بخصوص المقابلة الشخصية...... افيدوووووووووني

[losfer]

المشاركة الأصلية كتبت بواسطة dr.passed صحيح كلامك بس انا عشان البريستيج قدامهم والترتيب والإهتمام من البدايه وبعدين لمن تكون عندك اشياء حلوة في السي في ومتميزة...لمن يسير شي بعدين ولافي مؤتمر ولاشي يقدرو يستفيدو منك ولا ياخدو استشارتك يكون عندهم خلفيه عن قدراتك وتمكناتك...لاتخافو فكره السي في جبتها من راصي امكن ينطلب امكن لأ بس لو قدمتو وكان شي حيكون مافي احد قدكم يعني حلوة ليكم انكم تهتمو بدا الشي

شوفي
لمن يصير الوضع زي ما قالو الاخوان تقديم على وظيفة او ما شابه
بمعنى انو عدد المقاعد الشاغرة تكون اقل بكثير من عدد المتقدمين
وقتها الواحد صح يحاول يطلع نفسو بأفضل صورة عشان حتى لو ماكان فيه عيب بس غيرو افضل منو ما راح يختاروه

لكن زي حالتنا احنا
الكلية من البداية ماراح تقبل الا العدد المناسب لسعتها
يعني الكلية ماعندها مشكلة حتى لو كل الطلاب اللي اترشحو حينقبلو لأنو في مقاعد كفاية
ف هذي الحالة ماراح يستبعدو طالب عشان غيرو احسن منو ولا لأنو الباقين جابو شي إضافي هوا ما جابو
ماراح يستبعدو الا اللي فيه عيب واضح في نفسو هوا يصير حتى لو كان لحالو مرشح حيستبعدوه لأنو غير قابل للدراسة في كلية الطب

علشان كذا الواحد لا يتعب حالو ويحاول يتكلف وفي النهاية السالفة تطلع من أبسط ما يكون