أيش تنصحنا دكتور عماد في الوقت الضايع

[تفاؤل وأمل]

المشاركة الأصلية كتبت بواسطة رضاك يا رب هلا في اختي امل وتفأوول يسعدني أني أساعدكـ والله وحاولت ارسلك خاص و رفض لاني مشاركتي ماكملت 100 مشاركة أولاً: توكلي على الله وأن التوفيق بيد الله قال تعالى ( وما توفيقي إلا بالله العزيز القهار ) وبحاول الخص الموضوع للكل عشان ماتتشتون ثانيا: لاتضيعين وقتكـ في حفظ الكلمات لان الاختبار تقريبا بس جاء 4 كلمات من القطعة وشنو معناها في الخيارات يعني لو حلتيها غلط عادي ماتنقصين كثير . وكثفي مذاكرتك في القواعد والسماعي لانه السماعي كان 35 فقرة والقواعد الاغلب والقطع 5 تقريبا . ثالثا : من ناحية السماعي كان كلمة ورد غطاها يعني سهل ولقيت موقع نفس مستوى ستيب تقريبا http://www.englishspeak.com/ar/english-lessons.cfm أفضل من الموقع الي اضفته قبل لانه هذا بنفس المستوى . رابعا : من ناحية القواعد ذاكري كتاب اكسبرس انجليش والنادي العلمي السعودي و عودي نفسك تحلي اسئلة قواعد يعني تختبري نفسك يكون كذا أسهل لك وفي ذا الموقع http://esl.about.com/library/quiz/bl_beginnerreview.htm و بحاول انزل المواقع الثانية الي مريت عليها لإختبر نفسي في القواعد . و أنا بالنسبة لي بعد ذاكرت كتب التبسيط الانجليزي تبع أولى وثاني وثالث ثانوي حقت اخواتي وهي تقريبا من نفس مستوى الستيب . خامسا : من ناحية القطع كانت بعض القطع اسئلتها مباشرة يعني نفس النص الجواب موجود في القطعة وكان سهل وبعضها يبغالها بالفهم مرة ومرتيين وثالث . والله يسهل عليكم يارب ويسر لكم واي سؤال أنا حاضرة

الله يسعدك في الدنيا والآخرة ويفتح لك أبواب رزقه
ويفرج عنك كربة من كرب الدنيا والآخرة كما فرجتي عني يالغلا
حطيت المواقع في المفضلة وبعد ما انتهي من القواعد راح أرجع إليها
ولكن كتابي الحالي الأنجليزية لجميع المستويات < ورطت أشتريته
توكلت على الله وبدأت من الليلة بالجد والله خير معين