كيفية التقديم للمعيدة وما هي متطلباتها

[seham alwead]

المشاركة الأصلية كتبت بواسطة smily السلام عليكم كثير لفتني في موضوع المعيدات اللي بينكتب بالمنتدى موضوع الواسطة وانو لو مافي ..يعني راحت عليك ياحبايب قلبي: اللي عندها طموح ومجتهدة وربي كاتبلها نصيب هي الللي بتاخذها بس ..هذا هو الشرط لاتثبطو هممكم بموضوع الواسطة ..حطي ببالك انه ربنا اقوى من كل واسطة وهو اكبر من كل كبير ورزقك ورزق كل كبار الدنيا بيده يقلبه كيفما يشاء هذا ااول شي ثاني شي انا والحمد لله بفضل من ربي وصلت واتعينت وبلا واسطة ولا فيتامينات وبلا طلب رزق من العباد مع انو للعلم اني عندي واااااسطة لو ابغى بس الحمد لله انا درجاتي مشرفة وشروطي مكتملة وقدمت تماما زي الناس ومشيت بالخطوات واختبرت وسويت مقابلة وكل شي ..وعلى قولة الوالد الله يخليه " المجتهد مايحتاج واسطة " فنصيحة من اخت ..توكلي على ربك وسوي اللي عليك وارفعي كفك للرزّاق..و ربي مايضيع احد ..لو لك نصيب بتاخذيه (ولو اجتمع الناس على ان ينفعوك بشي..لن ينفعوك بشي الا قد كتبه الله لك) طولت عليكم .. بس من جد كان الكلام بقلبي وكان ودي اقوله من زمان بالتوفيق

انا معك انه كل شي بامر الله ... بس تختلف الوضعيه لو قدمتى في مدينه زى جدة عن منطقة اخرى زى حائل اوعرعر ولا حتى مناطق الاقسام فيها احتياج
بس زى جدة المتقدمين كثير والكراسي اغلبها محجوزة لاشخاص لهم معارف .. انا معك لو قدمت في مدينة زى الخرج او حتى تبوك راح انقبل بكل سهوله لانه معدلى عالى ومتخرجة بامتياز مع الشرف الثانية وهى فيها احتياج بس البعد هو ما يمنعنى.. بس في جدة صح الشروط تنطبق على بس ما انقبلت لانه ماعندى معارف .. انا ما اقول ان الواسطة هي اللى بتوظفك لكن راح تعزز من حضوضك..
بس مو معناه انه ما نجتهد ونتوكل على الله.. هذا اللى حبيت اوضحه ويعطيكم العافية..