لكل وحدة منزلة تدريب في الصيف

[heba almosa]

السلام عليكم

اليوم انا رحت الجامعة وقالت لي استازة زكية انو اي وحدة تكون حاطة فبالها انها تتدرب او حتى انقبلت فاي مستشفى لازم تجي تنزل المادة من عندها وتاخد اوراق من عندها توديها للمستشفى اللي انقبلت فيها طبعا لازم تكوني مغطية 100 ساعة واكتر عشان تخليكي تاخدي ورق التدريب

يعني الورق القديم اللي كان صفحتين محد معترف فيه واذا ما نزلتي المادة في الجدول ووديتي الوق الجديد للمكان اللي حتدربي فيه ما يحسبولك التدريب كأنك ما سويتي شي

وبالتوفيق

[بيو كيميائية ^_^]

طيب إحنا ماخلصنا 100 ساعة وبنتدرب شلون يعني

[heba almosa]

هدا النظام الجديد يا حلوة

ما يعطوكي ورق لحد ما يتأكدوا من عدد ساعاتك وبعدين تاخدي الورق وتوديه للمكان اللي انقبلتي فيه

واي وحدة ما تنزل المادة فجدولها الصيفي ما ينحسب لها

لأنو لازم تكون عليكي مشرفة تراقب حضورك وغيابك

[بيو كيميائية ^_^]

المشاركة الأصلية كتبت بواسطة heba almosa هدا النظام الجديد يا حلوة ما يعطوكي ورق لحد ما يتأكدوا من عدد ساعاتك وبعدين تاخدي الورق وتوديه للمكان اللي انقبلتي فيه واي وحدة ما تنزل المادة فجدولها الصيفي ما ينحسب لها لأنو لازم تكون عليكي مشرفة تراقب حضورك وغيابك

والله قهر يعني هم من البداية عطونا الورق وماقالوا لنا

والحين يغيروا رايهم

على العموم أنا بتدرب بتدرب بذمة وضمير

وباخذ شهادة وتقيم ونشوف يمكن يغيروا رايهم

[heba almosa]

لانهم عملو وحدة تدريب جديدة في الكلية لكل الاقسام يعني الشؤون هي المسؤولة

باشراف المشرفة اللي من القسم

عموما الله يوفقك انا حبيت ابلغ الكلام اللي قالتو استازة زكية اليوم

[صمت القمر ـsـ]

مع العلم ان فترة البدانا تدريب من زمان ومابقي شي واخلص

والا ارجع اعيد التدريب
لاتقبلوا بهذا الكلام واحنا لغاية نهاية الترم وهممه يعطونا ورق تبع التدريب بحيث يقبلوا انه نتدرب90 ساااااااااااااااااااااعه مع المكان اللي راح اتدربت فيه
ليش تقبلوا بهذا الكلام
من الترم الجااااااااي المفروض يبداؤ ؟؟؟؟؟؟؟؟؟؟؟؟؟؟
ياناس يا بشر كل مايسوووا شي جديد يعذبونا
لمن تلاقي مستشفى يقبلك ولمن قبلك المستشفى ومافيه تدريب في رمضان نكمل في شوال كذه ياناس ماصار ترم صيفي
كل هذا العناء


ولأسف أين مسمى وظيفي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلنا المفروض نتكلم مانسكت عن حقنا
الورق المقدم من مكتب رئيسة القسم وعليه توقيعها والتاريخ
للتقدم بالتدريب لطالبات كيمياء حيوي
هل يعقل هذا الكلام
لأسف لايفيد الصراخ بجوار اذان صماء

[صمت القمر ـsـ]

كلنا بكره المفروض نروح ونقول لهم اننا بدأنا تدريب متى راح تخلصوا تدريب اذا سكتوااااااا اشبكم يابنات

[صمت القمر ـsـ]

المفروض نتجمع عند رئيسة القسم ونقول راينااااااااااا وكلنا كلمة وحده

مين معايه يابنات
انتم رايحن علشان تضيفوا المادة
ردواااااااااااا نعم او لا
انا منتظرتكم

[heba almosa]

انا يا قلبي رايحة اضيف المادة

بس خلاص ما بقالي على التخرج الا الترم الجاي ومخلصة اكتر من 100 ساعة

[قلبي مملكه]

حسبي الله ونعم الوكيل عليهم
الحين جايين يتكلمو بعد ما تبهذلنا الين لقينا مستشفى