بنات وش ناوين تسوون اعطوني خططكم غير الماجستير

[ar_8]

جزاك الله خير اميره بس بالنسبه للدورات

فيه ضمنها دورات إداريه ..؟

[dr:sarona]

صباح الخيرات ^^
انا من يوم ماجاني المسج بعد ماخلصت موجة المناحة قمت غسلت وجهي وتعوذت من ابليس <<هع
و سجلت بالقدرات و بدات اذاكر من هنا وهنا واجمع اللي اقدر عليه ناوية ع دبلوم والله يسهل اللي في الخير
<حمستوني ع الدورات اللي بالنت بصراحة جددددا تحمست ^^
اممم بالنسبة للابتعاث ودي بس صعب ع ماما اخرج انا واختي بنفس الوقت ><
بالتوفيق للجميع يارب والله يسههل اللي فيه خير ^^

[eeMonoOnee]

المشاركة الأصلية كتبت بواسطة dendon هلا خيتووو أنا قدمت السنه الي فاتت واتقبلت الحمد لله بس ربنا ماأراد وماكمل الموضوع وحبيت أفيدك يالغلا بالنسبه للتخصص بما أنك أدبي فالمسار الوحيد المسموح اتوقع تسويق >>>أتاكدي من هالمعلومه وممكن في حال اتقبلتي وسافرتي بعد سنة اللغة تراسلي الجامعات واذا قبلوك بتخصص معين انتي فضلتيه تكلمي الملحقية السعوديه بالبلد الي انتي فيها وممكن يغيرون التخصص الي قدمتي عليه أعرف بنات كثير غيرو تخصصاتهم من نفس البلد بس بشرط موافقة الملحقية... وبالنسبة للتوصيات توصيات المبتعثين تختلف عن توصيات الجامعة العاديه وتلقينها عند عمادة الدراسات العلياء... اما قبول الجامعه فا ماعندي فكره والله واتمنى غيري يفيدك بالموضوع... وبالتوفيق ياااااااااااااارب

الله يسعدك دنيا واخره ويوفقك ويفتحلك كل ابواب الخير والرزق والسعاده يااااااااااااااااااارب
معليش بس سؤال لما قدمتي على البعثه شو اخترتي تخصص بما انك ادبي زيي؟ انا اتخرجت من كلية التربيه و بالنسبه للتوصيه يعني اروح عمادة الدراسات العليا
واخد توصيه من عندهم الي بنفس كليتي الي اتخرجت منها صح كدا

[جنون الطفولة]

هنا مكان غير المقبولين .. المحبطين
يالله اسألك تعجِّل لنا بالخير اللي مقدِّرهـ لنا كتعويض للإحباط هذا ,.

المشاركة الأصلية كتبت بواسطة صمت الزمن انا راح اترك وظيفتي واجلس عند ولدي وزوجي افضل من التقديم ع الماستر هذي خامس سنة مايقبلوني فيها والحمد لله على كل حال وربي يعلم حاجتي لذي الدراسة لأني معيده والعميده تتوعد فينا نتحول اداريات او نكمل دراستنا

بصراحة ما يستحوا وربي ,.
خلاص موظَّفة شهادة ماستر وراح تدرِّسي ,.
ليه مشروط باختبار وهبل ,. الموظفة معيدة يقبلوها ماستر المفروض بدون اللعانة والفلفة الطويلة دي

وربي وربي ما يسحتوا ...

[جنون الطفولة]

المشاركة الأصلية كتبت بواسطة vision86 انا عن نفسي بنتبه على صحتي لانها ااتدهورت الفترة الاخيرة!!!

والله صادقة ,. الله يعين ويعوضك ويعوضنا خير يارب

[جنون الطفولة]

أما أنا وتخطيطي :

- من قبل لا تطلع النتيجة وأنا متوقعة عدم القبول ,
لذلك مجهِّزة منبه جوالي على يوم 25-6 وسجَّلت فيه بالقدرات والاستب ,.
عندي الاستب بس قلت اجرب حظي يمكن اجيب درجة اعلى ,.
( عشان إن شاء الله ناوية ع الدبلوم ) بصراحة انا عاشقة للتدريس
وعندي قدرة على توصيل المعلومة فالرياضيات ممرررررررة نفسي أخلي الناس يحبوه ,
< أروِّج نفسي ههههههههههههـ
ياليت العبارة دي تكفي عشان يقبولني فالديوان

