للكل اللي اتصصوا خاصة للي في تخصصات صحية ..اتفضلوا و إن شاء الله تستفيدو

[hadeel a]

بسم الله الرحمن الرحيم
السلام عليكم و رحمة الله و بركاته
أترددت فين أكتب هدا الموضوع و خاصة أن ده المنتدى ماعد سار لينا ..
بس كتبتوا هنا عشان كلكم تقدرو تشوفو و إن شاء الله كلكم تستفيدو ..
طبعا دحين كلنا مبسوطين بعد التخصص و أكيد بعضنا عندو خوف من الدراسة و التأقلم و دي الأشياء و هدا شي مره طبيعي بس ادا خلينا غايتنا رضا الله سبحانه و تعالى حنعدي دي الأشياء و احنا مرتاحين و هدا الشي اللي أنا حابه أتكلم عنو قصدي أننا نخلي غايتنا في الدراسة اننا نقدر نشتغل و نعالج الناس و نخفف الامهم يعني أكيد في أشياء تانية احنا بنفكر فيها زي المكانة الاجتماعية و الدخل المادي و عن نفسي حأكون كدابة لو قلت أن ما فكرت في دي الأشياء و أنا بأختار التخصص بس قصدي نخلي مساعدة الناس هدفنا الرئيسي و كل ما أنضغطنا في المداكرة أو سارتلنا أي مشاكل نفتكر هدا الهدف و إن شاء الله ربنا بيسهلنا و يساعدنا .
طبعا ده الكلام بيمشي مع كل الاقسام مو بس الصحية بس أنا خصصت كلامي على الأقسام الصحية عشان ده الشي اللي أنا حسيت بي .
و في النهاية لازم نقول الحمدلله الذي هدانا لهذا و ما كنا اهتدي لولا أن هدانا الله .
و إن اصبت فمن الله و إن اخطأت فمن نفسي و الشيطان .
و يارب يوفقكم كلكم في التخصصات اللي ربنا اخترلكم هيا .
و شكرا .

[SoSoooo B]

ماشاء الله عليكي ياقمر كلامك مررة حلو يا د/ هديل
وان شاء الله اشوفك اكبر دكتورة اسنان

[Majed7]

وعليكم السلام ..

زي ما قلتيـ الأهم إنو يكون هدفنا الإنساني قبل المادي .. وإننا نساعد الناس عشان نرضي ربنا سبحانه ^_^

والحمد لله تخصصاتنا الطبية يصاحبها امتيازات مادية توازي التعب اللي راح يجينا مستقبلا ..


يعطيكيـ العافية د. هديل ^_^

[AM00NA]

وعليـكم السلام والرحمـة والاكـرآم ..

آلف شكر يآهديل ع الموضوع
وفعلا الانسان اذا عمل شي ونيته رضا الله سبحانه ربي يجعل حآله من افضل لافضل ..
ربي يوفقنا جميعا ..

[عبير الفيفي]

مشكوره ع الكلام القميل يا دكتوره هديل واكيد راح تكون غايتنا مساعده الناس ولا ما نستاهل دا التخصص


احنا قدمنا مستقبل كبير وصعب في نفس الوقت ولازم نكون في اتم الاستعداد لدا المستقبل

والله يوفق الجميع يااارب

بالتوفيق

[dr-sh0sha]

يعطيكي العافيه مرة كلام حلو

ان شاء الله ربنا يقدرنا ويسهل علينا الدراسه وتكون تخصصاتنا خير لنا ياااارب

شكرا مرة تانيه يا د . هديل

[أبو أحمد الالمعي]

ما شاء الله تبارك الله ..مابعد كلامك شي واضيف ان اهم شي اننا نخلص لله في كل امورنا

[طعنة صديق]

كلام جمـــيل دكتوره هديل ..
الله يسعدك و إن شاء الله نكون كلنا هدفنا الرئيسي هدف انساني وهدفنا الكبير رضا ربنا علينا ..
وياااارب نكون أحسن دفعة في جامعة الملك عبد العزيز من جميع النواحي

[DR.D]

جمييل اللي كتبتييه ’

الحمدلله الذي هدانا لهذا و ما كنا اهتدي لولا أن هدانا الله

و الله يعطينا ع قد نيتناا وو يبارك لنا في كل شئ

[ABADI14]

ماشاء الله على كلامك 100% صح وزي ما قلتي اهم شئ رضى الله اولا ومساعدة الناس ثاني شئ وبعدين الواحد يفكر من الناحيه الماديه ولاجتماعيه الخ....
تقبلي مروري