اختبار نصوص تاريخية أمس طالبات

[kau student]

السلام عليكم ورحمة الله وبركاته

يا بنات كيف كان الاختبار أمس ؟؟

طبعا أنا وحدة من اللي اختبروا المادة والحمدلله على كل حال

1- عدد أوراق الأسئلة أطول من أوراق المنهج
2- جاءت قطعة خارجية مطلوب ترجمة 3 مقاطع منها مو طويلة مرة بس المفاجأة انها من خارج المنهج ومصطلحاتها مو موجودة في المنهج أساسا وعليها 20 درجة للأسف الشديد .
3- وكان في قائمة مصطلحات مطلوب ترجمتها أيضا 3 منها غير موجودة في المنهج .
4- منهج المادة من الأساس بحاجة لتعديل النصوص عند ترجمتها لا تعطي جمل عربية فصيحة وبمعنى واضح .

ما أنصح وحدة تاخدها مادة حرة ... أحب أعرف رأي البنات اللي اختبروا المادة وياريت اللي تقدر تروح للدكتورة أو تكلمها تقلل درجة سؤال القطعة الخارجية وتراعينا في التصحيح .. ترى في بنات يرسبوا في المادة وأمس عرفت السبب .

بس رجاااااااااااءا ولا وحدة تتكلم عن الدكتورة كلامك ما حيضرها حيضرك انتي لانك انتي بتتحاسبي عليه يوم القيامة وممكن بسببه تاخد من حسناتك ..
التعليق على الاختبار فقط لا على الدكتورة ..
وموفقين

[وردي]

أهلين اختي .. انا اختبرت معاكي أمس وبرضو ماده حره
اكيد انتي ماحضرتي المحاضرات أيام الدورة ! ترى كل الكلمات اللي في الاختبار من المنهج هي قالت لنا مو بس الكلمات اللي في أول صفحه .. كمان الكلمات اللي في النصوص نفسها كلها معانا حتى من الأجزاء اللي مو معانا في الترجمة.
حتى القطعه الخارجيه قالت انها بتجيب من خطب الملك عبدالعزيز وتقريبا هي نفس القطعه حق الترم الماضي.
بس حبيت أوضح لك وإن شاءالله كلنا ننجح بدرجات حلوة

[kau student]

طيب يا أختي أنا ترجمت كل الكلمات اللي في النصوص مو بس الصفحة الأولى ...

وما عندي خبر عن خطب الملك عبدالعزيز ..

أنا بعيدة عن جدة 900 كيلو وفي زيي كثير كيف يعرفوا المعلومات هادي وهم ما يقدروا يحضروا المحاضرات ؟؟؟

وين الأمانة العلمية ؟؟ ليش في مواقع الكترونية لأعضاء هيئة التدريس بدون ما تشمل معلومات تفيد الطالب ؟؟؟

ليش لما رحت سألت الدكتورة كيف طريقة الاختبار قالتلي قطعة خارجية من نفس المصطلحات اللي معاكي في النصوص

وما قالتلي عن خطب الملك عبدالعزيز ؟؟ ولا أدري عن أسئلة العام الماضي ...

يا أخت اذا كنتي من جدة وتقدري تكلمي الدكتورة عن البنات اللي ما حضروا المحاضرات ومو بيدهم لازم تراعيهم لانه معلومات كثيرة ما يعرفوها كده ظلم حراااام ...

[maery]

انا بعد ماحضرت الدوره ولاكنت ادري عن الكلمات اللي بتجيبها من القطع والخطبه كلماتها مو من المقرر علينا
وانا اخذت هذي الماده وكنت واثقه اني بجيب درجه كويسه على اساس ارفع معدلي لكن الظاهر النجاح وبس

[حمرة الورد]

انا اختبرت معاكم برضو . والمادة ما كانت حره والصراحة مرة كنت خايفة منها
والاختبار فعلا كان صعب بس للامانه الدكتوره تعد من احسن دكتورات قسم التاريخ
انسانه لابعد الحدود وبالنسبة للنصوص الي من خارج المنهج هيا قالت هادي مساعدة لكم الي ينقصها
علامات اكملها بيها وكانت النصوص الثلاثة الاولى سهلة وكلماتها بسيطة مو زي القطع
والكلمات الترجمة ما كانت من خارج المنهج كلها من القطع وهيا قالت برضو عنها
انا ما حضرت الا مرتين من المحاضرات الله يوفقنا وما يحمل المادة مننا احد

[kau student]

يا أختي درجة السؤال 20 يعني أساسي وبعدين المساعدة مكتوب في آخر ورقة انها في الأسئلة من السؤال 4 الى 9 القطع الاخيرة اللي من نفس المنهج ..

والكلمات في 3 مو من النصوص والباقي كلها موجودة في المصطلحات والنصوص ...

وفعلا الدكتورة متعاونة ما قصرت وجاوبتني على اسئلتي لما رحت في ساعاتها المكتبية ... واذا كان السؤال للمساعدة فقط مو مشكلة اما اذا كان عليه 20 درجة أساسية فهادي مشكلة للي ما حضروا المحاضرات ..

عموما اذا غلطنا وظلمناها الله يسامحنا وان شاء الله الدكتورة تراعينا والله يوفقها ويوفقنا ..

[وردي]

بشروو يابنااات كيف نتايجكم .. انا نجحت الحمدلله بس الدرجه مو عاجبتني توقعت اكثر صراحة !!

[دمعة حذينة]

[ALIGN=center]الف مبروووووووووك[/ALIGN]

[kau student]

الحمدلله نجحت بس ناقصة درجة السؤال اللي من برا ههههههههههه ...

درجتي 80 الحمدلله على كل حال ..