اللي نجحوآ في الانجلش ودرجآت حلوه لآتبخلوآ علينآ

[peral]

فعلاً توكلي على الله ,
ولا تستصعبي الماده لأنو في بالك راح تقولي صعب صعب وما بتمشي فيه
أهم حاجتين حسيتها مهمه بأسئلة الأختبار [ الفوكآبلري + القرآمر ]
القطعه ان شاء الله انها تكون سهله لان الأجوبه ماراح تكون من خارج الورقه
كل ما عليك فعله ان تبحثي عن الأجابات بتركيز

بالنسبه للفوكآبلري , كل اليونت المحدده عندك روحي لنهاية الكتاب وشوفي الكلمات حقتها
واللي ما تعرفيه حاولي تحفظيه مع معناه وراجعيه كل بعد فتره وفتره لحد مَ يلصق بعقلك
اما القرامر زي ما قالت الأخت miss busy افهميه اهم شي تكونين فاهمته

و بالدعاء والتوكل على الله , راح تجيبي درجه طيبه بأذن الواحد الأحد ..

الله يوفقك يَ عسل

[يفتح الله]

حبيبتي انا الحمدلله درجتي 94

وانا ذاكرت القطع الأربعة المحددة وطبعا ترجمتها وفهمتها

والقاعدات ذاكرتها وفهمتها مضبووط وذاكرت التمارين إللي في الكتاب إللي حلتها معانا الأستاذة

والمحاظرات زي ماقالو الأخوات محاظرات استاذة بثينة شرحها روعة تفهم القرمر مضبوط

والكلمات ذاكرتها من المذكرة إللي نزلوها الأستاذات جزاهم الله خير وترجمتها طبعا

والأهم من هذا كله الدعاء كنت ادعي ربنا دائما انة ينجحني بإمتياز

وقبل ما اطلع من البيت رحت اسلم على بابا وانا طالعة من عندة سمعتة يدعيلي قال الله يوفقك يابنتي

<<<< نزلت دموعها وهي تكتب خبلة

[محبة القوم]

جمعة مباركة للجميع ومبرررررروك النجاح للكل وحظ أوفر للي ما نجح
أما طريقتي في المذاكرة أهم شيء المحاضرات اللي منزليها في المنتدى تسمعيها كويس يعني أنا بدأت قبل الاختبار بشهر مسكت الانجليزي آخذ لي كل يوم محاضرة مع الكتاب كذا تكوني فهمتي القرامر والفلوكابري في المحاضرة ترى الاستاذات في السنترا يترجموا الكلمات ويسهلوا عليك كثير وكل يوم على هذا الحال اسمع محاضرة واذاكر معها الكتاب إلى ما خلصت من الكتاب بعدين حليت التمارين اللي في سي دي اللي تجي مع الكتاب مرررررررة حلو وبعدين مسكت القطع اللي محددينها معنا ترجمتها كلها من وحده هينا في المنتدى منزلة الترجمة وذاكراتها كويس وفهمتها كالقصة وبعدين آخذت الملزمة اللي منزليها في الجامعة مرررررة حلوة محددين فيها كل شيء واعتمدي عليها في الفلوكابري الكلمات ما تجي إلا منها حليها لوحدك بعد ما تخلصي من المذاكرة وكذا تظمني الدرجة الكاملة بإذن الله .... وربنا يوفقك أي مساعدة تحتاجيها ارسلي لي على الخاص برسلك كل اللي عند اذا كنت تتكلمي عن انجليزي 101

[البرنسيسة...Ksa]

والله عندي اسئلة كثيرة النفسية تعبآنه احس مآفي امل ابغآ تشجيع دحين ابغآ رآبط الملزمة بليييييييييييييييييز وكمآن محاضرآت الاستآذة بثينة الله لآيهينكم وكمآن ابغآ اقول انو انا ذآكرت الكتآب بس احس مايفهم الترم الاول عندي الكتآب بس ذاكرت البوربينت حق الاستآذة ونجحت دحين لمآ مسكت الكتآب يطلعلي f فهمتوني يعني انا دحين متشتته امسك الكتآب تآني ولآ اعتمد على الملزمة انصحوني

[#روووح#]

حبيبتي الملزمه في ردي الاول..

وذاكري المحاضرات مع الكتااب وفالاخير الملزمه بس امسكيها وقت كاافي...

سؤال انت انجلش 101 او 102؟؟؟؟؟

ربي يوفقك..

[يفتح الله]

اتفضلي حبيبتي

هذه محاضرات استاذة بثينة elca 102
http://www.skaau.com/vb/showthread.php?t=365122

اسمعي كل يومين محاضرة وحتفهمي القاعدات مضبووط ان شاء الله
والتمارين إللي تحلها حليها وذاكريها


وهذه مذكرة الكلمات إللي انا ذاكرتها وبس
http://eli.kau.edu.sa/Pages-%d9%85%d...%a7%d8%a8.aspx

اختاري طبعا elca 102


والقطع هما محددين اربع قطع بس ترجميها وذاكريها مضبووط
من الكتاب الأصفر يونت (1 .. 4 .. 11 )

و من الكتاب الأزرق قفط يونت ( 2 )


وهذه المذكرة فيها كل قطع الكتاب مع اسئلة وقاعدات يساعدك على حل اسئلة الاختبار
http://www.kau.edu.sa/Files/126/File...%20SEM%202.pdf

لكن انا ماذاكرتها لسبب احد ... ماكنت ادري عنها



وبحول الله وقوته درجتك ماحتقل عن 90

ونصيييييحة ادعي الله كثييير انه ينجحك بامتياز
وادعي وانتي موقنة الاجابة
واي شيء يصير معاك يوم الاختبار اتأكدي انه خييييرة لك



وبالتوفييق حبيبتي

[البرنسيسة...Ksa]

المشاركة الأصلية كتبت بواسطة #روووح# حبيبتي الملزمه في ردي الاول.. وذاكري المحاضرات مع الكتااب وفالاخير الملزمه بس امسكيها وقت كاافي... سؤال انت انجلش 101 او 102؟؟؟؟؟ ربي يوفقك..

نزلتهآ في الجهآز ومدري انهآ الملزمة
اوك ياعسل رآح اسوي كل كلمة قلتيهآ
انا 102
يعطيك العآفية ومعليش تعبتك
بس بجد رآح ادعيلك
الله لآيحرمني منك

[#روووح#]

عاادي قلبي..

اهم شي تستفيدي^^

[t0ffee]

انا الحمدلله جبت درجة مره كويسه الفصل الاول والثاني كمان انا طريقة مذاكرتي اني افتح المحاضرة واذاكروا يونيت يونيت تخلص المحاضرة اذاكر اليونيت وارجعه واراجع القواعد من الصفحات اللي اخر الكتاب
وفي وقت الاختبار انا احل القواعد والكلمات بعدبن ارجع للقطعة عشان اقرا القطعة تمام واحل مدري انا احسن كدا احسن اغلب البنات يقعدو ع القطعة كتير ويروح وقتهم واحسن عشان مايتبخر اللي ذاكرتيه...

[ابتسام الشريف]

لا تؤجل عمل اليوم الى غد.................
المداكره اول بأول وليس قبل الاختبار بكم يوم لكي تحصلوا على معدل زين.....واتمنى للجميع التوفيق