم نفس المشكلة و صدقني حتتحل لأنك بتطلب حقك ما بتطلب شي تاني وادا عندك صورة من الجدول خدو معاك لان في عدد الساعات و ان شاء الله ربنا يسهلك و تتحل المشكلة معلي طولت بس عشان ابا أوصلك الفكرة

اشكرك يا اختي والله ورجعتيلي الامل شوية لاني مرا محبط ومدري ايش حيكون ردة فعلهم لان اللي ابغاه درجتين والمفروض اني ما احتاج الدرجتين دي لو حسبناها بالطريقة اللي كلنا نعرفها ..

حسبي الله ونعم الوكيل


اشكرك يا دكتوووورة

[تركي4444]

الله يخليك ياعماد اذا راجعتهم يوم السبت قولنا ايش صار معاك

لانو حتى انا عندي نفس المشكلة