( .. وظائف للسعوديين بالكويت .. )

[رغدهـ،]

طيب اذا انا حابة اقدم على وظيفة معلمة بالكويت ايش الاجراءات ومن وين اقدر اقدم
خصوصاً ان لي 8 سنوات متخرجة وللحين مالقيت لي وظيفة حكومية!!

[ولد الجهراء .....]

المشاركة الأصلية كتبت بواسطة رغدهـ، طيب اذا انا حابة اقدم على وظيفة معلمة بالكويت ايش الاجراءات ومن وين اقدر اقدم خصوصاً ان لي 8 سنوات متخرجة وللحين مالقيت لي وظيفة حكومية!!

تقدمين على وزراة التربيه بالكويت

تجزين اوراقج كامله وتصدقين شهادتج وتقدمين على الوزاره , خلال فتره بسيطه بيتصلون

عليج ويكون فيه مقابله ويبين بعد المقابله تنقبلين ولا لا , أهم شي شهادتج أنتظام

لان الوزيره السابقه قالت مانقبل الانتساب بس الحين تغير الوزير أعتقد

وبالواسطه حتى الانتساب ينقبل الحين



على فكره التوظيف هناك مافيه شي اسمه وظيفه اهليه ماأدري شلون نفس اللي بالسعوديه

اللي ماله داعلي , يعني على طول الوظيفه تكون رسميه وراتبج زين



وسلامتج إذا بتسألين عن اي شي حاضر

[ولد الجهراء .....]

المشاركة الأصلية كتبت بواسطة رغدهـ، طيب اذا انا حابة اقدم على وظيفة معلمة بالكويت ايش الاجراءات ومن وين اقدر اقدم خصوصاً ان لي 8 سنوات متخرجة وللحين مالقيت لي وظيفة حكومية!!

خليني اقولج قصة وحده

اختي كانت عندها رفيجتها بالثانوي سعوديه

تزوجت واحد سعودي وراحت السعوديه المهم زوجها كان عاطل اوموظف وظيف بسيطه

شهادته ثانوي كانوا بالدمام وهي موظفه نظام وظيفه اهليه بمدرسه , السنه اللي طافت

قدمت بالكويت وانقبلت صارت مدرسه مع اختي بنفس المدرسه , وزوجها قدم على وظيفه

بالكويت وانقبل يستلم تقريبا 350 دينار ومأجرين الحين بالكويت وامورهم زينه


,,,,,,,,,,


يعني لوتجين تقدمين انتي واحد من اخوانج اوزوجج ان كنتي متزوجه افضل

عشان يمشون بمعاملتج وتقدمي المعامله والاوراق بنفس اليوم تقريبا وياخذون رقمكم
ويتصلون عليكم وقت المقابله