الكل يدخل ويشارك..ضروري

[my Engel]

السلام عليكم ورحمة الله وبركاته
كيفكم؟
اذا حابين يوصل صوتنا هذا موقع رئيس تحرير جريده عكاظ بس بالموقع مطلوب الاسم كاملا ورقم الجوال
http://www.okaz.com.sa/new/index.cfm....contact_chief
ارسلو له الشكوى
وانا شكيت كل شئ نتعرض له بهاالجامعه
v
v

واليكم
السلام عليكم ورحمة الله وبركاته
انا حابه اكتب معاناة جميع طلاب وطالبات الانتساب
أتمنى من جد توصل صوت ومعاناة طلاب انتساب لجريده عكاظ والبنط العريض وبااول صفحه من يحمي طلاب انتساب؟؟؟
إحنا نتعرض لظلم وظلم كبير وتقدر تشوف هالشى من خلال الروابط المرفقه
أول شئ نبدأ بالرسوم إذا مايبغوا يعفونا من الرسوم يخفضوا الرسوم 1500 لأنه بجد الناس ظروفها مع الغلاء رديئة..
ثانيا/لبش مايحق انا نتخصص التخصص اللي نبيه لبش تخصصاتنا محصورة بين كليه الآداب والعلوم الانسانيه و كليه الإدارة والاقتصاد يعني إحنا ماعندنا طموحات أكثر من كذا؟؟؟ وليش مانتساوى بطلاب الانتظام
ثالثا/ لبش لما يطلبوا مننا نجيب معدلات عشان نحول انتظام يخسفوا بدرجاتنا وتصير بالنازل وما نقدر نحول ونجلس ندفع ؟؟
رابعا/ كيف نجيب درجات وإحنا نحضر المحاضرات على النت بنظام يسمى السنترا وهو أسوا نظام لانه نص المحاضرة الصوت يقطع ولوتبغى ترجع للوراء دقيقه مايرجع لازم تعيد المحاضرة من الأول ويضيع الوقت!!
وهل يعقل انه ينتهي من كتاب كامل بااسبوعين؟؟؟
يعني كل الناس تحتاج 3 شهور طلاب الانتساب ينتهون من أربع أو خمس مواد فقط بااسبوعين!!!
خامسا/ الاغلبيه يسكنون بقرى وبالقرى مافيه انترنت أو الاغلبيه ماعندهم انترنت بسبب الظروف وآنا واحده منهم كيف احضر المحاضرة ؟؟
سادسا/ الاختبارات توقيتها غلط من 8 إلى 10 الليل
مافكرو إننا بنات وأغلبيتنا بسواق أو بباص أو ليموزين كيف ارجع معاه بالليل ؟؟
سابعا/
ألخبطه بشعب الاختبارات وضياع وقت الطالب من مكان لمكان بحثا عن شعبته المفروض يتم تحديدها من خلال الجداول من قبل الاختبارات بااسبوع
ثامنا/ اختباراتنا تضليل وجهاز يصحح وبالأخير تعال شوووف كم عدد الرسوب حرام من جد لأنه التضليل إذا كان فيه لخبطه لأتحسب درجه السوال وهاكلام كان موجود بجريده عكاظ الترم الأول كم كان عدد الرسوب؟؟
نعاني من سوء المعاملة من قبل المسؤؤلين بالجامعة لماذا لأننا انتساب؟؟
وغير الوعد بالمكافآت من الملك ولم نرى شيئا منها ؟؟
إحنا نتعرض للظلم من جد أتمنى توصل صوتنا لو بجريده عكاظ وبالبنط العريض بالصفحة الأولى
انصر أخاك ظالما أو مظلوما
وجزاك الله خيرا..
وشكرا

http://www.skaau.com/vb/showthread.php?t=406507

http://www.skaau.com/vb/showthread.php?t=401149

http://www.skaau.com/vb/showthread.php?t=407450

http://www.skaau.com/vb/showthread.php?t=403009

http://www.skaau.com/vb/showthread.php?t=397353

http://www.skaau.com/vb/showthread.php?t=400013

http://www.skaau.com/vb/showthread.php?t=350167

http://www.skaau.com/vb/showthread.php?t=327553

http://www.skaau.com/vb/showthread.php?t=364435

http://www.skaau.com/vb/showthread.php?t=363045

http://www.skaau.com/vb/showthread.php?t=361609

http://www.skaau.com/vb/showthread.php?t=362754

http://www.skaau.com/vb/showthread.php?t=407280

[بنووته جامعيه]

