بين الماجستير والوظيفة.^$

[فنية معمل]

موضوع قلقني
هو أنني أعمل حاليا موظفة كفنية معمل بنظام الساعة
وانا حاليا بأدرس ماستر في نفس الوقت
بس الي قالقني
لو جاني التثبيت
مامصير الماجستير علما إنو سمعت انوا الي وظيفتها ادارية لازم تكمل بعد 3 سنين من العمل

[مهندسً]

المشاركة الأصلية كتبت بواسطة فنية معمل موضوع قلقني هو أنني أعمل حاليا موظفة كفنية معمل بنظام الساعة وانا حاليا بأدرس ماستر في نفس الوقت بس الي قالقني لو جاني التثبيت مامصير الماجستير علما إنو سمعت انوا الي وظيفتها ادارية لازم تكمل بعد 3 سنين من العمل

الله يوفقك بس انتي اذا جاكي التثبيت استخيري الله وبعيدن شوفي اذا تقدرين تنسقين بين الوظيفه والدراسه او انك تأخذين اجازه بدون راتب وتكملين دراسه او تكملين دراسه افضلك طالما انك تدرسين حاليا لانه دراسة الماجستير ما تطول سريعه

[Miss 7lm]

تصدقين اختي انا عندي نفس القلق


انا اعمل معيده بالساعه ولسه دووووبي انقبلت في الماجستير


يوم السبت راح اطابق اوراقي على اساس اني غير موظفة

طيب لو جاني تثبيت وش اسوي (يارب يجيني لو فيه خير لي)


لازم قبول من الجامعه نفسها اني ادرس لاني راح اصير من منسوبين الجامعه

واوراقي راح تتعطل وما ادرس على طول يعني من اولها اعتذار




سوري دخلت بمشكلتي


نرجع لك اختي



انا اعتقد انه راح يصير فيه تنسيق


باذن الله يجيك التثبيت لو لك خيره فيه


واتوقع القسم راح يتفهم وراح يعطونك تفرغ للدراسه او تنسقين بين دراستك وعملك



مالنا غير (رب اشرح لي صدري ويسر لي امري)


وانا بروح السبت احاول افهم بخصوص موضوع التثبيت والماستر وان شاء الله القى خبر

[فنية معمل]

المعيدات
مالهم مشكلة
المشكلة بس للإداريات

[عودة جيفارا]

حياكم الله ...

ترددت ارد وتزعلوا مني ... او اسوي مو شايف واخلي موضوعكم معلق ...

اخوكم موظف حكومي عمل ب4 جهات حكومية بعقود لين ما ترسم ...

ما ودي اطول عليكم ... والله من وراء القصد

اتذكر مقولة عضو بمجلس الشورى لي شخصياً عن موضوع اكمال الدراسة وانا موظف

يقول / وضعنا تغير وعددنا كبير ... ما كان الاولى الفرد ياخذ فرصة واحدة اما التعليم او العمل ..

وفعلاً ... قدمت استقالتي ... وكنت على عقد براتب جيد وعلى وعد تثبيت ولكن اثرت اكمال تعليمي

واترك وظيفتي لمن اراد العمل وهو محتاج لها ... والله يعوضني خير

ورجعت بشهادة الماجستير من الخارج ... وقدمت على الخدمة المدنية والحمدلله جاتني

وظيفة رسمية وبمرتبة اعلى ...

اختي فنية معمل لازم تقرري من الان وانتي وحدك ادرى بوضعك واحتياجك

فعلاً ان ترسمتي حيعطوكِ خطاب للاحوال المدنية وتغيري حالتك لموظفة حكومية

وراح تتقفل عليِكِ جميع الابواب الاخرى ما عدا الوظيفة الحكومية ....

وان اردتي اكمال دراستك العليا فلا بد من موافقة مرجعك ...

ولا يحق لك اكمال دراستك الا بعد اكمال سنة التجربة وسنتين اخرى ...

وبعدها اما يوافق مرجعك لاحتياج التخصص او ما يوافق ...

اما خيار اجازة استثنائية او اجازة بدون راتب فما تستحقيها الا بعد سنة التجربة

و اعطاء مبررات واضحة ومقنعة والتعليم غير مقنع حسب نظامهم ...

لانه صار مرجعك وزارتك وان ما كان في احتياج لتخصصك فراح يرفض طلبك مباشرة

واما يخيروكِ بتقديم استقالتك وطي قيدك او اصرارك على دراستك...

لنا زملاء يكملوا دراسة بدون موافقة مراجهم ولكنهم يعلمون ان عند حصولهم على الشهادة

فما راح يستفيدوا منها في تحسين مراتبهم او مستوياتهم وانما العلم للعلم فقط ...

فمعناها ... ان جاكي التثبيت بحول الله وقوته ... تستخيري

اما العمل او الدراسة وما راح يحددها الا انت ومعرفتك بواقعك واحتياجك ...

وبرضه تأكدي لاجل تتطمني مع اني متأكد من ما اكتب واي استشارة انا حاضر ..

الله يوفق الجميع لما يحبه ويرضى ... تحيتي

[*nana*]

طيب في حال جتني وظيفه عقد بعد قبولي في الماستر وإنهاء الإجراءات كيف راح يكون وضعي؟