توضيحي بخصوص موضوع Super Linux

[سكووت]

شوفي لازم تفهمي اني لمن رديت على موضوع الزواج مو عشانك تبين تتزوجي من برا لا لان اتت الفرصه للرد عليك كل شي مخالفه فيه مدري وش سالفتك

مو انت تقول لو كنا زي بعض حتسير الحياة ملل .. لكل شخص وجهة نظر بهذه الحياة

ننتقل الى الجد ... مو تقولون كل واحد وجهة نظره انا ارى ان الي تبي تتزوج من الخارج عشان الحريه ماتبي رجال يقولها لا عيب اذا دخلنا السوق لاتكاسري انتي اختاري وانا اكاسر عشان تبي تقول ( عشاني راعيني ) << والله قويه << مجرد مثل اما فديت السعودين عنده غيره ولاشاف البنت تتمرقع ع بيت اهلها مو زي الاجنبي لو شاف حرمته مع خويه عادي مره عادي يقولك اصحاب مافيها شي ههههههههههه تبي تكشف البنت مع السعودي ماتقدر والله لغير يذبحها اما الاجنبي لا غير عادي حبيبتي خذي راحتك ولو ماتبين تلبسي العبايه عادي مره السعودي وقت الصلاه يقوم حرمته واذا ماقامت الله يكون في عونها يجننها الين تصلي الاجنبي غير ماشاء الله نايم جنب حرمته وعادي النائم حتى يصحو هع

ربنا منحنا الحرية , و كل انسان كامل الاهلية بشخصية مستقلة له حرية في قرارته مادام هو او هي مقتنعة بالقرار , و لا يحق لأحد منعه مدام هذا القرار لا يخالف الشريعة او الانظمة .. و لكن بعض الرجال العادات و التقاليد بالنسبة لهم شريعة اخرى .. و لو رجعت لردي و قرأته بتركيز سترى اني لم اطلب الا اشياء مشروعة و من حقي كأنسانة .. بالنسبة ان غير السعودي ما يقوم زوجته للصلاة , ماشالله ايش عرفكـ ؟عايش معهم ؟ و بعدين انا ماني بحاجة شخص يقول ليا قومي صلي , لأني اعرف متى وقت الصلاة .. و الدين بين العبد و ربه و ليس للناس ..

طيب حلو اعترفتي بنفسك قلت اايد حقوقنا فقط سواء من سعد وغيره طيب الي ماتعرفيه بالله سعد الفقيه يساعدكم ل سواد عيونكم ؟ كلينتون وغيرها بالله وينهم زمان ماجو الى على السواقه لانهم عرف وان هذا اول الغيث على الاختلاط شوفي انا والله والله والله مؤيد لموضوع السواقه مااقول شي مع انه راح تخرب بعد السواقه السبب تقل الغيره راح اشوف اخت صاحبي كل يوم بالسياره وامه وجنبي حرمه تسوق يعني يسير الحريم عادي مو زي اول لمن تشوف حرمه ولا اهل واحد من خوياك نازلين من البيت تبعد مسافة كيلو لانك تغار وماترضى على اهلك فأكيد بتحترم اهل غيرك صح مافيها شي لو وقفت وغضيت بصرك بس ديننا ماشاء الله علمنا كذا اما بعد السواقه عادي يجيني خويي اقوله والله توي شفت اختك في شارع الستين ناشبه في زحمه الله يعينها هع دنيا زمان الي ماعمرنا نقدر نقول اختك ولا امك بعد السواقه عادي مره عادي يمكن يوم اسئلها عنك يعني مثلا شفتها تجنب السياره اقول بالله وين اخوك ههههههه الله يالدنيا هذه الي تبون توصولون له مع اني مؤيد السبب اهلي يسوقو ولا يطلعو مع سواق + والله الواحد يتقطع قلبه لمن يعدي من الجامعه او من مدارس والبنات تصفق فيهم الشمس ومايجون اهاليهم الى بعد ساعتين من الصرفه هذا موضوع الزواج + السواقه انتيهنا منه

وجهة نظركـ و احترمها و ان كنت اختلف معكـ فيها

بالنسبه لمنال الشريف انا احترمها لشي واحد قدرة تضحكم عليكم هع لكن طريقتها في المطالبه لا والله لو اني لي سطله اسجنها واجلدها بعد وكمان انتي مسويه زحمه بمنال الشريف ؟ وينكم الحمله والكذب حقكم يعنني 15 رجب حرمتين نزلن يسوقو ههههههه قلك حمله حريم ماوراكم الى الكذب والمهايطه

ليش السجن و الجلد ؟ لم تخالف انظمة , لم تخالف دستور , و فوق هذا كله لم تخالف الشريعة .. حتى عند القبض عليها الي خلاها توقع تعهد بنفسه اعترف انها لم تخالف اي نظام , و لو كنت مطلع على الانظمة في السعودية راح تشوف ان طريقة القبض عليها كانت تخالف الانظمة المعمول بها في السعودية , اضافة الى انه تم الافراج عنها بدون اي عقوبة ..
خلينا بعيد عن الدكتاتورية , و حملة 17 يونيو عدة نساء ممن يملكن رخص من دول الخليج و رخص دولية قادوا سيارتهم و تقدر تشيكـ و تعدهم على اليوتيوب ..

