متى نتائج مادة مبادئ المحاسبة acct 101

[معاند جرحه]

حنا ماعلينا طيب ولا ماهو طيب ليتنا نعدي بس .. والله يالجامعه هاذي عجب عجاب مواد تذاكر من قلب وتأكد من الاجابه تلقى درجة متدنيه مثل اخلاقيات العمل اللي مدري ايش يبي الدكتور هذا يعني الواحد ناقص ينزل معدله على شان ماده تافهه ويتلفسف .. بصراحه ماده ماينفع لها مذاكره تمشي مع الغشيم ..... والمحاسبه ماندري عن طيبهم من رداهم للحين دعواتكم بس

[السر الواضح]

المشاركة الأصلية كتبت بواسطة منتسب طفشان اخوي انا اقصد فيصل الماالكي استاذ الماده بالعكس انا تكلمت معاه وانسان خلوق وهو الوحيد الي يعطي وجه بالعربي يعني. اما الباقين مااااايعطيك وجه ولا يرد عليك اساس ويكفي ان فيصل المالكي ماحط لك اختبار نظري والله ماتقدر تنجح بس الرجال محترم علما باني لاعرفه ولا بيني وبينه اي شي بس شهادة حق الانسان خلوق.. بغض النظر عن المتعثرين ماده محاسبه صعبه تحتاج تركيز علما باني حاملها مرتين والثالثه الله يستر منها

ههههههه
حلوه المجاملات مع الدكتور / المالكي
ترى انا كنت مثلك احاول اجامله وامدح فيه لاني كنت متوسم فيه الخير .... بس بعد ما اللي شفته من افعاله وطريقه اسئلته وتصحيحه ، عرفت انه ما ينفع معه التودد والكلام الحلو
الدكتور هذا اللي تتكلم عنه اكثر نسبة رسوب عنده ... يعني وش هذا دليله ... يعني تتوقع اغلب الطلاب بيتخرجون دكاتره محاسبه أو بياخذون مكان المالكي في الجامعة
وبعدين حتى لو كانت المادة صعبه ليش ما يسهل الاسئله ،،، إذا كان حبوب واخلاق وطيب و......الخ
ما اقول الا حسبي الله على من كان السبب في رسوبي ( وانا اول مره ارسب في حياتي الدراسية )مع العلم اني متفوق في المرحلة الثانوية ومعدلي جيد جدا مرتفع في الجامعة

[الفيصل2011]

انا نفس الكلام اتمنى من الله العلي القدير التوفيق لي ولكم

[مراسل النعيريه]

المهم بس
أحد عنده خبــــــر متى تنزل النتائج بالزبط

[السر الواضح]

up
up
up

[ابو ريم99]

اتوقع الاسبوع هذا
اللله يستر بس
على فكرة والله مدير قسم المحاسبة اعرفه شخصيا ولا نفعني
على انه طيب بس مادري وش فيه
الله يكتب مافيه الخير

[منتسب طفشان]

اولا / ياخوي انا ماعمري جاملت احد.. انا مستعد ارسب عشرين مره ولا اذل نفسي حق اي شخص. مادة المحاسبه مثل الرياضيات والتحليل الكمي فيها نسبه رسوب عاليه والسبب ان الماده تحتاج فهم وتركيز.
ثانيا /ياخي العزيز انا لارايد كسب ود الاستاذ علشان انجح للمعلوميه انا حاملها مرتين ومستعد احملها مرهثالثه و رابعه بس ماذل نفسي ولا اجامل احد على حساب كرامتي
ثالثا/ شهادة حق الاستاذ فيصل المالكي هو الاستاذ الوحيد اتوقع على مستوى المملكه وماابلاغ لو قلت على مستوى االعالم هو الوحيد الذي يدخل المنتدى ويتواصل الطلاب ويتجاوب معاهم ويعرض خدماته العديده رقم هاتف المكتب والسكرتير وايميل الخاص. وش تبي اكثر من كذا من استاذ ماده يريد ان ينصف الطلاب
رابعا/ انت تبيه يسهل الاسئله وش تبي اكثر من كذا اختر وصح او خطاء وبدون نظري
يعني لو جاب لك سوال نظري بورقة خارجيه من 20 درجه يطلب منك قائمة اصول الشركه المتداوله او الثابته او يريد من اثبات عمليات الشركه خلال شهر مارس الى شهر يناير والمدين والدائن ...والــخ

تحياتي لك

[موفاهم]

انا انسان ما اعرف لا دكتور ولا استاذ
بس الحق ينقال الاسئله صح وخطاء هذا في حد ذاتها تسهيل عملية النجاح
لو اعطانا حل نظري راح تشوف انواع المؤلفات لمادة المحاسبه
خخخخخخخخخخخخخخخخخخ
بس امانة هذي معادله



ك منتسب كبر سن ومتزوج واب + تغرب واسئلة صعبه بنسبه له = رسوب او معدل سيى

[أبو ميس]

المشاركة الأصلية كتبت بواسطة معاند جرحه حنا ماعلينا طيب ولا ماهو طيب ليتنا نعدي بس .. والله يالجامعه هاذي عجب عجاب مواد تذاكر من قلب وتأكد من الاجابه تلقى درجة متدنيه مثل اخلاقيات العمل اللي مدري ايش يبي الدكتور هذا يعني الواحد ناقص ينزل معدله على شان ماده تافهه ويتلفسف .. بصراحه ماده ماينفع لها مذاكره تمشي مع الغشيم ..... والمحاسبه ماندري عن طيبهم من رداهم للحين دعواتكم بس

أخي معاند جرحه :
أظن أن أكثر الدكاتره يبغون يوهقون الطالب وهذا لمسته من بعض المواد الي اختبرتها يعطيك الخيارات وفيها فقرتين أو ثلاث صحيحه بس أنه يبغى الإجابه الأصح والله أعلم.
وأظن أن سياسة الجامعة تريد كسب أكبر قدر ممكن من الرسوم للطالب المنتسب (ويا ليتها جابت نتيجه وهم من سنتين على شارع واحد ولحد الآن ما خلصوه)

[أبو بدر]

وأخــــــــــــــــــــــــــــيراً أبشركم ...

نتزلت النتيجة اليوم الصباح والحمد لله وربي وفقني فيها وكانت أفضل مما توقعت بكثير.

بالتوفيق للجميع