- المهم أي دورة مجانية بقدم فيها (ركزوا على مجانية لأني كسرت ظهر اخواني مؤخرآ ماديَّا)
ولا دورة تكون رمزية , يعني مو مبالغ احتاج احط يدي على وجهي وانا اكلمهم عنها

- طبعآ لانه فبلدنا أي شي جديد بيحطوه شرط ,. فـ كل مايطلعوا اختبار بختبره ,
اتوقع يخترعولنا اختبار يسموه الحس الفكاهي و يطلبوه شرط في الماستر مو بعيده
يعني اخذتها درس مو كل مرة يقولوا فجأه الاختبار الفلاني شرط ,. وتضيع من عمري سنة
لا لا .. كل ماطلع اختبار باختبره ,. ايش ورانا

- جا الدبلوم ؟ كان بها (يارب يجي) ..... ماجا ؟ سيدا ع المدارس الأهليه
لازم أخذ خبره وأنا ما عندي ولا (خُبيره) وحده

- احنا على مشارف الصيف ., بشوفلي وظيفة لو تطوُّعي ,. شي يشغلني لأني بنفجر سنة فالبيت
طااااااااااااااابت يا بابا عبدالله طااابت وربي

بين هذا وهذا وهذا ,. نسأل الله يعجِّل لنا بالخير يارب


صباح الجمعة ... لا تنسوا اليوم الدعاء ثم الدعاء ثم الدعااااء ,. وسورة الكهف

اللهم صلّ على محمد كما تحب أن يُصلَّى عليه

[dendon]

المشاركة الأصلية كتبت بواسطة viore انا كمان ناويه ع الدورات ان شاءلله والعرض الي قلتي عليه حلو اذا ممكن اسم المعهد ربي يسعدك

هلاااا خيتووو

اسم المعهد العلياء العالي النسائي للتدريب

[dendon]

المشاركة الأصلية كتبت بواسطة eemonoonee الله يسعدك دنيا واخره ويوفقك ويفتحلك كل ابواب الخير والرزق والسعاده يااااااااااااااااااارب

المشاركة الأصلية كتبت بواسطة eemonoonee معليش بس سؤال لما قدمتي على البعثه شو اخترتي تخصص بما انك ادبي زيي؟ انا اتخرجت من كلية التربيه و بالنسبه للتوصيه يعني اروح عمادة الدراسات العليا واخد توصيه من عندهم الي بنفس كليتي الي اتخرجت منها صح كدا

آآآآآآآآآآآآآمين يااااااااااااارب ويسعدك وياي

أنا اخترت تأمين بس ماكملت الموضوع ...

وسمعت أن الاقسام الأدبيه اجبروهم يغيرون لتسويق ..إذا حابه قدمي التخصص الي تبغيه وشوفي اذا ماناسبهم يغيرو التخصص إجباري أهم شي ابتعدي ع الاقسام العلميه...

كمان وحده من صديقاتي دراسات وكملت حاسب الي>>>دا الكلام قبل 3 سنين ...

والتوصيات تأخذي التوصيه وتروحي للدكاتره يعبونها لكي يالغلااا...

وبالتووووفيق يااااارب

[أنامل مبدعة]

المشاركة الأصلية كتبت بواسطة .. اميره .. الله يعوضكم خير يارب ولا تيأسوووو .. قدموا كل سنه وربي راح يكتب لكم القبول بأذن الله لو فيه خير لكم انا قدمت 3 مرات والحمد لله السنه هذه ربي كتب لي القبول حبيت افيدكم بالنسبة للدورات .. جامعه الملك عبد العزيز .. وكاله الخريجات .. عندهم دورات طوال السنه فيه جدول ينزل الفصل الاول .. وجدول ينزل الفصل الثاني .. طبعا الدورات للخريجات والمتوقع تخرجهم سواء كانو من كليه التربية او من نفس الجامعه فهي مفتوحه للجميع ومجانية وعليها شهادات حضور احرصوا على حضورها لتقويه السيره الذاتيه والاستفادة منها .. وبيعملوا كمان بطاقة دخول ( عضوية ) عشان تقدري تحضري بدون تعب مع السكيورتي عند البوابات الوكالة لها صفحة على الفيس بوك تعلن فيها عن كل جديد عندهم ( دورات / رحلات / مؤتمرات وورش عمل ) .. وتقدري كمان تروحي تأخذي جدول الدورات من نفس الجامعه بمبنى 69 خلف 420 حبيت لكم الخير .. والله يوفقني ويوفقكم يارب في الدنيا والآخره دعواتكم اتوفق في دراستي وحياتي واي استفسار بخصوص الدورات انا حاضرة

الله يوفقك في جميع امورك ...

