ارجو مساعدتي

[مدمن شاهي...]

شوف/ي ياكلثم
اول سنة تدرسي شيء اسمه سنة تحضيرية غصب

طبعاً الشيء اللي تختاريه بارادتك هو نوع الدراسة هل تبيها انتساب(الاختبار النهائي 100 درجة)

والرسوم 3000 ريال فقط

او تختاري تعليم عن بعد (الاختبار النهائي70 واعمال سنة وواجبات واختبارات دورية 30)

والرسوم 4000 ريال فقط

طبعا بعد السنة التحضيرية تختاري مجال او تخصص دراستك وهو اما ادارة عامة باقسامها وتكون تابعة لجامعة جدة

او تختاري تخصص ادارة اعمال وحتكون برابغ ....

طبعا بالنسبة لنا ياطلاب رابغ ولله الحمد مازلنا نختبر في مناطقنا اما طلاب الجامعة بجدة يختبروا بجدة

لكن مافي شيء باستمرار الحال الى الابد بالنسبة لاختبار المناطق لطلاب رابغ...

هذه نبذة مختصرة جدا عن الدراسة بجامعة الملك عبدالعزيز

لكن انصحك بجامعة الملك فيصل بما انك من المنطقة الشرقية ترى ع الاقل ماتعيش جو القلق

كل ترم فين ومتى حتختبر او بحصل حجوزات على جدة وكيف السكن هناك وفين مقر الاختبارات

انا من الشرقية لكن الحمدلله جات على خير اختباراتي لانه مسموح لنا نختبر بمناطقنا زي ماقلت اول.

اشكرك على حسن الاستماع لبربرتي ...:)