Discussion

[Dr.Passed]

المشاركة الأصلية كتبت بواسطة mo3tz_bam هههههههههههههه من جد و عشان اوريكي كيف التعليم عندنا ماشالله تبارك الله في المتوسط مدرس الانجليزي نقل و يمكن قعدنا اسبوع من غير مدرس اخرتها جا الوكيل درسنا انجليزي !! هههههههه هوا صح الانجليزي عندو كويس حتى الاكسينت حقتو تمام بس دا مو تخصصو !! هوا تخصصو تاريخ

احنا كمان في المتوسط...جاتنا وحد مرة صاحبه المراقبه..لمن يجي وقت الكلاس تفتح الباب وتقولنا ما ابغا اسمع صوت وتقعد تشرب حليب بالشاهي مع المراقبه ويقعدو يهرجو وهيا مريحه نفسها بس تدينا كم صفحه تقول اقعدو حلو ولمن اجي حاخد الكتب والي ما حلت....صفر

يعني شوف ألإهتمام كيف..

[Hadeel kateb]

المشاركة الأصلية كتبت بواسطة dr.passed صحيح اصلا الي يدرس كدا...الي يتعلم كده كل الجو حولينو ما ينطق عربي يسير مره شاطر ايش الي كتاب ودفتر واكتبو الي على السبورة...يعني كمان مو كلي شي كده " كتب" لازم بسير براكتس وحوار...ممارسه ...

يب من جد انا في ايام الدرسة والله التعبير كانت الابلة تدينا هوا ونحفظو زي ما هوا مررررة ايش دا باللهي دا تعليم !!!
حتى في الجامعة لما حبو يدرسو صح الوقت مايكفي ورجعو للطريقة التقليدية اشرح القاعدة ويلا اعملو التعبير في البيت وجيبو ايش استفدنا ؟؟؟ ولا جزء المحاورة اخدتلها بنتين وشكرن
المشكلة كل القاعدات مشروحة ورا لو مدري مين قرا مجرد قراءة حيفهم الموضوع

[Dr.Passed]

المشاركة الأصلية كتبت بواسطة hadeel kateb يب من جد انا في ايام الدرسة والله التعبير كانت الابلة تدينا هوا ونحفظو زي ما هوا مررررة ايش دا باللهي دا تعليم !!! حتى في الجامعة لما حبو يدرسو صح الوقت مايكفي ورجعو للطريقة التقليدية اشرح القاعدة ويلا اعملو التعبير في البيت وجيبو ايش استفدنا ؟؟؟ ولا جزء المحاورة اخدتلها بنتين وشكرن المشكلة كل القاعدات مشروحة ورا لو مدري مين قرا مجرد قراءة حيفهم الموضوع

وبعدين كل القرامر دا عدا عليهم وتقريبا الكل بس محتاج مراجعه مو شرح من اول وجديد...
وبعدين في السنين الجامعيه الجيه محد حيقلك...عبي الفراغ...ولا استعملي صيغه فعل معينه....حيقولو اكتبو موضوع ولا نقاش ولا رساله ولا نتائج بحث..

[mo3tz_bam]

المشاركة الأصلية كتبت بواسطة dr.passed احنا كمان في المتوسط...جاتنا وحد مرة صاحبه المراقبه..لمن يجي وقت الكلاس تفتح الباب وتقولنا ما ابغا اسمع صوت وتقعد تشرب حليب بالشاهي مع المراقبه ويقعدو يهرجو وهيا مريحه نفسها بس تدينا كم صفحه تقول اقعدو حلو ولمن اجي حاخد الكتب والي ما حلت....صفر يعني شوف ألإهتمام كيف..

مراااا لا تعليق !!

[Hadeel kateb]

المشاركة الأصلية كتبت بواسطة mo3tz_bam من جد لأنو حتتعلمي بس محا تقدري تطبقي يعني اذا مراا مراا كثرت حتتكلمي انجليزي بس مع اللي تدرسك اما في وسط الكلاس مع صحباتك حتتكلمي عربي و لما تخلصي كلاس طبيعي حتتكلمي عربي بس طول ما احنا ما بنمارس اللغة حيصعب علينا نكون مراا بيرفيكت فيها

يب هوا دا اصلن انا فقدت الامل في كلاسات الانقلش من زمان خليهم كدا مع نفسهم الحمد لله انو ما حناخد انقلش تاني لانو من جد تعليم جدن سيئ من جد اسوء وقت كان وقت محاضرة الانقلش 3 ساعات تضيع في الهواااااا ولا اي معلومة جديدة نطلع بيها حتى القطع الي المفروض نقراها كونا نعديها لانو الاختبار مو من قطع الكتاب

[mo3tz_bam]