بس ممكن سؤال ..
كيف اسجل في مثل هذه الدورات وكيف ابحث عن جدولها على الفيس بوك ؟
والدورات هذه ماتكون في الصيف في الاجازه صح؟

//


واشكر من رد عليا بخصوص مواقع الدورات المجانيه


جزاكم الله خيرا

[الكاميليا]

مرحبا

انا بالنسبه لي قصتي قصة مغامراتي خلال هذه السنة بس
ِ
طبعا حلمي مثلكم اكمل تعليمي واحصل على الدكتوراه بس للاسف اصبح الحلم بعيد حتى اني بدأت افكر ادرس بمجال بعيد عن مجالي

اولا كنت احلم بالابتعاث وطبعا من تخرجت ماكان عندي محرم لذلك لم اقدم ,, ولما توفر المحرم وقدمت وكنت فرحانه الا انه بالنهايه وبعد طول انتظار يوصلني ذاك المسج ع جوالي عفوا لم يتم الترشيح طبعا لان شرط العمر اصبح لاينطبق علي وسافر المحرم بالسلامه وبقيت انا

حزنت وتضايقت ثم صبرت وقلت اقدم داخلي بنفس مجالي رغم اني اريد ماجستير طبي حتى يفيدني بالتوظيف بالصحة بس قلت اجرب ادرس بجامعاتنا
والدراسه بالخارج على الحساب الخاص مكلف جدا وانا عاطله يعني مستحيل

المهم قدمت بسعود بحكم انها فتحت قبل واشتريت الكتب وذاكرت وسافرت اختبر وحليت
بس قالوا لنا من وقتها احنا هالسنه ماعندنا امكانيات ماراح نقبل الا 8 ومن ضمنهم المعيدات والمعتمدات تعالوا السنه الجايه

قلت ربما يصيب معي الحظ واكون من المترشحات بس للاسف وصلني مسج عفوا لم يتم الترشيح

ثم قدمت هنا والاختبار بمجالي كان سهل بس كالعاده عفوا

بصراحة اعتدت على هذه الكلمة كلمة عفوا

حتى الوظائف مابقيت المدينه جده مكه الطايف حتى الحدود الشماليه قدمت باقي اقدم بجيزان بس

مرة اترشح ومرة مااترشح ومرة انجح واعمل المقابله وبالنهايه عفوا انتي احتياط

وعلى هذا الحال اكثر من 7 سنين والان قربت اخش بالثامنه حتى اصبحت حياتي كلها عفوا

حتى الخاص انعدى منهم

ولكن الحمد لله صحيح الواحد احيانا تضيق الدنيا فيه ويصاب بالاكتئاب بس الحمد لله لازلنا صابرين ونحاول ولم نيأس ليقيني بانها ماضاقت الا وستفرج يوما ما

وبالنسبه لخططي

حاليا انتظر اختبار بجامعه طيبه.. ادعولي اترشح نهائي هالمرة يقولوا الثالثه ثابته

وراح ارجع اعيد تدريبي بالمستشفى ربما بعد شهر والله يعيني على دفع 12 الف

واكيد باقدم بالماجستير اللي بيفتح بعد شهر ان كان في مجال مناسب لي

وربما ابحث عن معهد للغة بس محتارة اريد معهد يفيدني بالمحادثه اكثر شي ومايكون غالي

طفرتنا هذي الدورات


نصيحتي لكل من تطمح للماستر والدكتوراه اذا توفر عندك المحرم قدمي بالبعثه ان كنتي مستوفيه للشروط خصوصا العمر راح تبتعثي بإذن الله الاعداد المقبوله بالابتعاث كبيرة ونسبه القبول والفرصه اكبر


كنت هنا وعذرا على الاطالة