Discussion

[Dr.Passed]

المشاركة الأصلية كتبت بواسطة dr.mo0ody أولا أحب اشكرك على دا الموضوع الرائع.. وتانيا انا من رأيي انو نظام التعليم عندنا مو فعال ولا كويس يعني تقريبا كل المدارس ما يعطوا ولا اي اهتمااام باللغة الإنجليزية مع انها هي اللغة الأساسية للتعامل في كل بلدان العالم تقريباا بس للأسف ما يهتمو بيها كتيير, بس الحمد لله أنا كنت في الثنوي كلها من اولى لحد ثالثة كل اساتزتي حق الانجليش كانوا بريطانيين وكنديين فالحمد لله كنت اتكلم معاهم واتعلم كتييير غير انهم كانوا ما يدونا كتاب حق الوزارة ابو مشي حالك, كانوا يدونا كتب أجنبية و يجيبولنا قصص وروايات نقراها وغير الألعاب اللي كنا نلعبها مع بعض في الحصة فكنت فعلا جداا استفدت منها, وكمان الأفلام لما اتفرج عليها أول شي كنت في البداية اتفرجها بترجمة عربي وبعدين ترجمة انجليزي وبعدين صرت الحمد لله افهمها من غير ترجمة... فكل دي الأشياء تساعدك على تطوير لغتك الانجليزية والأغاني أسمعها وأفهمها ولو ما فهمتها اقرأ ال lyrics حقتها ولو ما فهمت اي كلمة منها ترجمها حتصير تعلق براسك وما تنساها بعد كده... :))

اصلا هادي الدراسه الصح..مزبوط كلامك
كمان كتير لمن يدرسو اللغه يترجمو الكلمه الإنجليزيه ( يكتبو جمبها المعنى بالعربي) هادا كمان انا اشوفو غلط كبير...المفروض زي ما قلت التعامل كلو يكون بالإنجليزي...الواحد يسمع المعنى من غير ما يكتبو بلغه تانيه عشان ما ينسى....يسمع ويفهم من اول مره...لأنو الترجمه تلخبط وتنسي المعلومه بعدين...فالأفضل كمان انو ما ترجمو


وشكرا لمشاركتك =)