لماذا الخسف بالدرجات يادكتور ادارة العمليات؟!!.. ألا تخاف دعوة المظلوم؟!!

[طارق58]

ماشاء الله تبارك الله ياصهيب
اثاريك عميد الدورة

يالله تستاهل......... ترى كلنا بنتعلق برقبتك كل ترم

الله يعينك ويقويك .... ولا يهمك كلام العذال من اجتهد فلنفسه ومن اخفق فعليها....

للاسف ان بعض الشباب عارف مستواه في المذاكره وعارف مستواه في الحل وفوق هذا كله يرمي عيوبه على الغير ...

الله يوفق الجميع ...والدراسة يبي لها اجتهاد مو مثل بعض الشباب الله يهديهم يذاكر في السيارة قبل الاختبار بساعتين-قمة الاستهتار-

[أجمل إحساس6]

أنا أبصم بالعشره إن الاوراق ماتصححت والدرجات الموضوعه هي درجات عشوائيه أنا متأكد من حلي للأسئله وأقل ماأجيب في هالماده 85 وثور المادة قصدي (دكتور الماده) معطيني 70 .

وأنا ملاحظ أغلب الطلاب درجاتهم اللى وضعوها على ال70 وهذا دليل أن الماده لم يتم تصحيحها
أنا الحمدلله درجاتي كلها لم تنزل عن 80 من أول ترم بالجامعة الا هالسنه .

أنا أفضل نفتح موضوع أخر باسم ( شكوى لمصححي إختبار مادة إدارة العمليات ) وكل من يريد يشتكي يضع أسمه ورقمه الجامعي ويتكفل 4 أشخاص على الاقل بمتابعة الموضوع وبعدها تسجل الاسماء والارقام الجامعية بورقة خارجيه والذهاب لدكتور المادة ومراجعة التصحيح معه واذا لم يكن فيه تجاوب من دكتور الماده نرفع الموضوع لمدير الجامعة .

تحياتي لكم

[samaka89]

المشاركة الأصلية كتبت بواسطة طارق58 ماشاء الله تبارك الله ياصهيب اثاريك عميد الدورة يالله تستاهل......... ترى كلنا بنتعلق برقبتك كل ترم الله يعينك ويقويك .... ولا يهمك كلام العذال من اجتهد فلنفسه ومن اخفق فعليها.... للاسف ان بعض الشباب عارف مستواه في المذاكره وعارف مستواه في الحل وفوق هذا كله يرمي عيوبه على الغير ... الله يوفق الجميع ...والدراسة يبي لها اجتهاد مو مثل بعض الشباب الله يهديهم يذاكر في السيارة قبل الاختبار بساعتين-قمة الاستهتار-

عزيزي .. انا عارف مستوايا كويس الحمدلله، ومذاكر تمام التمام الحمدلله، ومتأكد من إجاباتي ومراجعها كلها بعد الإختبار ومتوقع في أسوأ الاحوال الدرجة ماتقل عن 85 .. اليوم ادخل الاوديس احصلها 60 يعني يالله نجحت !!

مو عشان انت درجتك طلعت عاليه "الحمدلله" تتهمنا انو احنا نرمي عيوبنا على غيرنا والكلام اللي قاعد تقوله دا .. شوف اعداد الناس المصدومة واحسبها بعقلك وانت بتعرف فين الغلط .. الله يصلح حالنا وحالك :) ..

الأخ صهيب .. جزاك الله خير على كل ماقدمته لنا أيام الإختبارات وقبلها وبعدها .. عشمنا فيك كبير الان لمحاولة استرداد حقوقنا والتحدث مع الدكاترة في هذا الموضوع زي ما عودتنا على وقفتك معانا دايماً .. ولا تضايق نفسك من بعض الردود لأنه والله والله والله الصدمة قوية وغير متوقعة وأغلب الشباب مقهورين ودمهم محروق، إلتمس لهم العذر ....

بالتوفيق للجميع والله يستر من المواد الباقيه