صورة للذكريات التي قد لاتعود

[yaooo]

ممكن الناس اللي عرفتهم في السنة التحضيرية هما اللي اشتقلهم بس غير كدا لا
اشتاق لايش للدكاتره اللي مهم دارين عنها ولا لرجال الامن اللي امتحنونا ولا للاختبارات اللي اتسلو فيها علينا ولا للقلق لانها سنة مالها داعي والكتب اللي ما ينفهم منها كلمه ما كان نزلو مناهج خاصة بالجامعه وتكون الاسئلة منها بدال ما نشتري ملخصات يمكن يجي منها ويمكن لا ولا على نتايج التسكين اللي انا شيبت وهيا ما طلعت ولا على المنتدى دا اللي مو فالحين الا يمسحو ردود
بخصوص الردود المنتدى دا مره حذفلي رد كنت بحاول اقلد فيه ناس كدابين ((مروه مو جامعتنا)) المهم وكتبت انو انا ممكن اساعد اي احد واحطلو +A وادخلو طب وهندسة مع بعض كمان وقلتلهم يمرو عليا في المكتب حقي مبنى 1395 غرفة 93 والمبنى جمب حديقة الحيوانات ((يمكن دا احد الاسباب)) اعتبرو الجامعه حقتنا حديقة حيوانات >>ممكن
وقلتلهم يتصلو على سكرتيرتي امل ورقمها وحطيت رقم مكون من 25 رقم وايميل مافيلو @ ((ويقولو انها وسائل اتصال ترا لازم @ في الايميل معقول ما تعرفو))
الين دحين ما عرفت ليش مسحوها بس يمكن ما عندهم شغله غير يمسحو ردود ومواضيع مع انو كانو مداهم يساعدونا بما انهم موقع لو صلة بالجامعه بس ما علينا
في النهاية نفتكر الذكريات دي ليش اشوف انو نفتكر اي شي تاني احسن ولا لا نفتكر يا اخي خلينا ننسى ونعيش المستقبل حقنا وخلاص . تحية للاخ dean حبيبي والله جبتلنا الضغط والسكر وكحه شكرا انك حتعطف علينا وتنزل نتايج التسكين >>يارب تنزل بس
انت تعبتنا وضيعت نص الاجازة في قلق وخوف بس مو مشكلة علمتنا الصبر (اي صبر الله يرحم والديك)>>يوميات طالب اخد بالزنوبه من جامعتنا العزيزة
والاخ يقلك ذكريات ااااااااااااااااااااه بس والله لو يرجع الزمن شوية لورا ما كان دخلت هنا كان اشتغلت سباك اصرف