هل الآن يوجد أمـــــــل ؟!!

[البقاء لله]

سلام الرحمن عليكم ورحمته وبركاته

سبدأ بالقول أنني ولله الحمد مؤمن بالله وبقضائه وقدره

وسؤالي هذا لا يعني انني مستعجل على شئ .. لكن فقط أريد ان اعرف إن كان يوجد امل

بقبولي بكلية الحاسبات وتقنية المعلومات بفرع الجامعة الرئيسي ..واللي طبعا طالبين 80 نسبة خاصة

بمادة الانجليزي والحاسب ..وهذي درجاتي للأسف ماهي بتلك الدرجات <<فقول لي رأيكم

جبت بالحاسب 88 ..والانجليزي 102 جبت 90 ..و103 جبت 66 ..و104 لسه مانزلت لكن مااتوقعها احسن من ليفل 103 علشان كذا أعطيها 60

والنسبة العامة اتوقعها 73 إلى 75

فالله يجزاكم خير ..اللي في دمه يحب يحبط ..رجائي لالايرد <<يكفيني اللي فيني

[Majed7]

وعليكم السلام ..

العام وقفت النسبة على 72.5 تقريبا .. يعني إن شاء الله راح تكون هالسنة على نفس المستوى وممكن أقل :)

ارتفاع النسب راح يكون على التخصصات الطبية وهندسة الفرع الرئيسي بس ..

موفق ^_^

[arjwann]

مـــــــــافــي شي مســـــتـحيل والامل دايم مووووجــــــــــــــــــــــــــــــــــــــد خلي املك بالله كبير انا ماكنت متوقعه انقبل في الجامعه اصلا اكيد راح تنقبل ان شاء الله الله يووفقك

[Dr.Passed]

اول شي انصحك تشيل درجاتك عشان العين في كتير ناس اسوأ منك وعليها مواد ونفسها شريره بليز شيل درجاتك..

بالنسبه لحلمك ترى في امل كبير...شوف انا طول عمري وخد هادي قاعده في حياتك امشي عليها يا اخي...الإصرار الإصرار...والله كل ما عنادك واصرارك زاد الشي حيسير حتى لو هو مستحيل وغيرك زيك وما اخدو..

انت سويت الي عليك واجتهد وتعبت نفسك وربي ما حيضيعلك تعبك انتا باقي منك حاجات بسيطة ضروري تسويها..

1. حط في راصك انو هادا شي عمرك محاتتخل عنو ( عشان تجذب الفكرة لحياتك) من جد والله هادي دراسه عملوها لمن تفكر في الشي كتير وتصر علي ترا يسير
2. قوي املك بالله واعرف انو ربي ازا رايد وانتا محافظ على صلاتك ودعيت ولحيت في الدعاء اعرف انو ربي محايردك..ويكون في الخير إن شاء الله
3. سوره ياسين مافي زيها اقراها كل يوم صدقني حتحقق الي تبغا إن شاء الله ...صلي وادعي ولح في الدعاء ربي يحب العبد اللحوح لاتخاف...مقبول إن شاء الله قوي املك بالله وانتا تشوف

ايش دراك...ازا نسبتك ما ساعدت ربي يقدر يخلي اصباع الي يحط الأسماء في الكمبيوتر يتزحلق على زر ويحط اسمك بالغلط...هادا ربي والله لو الشي مستحيل ويبغا يسير بس حيقول يافلان كون في كليه كذا وتكون =)

يعني ارتاح ومالك الا ربي دحين اشتكيلو وقولو وهو حيريحك ويرفع عنك همك...اشتكيلو وقلو وهو بخطفه بصر حيرفع عنك ويرضيك...


اتمنى انو كلامي ريحك وإن شاء الله تاخد بي وتسمعلي

وانا حادعي بإذن الله يارب مايضيع تعبك وانت حاتشوف

[البقاء لله]

الله يسمع منكم أحبابي في الله

لكن هم قبل ماينظروا للنسبة العامة ..أهم شئ يتحقق النسبة الخاصة <<وانا حاط لكم درجاتي<<ففي امل>>

[البقاء لله]

الله يجزاكي خير أختي في الله Dr.Passed

على كلامك الصادق ويحقق لك طموحك يااارب

[Dr.Passed]

مو مشكله إن شاء الله تاخد بي...ترا مافي زي سورة ياسين صدقني...روح اقراها واقعد اقراها كلي يوم الين ماينزل التسكين.

في حاله اذا لاسمح الله لا سمح الله ربي ما اراد ( مع اني اشك يعني عندي احساس كبير انو احنا محنضطر نلجأ لشي هادا =) بس ازا لاسمح الله ترا موادك هادي كلها الي اختها تتعادل في اي محل تروحو..ومنحه تتقدم على طول...يعني في كلى الحالتين قول الحمد لله انتا مرة في السليم بإذن الله...وانا اقولك إن شاء الله محاتحتاج بس برضو لازم يكون عندك باك اب بلان

بالتوفيق ونصيحه من اختك خلاص شيل درجاتك محد ناقص عين. قوي املك بالله وخلي امك وابوك يدعولك ما تعرف دعوة الوالدين سبحان الله

[البقاء لله]

جزاكي الله خير أختي ..بإذن الله أعمل بنصيحتك

واسأل الله أن يوفقك في الدارين ,,اللــــــــــــــــــــــه يكثر من أمثالك

ومادام في ناس مثلك بها الدنيا ,, فالحمدلله أمة محمد بخير