المشاركة الأصلية كتبت بواسطة hadeel kateb يب هوا دا اصلن انا فقدت الامل في كلاسات الانقلش من زمان خليهم كدا مع نفسهم الحمد لله انو ما حناخد انقلش تاني لانو من جد تعليم جدن سيئ من جد اسوء وقت كان وقت محاضرة الانقلش 3 ساعات تضيع في الهواااااا ولا اي معلومة جديدة نطلع بيها حتى القطع الي المفروض نقراها كونا نعديها لانو الاختبار مو من قطع الكتاب

اصلا لو تلاحظي
انا درست ليفل 3 و ليفل 4
و مرااااااااااااااا مو شايف داك الفرق في القرامر بين الاتنين
مافي الا حاجات بسيطة زايدة في ليفل 4
لو انهم ضافو دي الحاجات البسيطة لـ ليفل 3
و خلو ليفل 4 بس للرايتينج و السبيكينج اتوقع كنا حنستفيد اكثر

[Wa9aif B]

انا اخدت مستوى انجلش واحد في الجامعه وبصراحه ماشفت اللي تقولو عليه انو كل البنات يكتبو موضوع واحد ويحفظو لا بالعكس كنا نكتب في الكلاس وازا ماكفى الوقت تكملي في البيت وتاخدو التيتشر وتصححو وتنبهك على الاخطاء وكتبنا تقريبا 7 مواضيع من المقرر وكان مره حلو لانو انا احب اكتب في الانجلش اكتر من العربي

[Hadeel kateb]

المشاركة الأصلية كتبت بواسطة dr.passed وبعدين كل القرامر دا عدا عليهم وتقريبا الكل بس محتاج مراجعه مو شرح من اول وجديد... وبعدين في السنين الجامعيه الجيه محد حيقلك...عبي الفراغ...ولا استعملي صيغه فعل معينه....حيقولو اكتبو موضوع ولا نقاش ولا رساله ولا نتائج بحث..

ههههه من جد شوفي انا مو زعلانة على نفسي لانو الحمد لله اهلي كانو مفتحين واهم شي عندهم اللغة وكل ما سافرنا مكان بابا كان يسيبنا احنا الي نتعامل ونتكلم عشان ما يبا يخلي احد فينا يستحي بس الي من جد يحزنو وحدة عمرها مدري كم ولساتها ما تعرف تركب جملة مفيدة يعني طول سنوات دراستها في المدرسة وبعد كدا الجامعة ما استفادت منها ولا حاجة واللهي حرام ومرة احراج ليها دحين مافي مكان ما يتعاملو بالانقلش في المطار وفي النادي وفي المستشفيات حتى الفلبينيات الي في النادي ماخدين فكرة سيئة عن السعوديين كل ما وحدة كلمتني تكلمني عربي مكسر !!! يعني ايه احنا ماحنعرف نتعلم لغتكم وانتو اتعلمتو لغتنا ؟؟؟

[Hadeel kateb]

المشاركة الأصلية كتبت بواسطة mo3tz_bam اصلا لو تلاحظي انا درست ليفل 3 و ليفل 4 و مرااااااااااااااا مو شايف داك الفرق في القرامر بين الاتنين مافي الا حاجات بسيطة زايدة في ليفل 4 لو انهم ضافو دي الحاجات البسيطة لـ ليفل 3 و خلو ليفل 4 بس للرايتينج و السبيكينج اتوقع كنا حنستفيد اكثر

يب يب من جد كان اقلها ماحسينا بالوقت انو طويل وانبسطنا واستفدنا بس ايش نقول يلا ان شاء الله احنا نصلح المجتمع :d

[Dr.Passed]

المشاركة الأصلية كتبت بواسطة hadeel kateb ههههه من جد شوفي انا مو زعلانة على نفسي لانو الحمد لله اهلي كانو مفتحين واهم شي عندهم اللغة وكل ما سافرنا مكان بابا كان يسيبنا احنا الي نتعامل ونتكلم عشان ما يبا يخلي احد فينا يستحي بس الي من جد يحزنو وحدة عمرها مدري كم ولساتها ما تعرف تركب جملة مفيدة يعني طول سنوات دراستها في المدرسة وبعد كدا الجامعة ما استفادت منها ولا حاجة واللهي حرام ومرة احراج ليها دحين مافي مكان ما يتعاملو بالانقلش في المطار وفي النادي وفي المستشفيات حتى الفلبينيات الي في النادي ماخدين فكرة سيئة عن السعوديين كل ما وحدة كلمتني تكلمني عربي مكسر !!! يعني ايه احنا ماحنعرف نتعلم لغتكم وانتو اتعلمتو لغتنا ؟؟؟

انا نفس الحاله بس انا الإنجليزي اتعلمتو قبل العربي....صح الإنجليزي لغه عالميه...يعني كل العالم يستخدمها عشان يتواصل مع بعضو