فاتني الاختبار النهائي اليوم ,, ايش الحل ؟ ضروري

[e7sas-tooti]

السلام عليكم

كيف حالكم يا اخوان و الله العظيم لما عرفت الخبر اني انصدمت

اليوم التاريخ 4 / 7 عندي اختبار ثقافة اسلاميه 301

و انا منزل الجدول مكتوب 6 / 7 لما جيت ادقق في الجدول الللي نزلته و الجدول اللي موجود بموقع الجامعه

لقيت الجدول اللي عندي حق البنات وجهي تلون >>

ايش الحل برايكم و كيف اقدر اعيد الاختبار و هل فيه اجراءات على هالشي افيدوني الله يجزاكم الجنة

[غازي الحارثي]

شي عادي اخوي اللي صار وياك...

دبر تقرير طبي وإن شاء الله بتختبر هالماده..

اهم شي ركز بالاختبارات الجايه..

[ابو لمى 111]

اقرب مستوصف وخليم يعطونك اجازة عن اليوم وتختبرين الترم الجاي اختبار بديل

[نايف1]

ومن الحب ماقتل

هههههه امزح معك يالغالي وربي يعضوك خير في هذة المادة
اخي الفاضل مالك سوى حل واحد تجيب عذر طبي مقبول حتي تنزل لك المادة اختبار بديل

[توتا الدلوعة]

روح للدكتور وقله الحق وراح يعيدونه لك بإذن الله بالاختبار البديل
وفتح عينك مرة ثانية

[ابو خــــــــــالد]

لا لا لا تشيل هم اول شي اخوي ركز على المواد الاخرى وكان شي لم يكن
والشيئ الثاني بالنسبة للاختبار اللي فاتك جيب تقرير طبي او من المرور المهم شي يفيد انك ما قدرت تختبر لظروف خارجه عن ارداتك .

وشد حيلك وما صار الا الخير

اتمنى لك التوفيق

[خالد المالكي]

الله يعينك

ركز في الجاي ومثل ما قالو الاخوان وسهاله ان شاءالله

[e7sas-tooti]

الله يعطيكم العافية ياللي رديتو علي و الله ان درجاتي بالاختبارات اللي قبل كلها زينه جبت الدوري الاول 28 و الثاني 28 طبعا كلها من 30

و حرام يفوتني هالاختبار الله يقطع ابليس المرة الجاية يبيلي افتح عيوني زين

و بصراحه خايف اجيب تقرير طبي و الله يبتليني بالاختبار و ما احل و خايف اقول الصراحه لدكتور المادة و يسحب علي و ما يعيده لي لان عذري مثل منتو عارفين >> يسود الوجه هههههه