اي والله كل كلآإآإمكك صححح احنآ ظآلمينآإ بقوووووووه
من ججد معآنآه ..
يعطيك العاافيه والله مآقصصرتي كل شي كتبتيه له وان شاء الله يشوفولنآ حل ويعدلوآ من وضعنآإ
والله يجزيك كل خييير ..
مووفقه حبيبتي ..~

والله يكوون بعوننآ ويسسهلهآإ لنآإ ..~

[ماكنتوشه]

وعليكم السلامم ورحمةة الله وبركاتةة

بالنسبة لي انتهت مشاكلي مع هالجامعه ان شاء الله

لكن مايمنع نساعد الناس اللي بتخبص مثلنا ونعدل الامور لهم ..
مع اني يأست وبصراحه مايفيد فيهم الا مثل ماسسووا المصاريه بمبارك ..
يعني باختصار اما تسوون مظاهره داخل الجامعه او مظاهره برا والوعد الفيس بوك <~ بتنجلد

ع العموم ربي يوفقكم ويسسهل دروبنا ع الخير وهالجامعه مو بنهاية الدنيا
نقدر ندرس برا ونرجع وتصير الجامعه هي اللي تجي ورانا مو العكس

اسفه شطحت عن الموضوع خيتي اتمنى يوصل صوتك لجريده عكاظ وربي يبارك في الجميع

[سهـم شرقـي]

جزاك الله خير فعلا في ناس مره ظروفهم صعبه وخصوصا البنات ..

والمصيبة الامر اللعب في الدرجات والعشوائية والتماطل يعني يصراحة هزلت والله الجامعه انعافت ..

اصنحوا اي احد بيلتحق بالجامعة بيلتحق بجامعة فيصل عندهم انظباطية ومصداقية في العمل..

[my Engel]

بنوته جامعيه
اشكرك على مرورك وان شاء الله يارب يوصل صوتنا واحنا جالسين نستخدم اضعف الايمان
ماكنتوشه
اشكرك على مرورك
اااااه لو اني شنب وربي لا اسوي اخس من اللي سواه الشعب المصري بمبارك ( بالجامعه) بس المشكله اني شباصه وماباليد حيله
وبالتوفيق يارب للجميع

[my Engel]

سهم شرقي
اشكرك على مرورك
ويعطيكم العافيه
وبالتوفيق يارب

[عـالي مستواه]

ما قصرتي ... وأنا بأرسل بعد ..... لكن :

من تقاضي وخصمك القاضي

أتوقع رئيس تحرير عكاظ من الطبقة الإرستقراطية مثله مثل الدكتور أسامة مثل الصادق الصدوق مشاط

يعني اللي ما همهم إلا مناصبهم ... لكن بنحاول والباقي على الله

ماكنتوشة لا تحرضين على الفتنة .... علشانك خلاص حولتي ... بتورطينا مثلا ؟؟

[قلبها طيب]

من جد كلامك صحيح وباذن الله مانخرج من غيرفايده

[my Engel]

المشاركة الأصلية كتبت بواسطة عـالي مستواه ما قصرتي ... وأنا بأرسل بعد ..... لكن : من تقاضي وخصمك القاضي أتوقع رئيس تحرير عكاظ من الطبقة الإرستقراطية مثله مثل الدكتور أسامة مثل الصادق الصدوق مشاط يعني اللي ما همهم إلا مناصبهم ... لكن بنحاول والباقي على الله ماكنتوشة لا تحرضين على الفتنة .... علشانك خلاص حولتي ... بتورطينا مثلا ؟؟

والله على قولك
بس احنا مابيدنا الا كذا ( اضعف الايمان)
يمكن ينظرون لحالنا ويهز كلامنا فيهم شعره مع اني غاسله ايديني بكلور
بس لاياس مع الحياة
وبالتوفيق يارب

[ماكنتوشه]

ماكنتوشة لا تحرضين على الفتنة .... علشانك خلاص حولتي ... بتورطينا مثلا ؟؟

زين احسن الظن انا قلت اعطيكم اياها من الاخر مايفيد معهم الا كذا

وبعدين انا بحول لسى ماحولت يعني يمكن تتقاعد الواسطه وارجع للجغرافيا والتاريخ ><