هل أنت سعيد بكونك طالب في جامعة الملك عبدالعزيز ؟؟ ( نقاش + فضفضه ) أرجو المشاركة.

[ميتوكندريا]

بشكل عام نعم لانو بندرس فيها مانلعب لكن السلبيات كثيييييرة منها

* الجامعة تدرس قسم حاسب وتخرج خريجيين لكن تعال شوف الأجهزة اللي في الجامعة تفشل !!!!

* المباني بصراحة يبغالها تصليح من جديد يعني مثلاً الاقتصاد المنزلي اللي فيه تصميم داخلي وين التصميم في المبنى قديييييييم وصغيييييييييير وضيييييييييق
حالته حالة هذا بدل مايكون فيه مكان يعرضوا فيه مشاريع البنات.
هذا غير اللي شفناه أيام السيول..

* قدمت عذر طبي قبل فترة كان بالانجليزي قالولي لا لازم بالعربي !!! يعني والله فشلة انها من اقوى الجامعات ومايقبلوا شي بالانجليزي ؟!

* اخواننا واخواتنا اللي في الانتساب يعانوا من مشكلة أخطاء في التصحيح لدرجة احيانا ينزلوا للطالب رسوب وهويكون ناجح وهذي المشكلة صارت
مع كثيييييير من الطالبات ودائما تتكرر !! يعني المفروض مشكلة زي هذي الجامعة على طول تحلها !! وهذا لمصلحة الجامعة وسمعتها أولا !!

* زي ما ذكر في بعض الردود بصراحة كل يوم لهم قرار!!

في الاخير الجامعة والله فيها الخير وان شاء الله حتكون احسن واحسن وتكون في أوائل الجامعات بالفعل مو بالكلام وبس