من لا يعلم عن تخصصات الموارد البشرية والتسويق

[shosho83]

اول حاجة ابغى اشكرك اخويا حسان على كل الجهد اللي سويتو معانا وربنا يجعلو في موازين حسناتك
ومررررررررررررررره شكرا

تاني حاجة انا من جد ضايعة في مسألة التخصص يعني مجال عملي دحين مختلف عن التخصصين والله مو عارفه ايش اسوي

انا بحب التسويق بس مشكلتي خجولة

ايش تنصحني اسوي؟
ولو تخصصت تسويق تتوقع احنا كبنات فيه مجالاته له غير مندوبة مبيعات

وشكرا ....وسامحني على اسئلتي الكتيره

[حسان السراقبي]

المشاركة الأصلية كتبت بواسطة shosho83 اول حاجة ابغى اشكرك اخويا حسان على كل الجهد اللي سويتو معانا وربنا يجعلو في موازين حسناتك ومررررررررررررررره شكرا تاني حاجة انا من جد ضايعة في مسألة التخصص يعني مجال عملي دحين مختلف عن التخصصين والله مو عارفه ايش اسوي انا بحب التسويق بس مشكلتي خجولة ايش تنصحني اسوي؟ ولو تخصصت تسويق تتوقع احنا كبنات فيه مجالاته له غير مندوبة مبيعات وشكرا ....وسامحني على اسئلتي الكتيره

أهلين العفو ربي يخليكي
وإن شاء الله أني أكون خير عون لكم خلال مسيرتكم الدراسية ^_^

أنتي ايش عملك ؟؟

برأيي أنا للبنات , تخصص التسويق أفضل لهم , لأن مجال الموارد البشرية معظم رجال الأعمال والشركات يفضلون الرجال عن الحريم بسبب تبعات المهام التي توكل لهم
وقصدي بهذا الكلام , أنو بعض الأحيان يضطر مسؤول الموارد البشرية بمراجعة الدوائر الحكومية لحل مشكلة معينة أو الحصول على ميزة أو أمر معين
وغير كده كمان الخروج إلى مناطق العمل وتجمع العمال ومحادثة المسؤولين أو الموظفين نفسهم
وهذا الشيء ما أعتقد أنو جيد أو يناسب للبنات
أما التسويق , فلولا مشكلة الخجل يالي عندك يعتبر أفضل , لأن أنتي كأمرأة تقدري تدوري على المجالات المتعلقة بأمور المرأة ورغباتها , زي المكياج والملابس , خصوصا الشركات المتخصصة بهذه الأمور معظمها بتكون عالميه زي شركة رضوى صاحبة سلسلة محلات وجوه , يالي تعتبر وكيلة أفضل ماركات العطور والمكياجات , ورواتيهم بالهبل 5000 و6000 ألاف كبداية غير العمولات خصوصا لو كان معاكي الشهادة
وغير كده كمان , شهادة التسويق يأهلك تكوني مديره بمختلف المسميات , مديرة منتج أو مديرة فرع أو مديرة منطقة أو حتى مدير شركة بعد بذل الجهد ووجود الطموح لهذا الشيء , يعني تنوع مجالات العمل أمامك بالنسبة للتسويق أكبر
وفكرة مندوبة المبيعات زي ما قلت فوق , ما هو إلا مهمه صغيرة من مهام التسويق , قد تبدأي أنتي بالعمل كمندوبه , حتى تكتسبي خبرة وتعرفي السوق ايش يبغى , وهذا شيء طبيعي أنك تمري بهذه المرحلة , بس بعدين مجال الترقية بتكون بين يدك زي المويه
والشيء المهم يالي لازم تمتلكيه في تخصص التسويق أنو يكون عندك ثقة بالنفس وقوة في الشخصية وطبعا معرفة ايش جالسه تسوقي , وكل أمورك بتكون تمام

هذا بالمختصر الشديييييد عن ميزة التسويق
ولو في حاجة كمان في بالك أسألي بجاوبك عليها إن شاء الله ^_^

بالتوفيق
تحياتي