السنة التحضيرية << طالبة ثانوي تسأل ممكن؟؟

[ُزمرد]

المشاركة الأصلية كتبت بواسطة قدرات+90 السلام عليكم ورحمة الله وبركاتة بدخل بالموضوع على طول ماعرف لللمقدمات بس حبيت اعرف عن السنة التحضيرية لان مابغى اتووه واكون متوترة ايش الصعبات الي واجهتكم وكنتو تقوول ياريت كنا نعرف واستعدينا لهاا طبعاا الدرااسة كلهاا انجليش كيف كانت الدرااسة وهل لازم اتكلم مع الدكتورة بالانجليش <<<<يعني تنصحوني بايش من دي النااحية ولي دخل معهد انجليش ايش اسمه وهل استفاد منو ؟؟ طبعاا انا ماعرف ايش الاشياء الممكن تواجهني بالجامعة وفي السنة التحضيرية ياريت تعلموني بيهاا اتمنى انكم تتكتبون تجاربكم وادعولي ان ادخل الجامعة ويارب يوفقكم وتدخلو التخصص الي تبغوه

وعليكم السلام ورحمة الله تعالى وبركاتة..

أهلين وسهلين ويا 100 مرحبتيــن ..



,‘



اممممم الصعوبات اللي واجهتنا ..>

تختلف من شخص لاخر .. وان شاء الله ما يواجهك شيء..

لكن الحمدلله قدرنآ نجآوزهآ وعدينآهآ ب سلام ..



..



ايوة الدراسة انقلش بس ان شاء الله ما تتعبي فيهآ لانها اغلبهآ مسآئل حسابية وأرقام ما تعتمد على اللغه نفسهآ ..

يعني مثلاً معادلات الارقام تكون بالانقلش والسؤال يكون واضح وبالانقلش.. طبعاً مع االدراسة والتعود في المحاضرات حيكون سهل عليكم انكم تفهمو السؤال ..

الدراسة عبآره عن خطتــين ( فصلين دراسيين ) ..

1- خطة أ
2-خطة ب

انتِ وحظك يا انك تبأدي الترم الاول بـ أ والترم التاني تسيري ب
او العكس


.. خطة أ موادهآ /

رياضيات ( انواع الدوال بالتفصيل ، التفاضل والتكامل )
فيزيآء ( اغلبها تتكلم عن السرعه التسارع قوانين نيوتن )
انقلش ( انقلش عادي ) !
مهارات اتصال ( مرة مادة سهله تنقرأ قراءه )
حاسب ( مرة مادة ممتعه خصوصاً الجزء العملي )

خطة ب /
كيمياء ( الكيميا مرة مرة حلوة فيها مواضيع كتير والمنهج طويل شويتين بس من جد مرررراااا سهل واسهل من حق الثنوي بـ 100000 مرة )
أحيآء ( الاحياء في شيء إسمه تست بانك هوا دا اللي نذاكر منه .. سؤال وجواب نحفظهم وندخل الاختبار نلاقي زي اللي ذاكرناه بالحرف الواحد .. طبعاً ب الانقلش الحفظ )
انقلش ~
إحصآء ( ماده سهههههههههههلةةةةةةةةةةةةةةةة وممتعه وحلوة مرررررررةةةةةةةة .. وورقة القوانين تدخل معاكِ الاختبار< ايش في احلى من كدا .. قانون وتطبقي عليه والورقة تدخل معاكِ شفتي الجامعة كيف فلة )

..

المنهج سهل وحلو ونفس اللي درستوه ف الثنوي ترجعو تدرسوه تاني بس الاختلاف حيكون ف اللغه فقط ..

في ملخصآت تنبآع مرة حلوة ان الواحد يذاكر منهم بدال لخبطة وحوسة الكتب

هيآ حلوة السنة وحتتعرفي فيهآ ع بنآت وتنبسطي ان شاء الله

واهم شيء انك ما تتأخري على وقت بدء المحاضرة عشآن في دكاترة لو اتأخرتي يطردوكي ويعملولك غيآب!

> لازم ما تتهاوني ف الغيآب لانه في حاجة إسمها "حرمان" كل مادة لها مثلا 6 غيابات لو غبتي اكتر من 6 خلاص تنحرمي من دخول الاختبار النهآئي وتروح عليكِ 40 درجة


لأاحد يخوفك منها ويقلك صعبة ومدري ايش .. الاشاعات دي ح تسببلك ازمة لو صدقتيهآ

..