وابشرك الفرج مو قريب ههههه مجلس الشورى قبل كم يوم يقول مافي احد يطالب بالسواقه كيف تبونا نتكلم فيها ههههههههههههه

مجلس الشورى لا ينأخذ منه لا حق و لا باطل , اصلا من اخر انظمة الزواج من غير سعودين و شفنا كيف العنصرية و التفرقة بين احقية المرأة بالزواج و احقية الرجل غسلت يدي منهم بكلوركس بعد ...هذه الامور ما يبغالها الا امر ملكي كالعادة .. و لو بننتظر مجلس الشورى و رأيهم كان ماشفنا المرأة بعهد الملك عبدالله الله يطول بعمره اصبحت تشارك في اغلب المجالات اللي كانت حكر عالرجال في الماضي .. لمن يصير المجلس منتخب و من حق الشعب ان يختار من يمثله و يناقش قضاياه راح يتحسن وضع مجلس الشورى .. اضافة ان اعضاء مجلس الشورى هم نصف المجتمع و لا يوجد النصف الاخر اللي هم النساء بعضوية كاملة فكيف تبغى العدل و المساوة تعم اذا كان نصف المجتمع يناقش قرارت و النصف الاخر مهمش لا يناقش و لا يصوت ؟؟...

يقول كل الخطابات الي عندي رافضين ولا خطاب مؤيد هههههههههههه

في خطابات مؤيدة تم ارسالها و موقعة من المواطنين و المواطنات, و لكـن التعتيم سياسية منتشرة لدينا ..

ان شاء الله راح تسوقو والفرج قريب وبنخليكم تكشفو والعبايه حريه الي تبي تلبس ولا ماتبي ونسمح للاختلاط يعني وش فيها لمن الجامعه تكون مخطلته عادي ونحن نطالب بذلك << سار زي الحريم ههههههه

محور حديثنا لم يكن عن الاختلاط او العباية .. اترفع عن الرد

سكوت قبيلتك اتمنى انك ماتذكريها لانك ظلمتي الغمد وانا مسكين كل يوم امدح واقول الجمال والاخلاق والدين ماتلاقيه الى في الغامديه خوساره حسافة المدح والله واخيرا اخت سكوت اسف مو قصدي اتهجم عليك لكن شفتي الموضوع كلهم معارضين لك ومحد مصدق انه في وحده سعوديه تخاف الله وغامديه تقول هالكلام ماتركتي مجال لغيرك اجل اذا انتي تقول هالكلام عاد كيف الاجانب الي عايشين في السعوديه الله يستر بس ودينك ومذهبك ليالي العيد باينه من عصاريها كل شي مو عاجبك عندنا يابنت الناس فكينا وروح عيشي برا ترا وربي محد جابرك واتقي الله في نفسك راح تخربي بنات الناس نصيحه لوجه الله والله يوم القيامه محد راح ينفعك هذولى سعد ومنال وكلينتون كلهم سياسين ومايبون الحكم يبون السعوديه تنقلب قلب منال هذه كانت في امريكا ضحكو عليها وجات تضحك عليكم المفروض ناخذ اسمك عشان تنفصلي من الجامعه و نتبرع لك ونبتعثك والله بتخربي بناتنا روحي برا ترا تقدري تسوقي وتكشفي وتتزوجي اجنبي الشقر مليانين ههههه مااقول الى امه داعيه عليه الي بيتزوجك راح يتعب ويندم طول عمره احسلك شوفي لك اجنبي من بدري تراهم يدورون السعوديات دواره عشان يستغل اسف اقصد عشانه يحبكم ههههه الشيخ د/ عاصم الحربي << ينصب زي سعد الفقيه هههههههه لكل مقال مقام وعلى حسب اخلاق العضو نرد عليه :) للهم اجعل من يفكر في اشعال الفتن وتحريض الناس على مخالفة الاسره الحاكمه كيده في نحره ودمره تدميرا يارب العالمين اللهم اشغله في نفسه اللهم شل لسان من يحاول يخرب بنات الناس اللهم افقده اعز ماعنده وحسبي الله ونعم الوكيل

اغلب الكلام كان شخصنة للموضوع .. فأترفع عن الرد مرة اخرى ..
لم تكن لي رغبة بالعودة مرة اخرى للموضوع حيث اني وضحت و جهة نظري .. لكن الله يعين
حاول انكـ تقرأ الرد بتمعن , و افهم المقصود قبل ان تتشعب في ردكـ و تحول النقاش لمحاور اخرى لم اتطرق لها انا كالعباية او غيره ..

و شكرا لكـ
سبحـانكـ اللهم و بحمدكـ اشهد ان لا اله الا انت استغفركـ و اتوب اليكـ ..