الصعوبة اللي واجهتها يمكن انو الاسئلة حقت الاختبارات ماكانت تجي مبآشره زي اسئلة المدرسة

بس ان شاء الله بعد اول اختبارين يمرو عليكِ ح تعرفي كيف سياسة الجامعة وكيف اختباراتها

وكمان حكاية الاشاعات تعبتنآ كتير ..

الجامعة غير عن المدرسة .. مافي احد ح يجري وراكِ ويقلك ادخلي فصلك وأحضري

كل واحد عقله ب راسه يعرف خلاصه.. تدخلي المحاضرة من نفسك كان بها .. مادخلتي عادي > الدكتورة تعملك غيآب عند اسمك وغياب ورا غيآب .. يعرضك للحرمآن..


..

وبالنسبة ان الدكتورة كيف تكلميهآ لا عادي

جميع الدكاترة حقووننا كانو عربيآت .. سوريآت مصاريآ .. سعوديآت ..إلخ، طبعاً يتكلمو معاكم ب العربي ف بداية المحاضرات لين يعودوكم على المادة ومصطلحآتها مرة لا تشيلي هم

لكن مدرسآت ماده الانقلش احياناً يجو اجانب ف ما ينفع تتكلمي معاهم غير ب الانقلش ^^

ان شاء الله تنقبلي ف جامعتنا الموقرة ..

واهم شيء ف الموضوع انك تشتري كريم واقي من الشمس .. انا لوني قلب رمادي ولله الحمد

ومن البيت للجامعة ومن الجامعة للبيت

..

الله يوفقك يا عســــل

..


وبالنسبة للملخصآت ف افضل شيء ( يوسف زويل + جمال السعدي + أشرف بركات ) < تحصلي الملخصآت دي في المكاتب اللي جمب الجامعة..

لكن ك نصيحة اهم شيء واحسن شيء انك تذاكري من الكتآب الملخص يكون بس للمراجعة لو عندك وقت تطلعي على الاسئلة والافكار اللي فيهآ .. انا كل المواد ذاكرتها من الكتاب .. ماعدا مادة الفيزيآ ..

إن شـــــــــ الله اكون افدتك ــــآء ..

روحي عيشي اجازتك وانبسطي يوم يوم ساعه ساعه زنقة زنقة .. الوقت اللي زي دا من السنة الجية ح تضيع اجازتك ف هم انتظار التسكين زي حالاتنا ..


ُزمرد ..

[THE HILL]

المشاركة الأصلية كتبت بواسطة ƨɱƨɱ كلامكم مرره أفادني .. مشكورين .. ايش افضل الملخصات . ومن فين تجيبوا اسئلة السنوات الماضية.. موفقين :)

العفو .. :)


ملخصات كثيرة وبالهبل بس مو وقتها الحين انتو ابدؤا ف الدراسه ويصير خير لا تستعجلو



والملخصات والاسئله من المنتدى هنا " قسم التحضيري " و الا من المكتبه :)~



انتو لسى ما اكدتو الطلب " ولا تنسو تاكدوه " ولسى باقي فترة التقديم وان شاء الله تكونو مقبولين ي رب > صبر جمييل

[Dr.lola]

ياحبيبتي باختصار السنة التحضيرة مو صعبة ومو سهلة تعتمد على مدى مذاكرتك للمواد ونصيحة لاتدخلي اي معهد لانو في الجامعة معهد حيعلمك كل الاساسيات الي تحتاجيها وبالتوفيق لكي ولنا

[SoOoma~]

المشاركة الأصلية كتبت بواسطة قدرات+90 يعني انتو تذاكروو اللمخصاات لان ماتفهممو على الكتاب صح دا الشي الي توصلتلو منن كلامكم

ذااكرري من الاثنين ييا عسلل
انا لولا الله ثم الملخصاات ماكان مشيت فالترم الثاني
لانو المااث ما ينفع يتذاكر من الكتاب والفيزياا كماان
فالملخصصات حتلاقي امثله وافكار اكثثر
انا اتكلم عن نفسي
وطبعاا مو الكل زي بععضض

[ضياءالروح]

مايحتاج ازيد
كلامهم ماشالله كفى ووفى
بس عندي شيء بسيط
"التعب اللي تتعبيه في الجامعة نص تعبك في الثانوي "
يعني الجامعة والله اسهل واوضح والكلام من البداية باين مايحتاج حوسه
اللهم المذاكره تعتمد عليكي وعلى طريقتك


بالتوفيق ي رب ..

[قدرات+90]

شكرا وربي ماقصرتوو الله يوفقكم وتدخلو التخصص الي تبغوه