الله يحقق له اللي في باله اللي يجاوبني

دكتورة جوزاء · 02-06-2011, 08:42 AM

الله يجزاكم خير إن شاء الله .. والله مارحت امس .. اليوم بروح إن شاء الله تكون مفتوحة

ساكن بصمت انا ساكنة في حي الزهرة عند شارع الامير سلطان .. مشوار للجامعة
واروح من طريق الملك بعدين اطلع من كوبري الملك عبد الله لين الجامعة
ادخل من بوابة 7 ..
المشكلة انا ما اعرف كارفور و البيك وين
كل اللي اعرفه بالسلمانية ( بالبيد ) .. لو توصف لي وصف دقيق من عند بالبيد اكون جدا شاكرة اخوي

miss you · 02-06-2011, 08:54 AM

البيك وماك قبل الكبري بشوي

اسالي عن السليمانية بلازا

بعد ماتلقينها امشي قدام لين يجيك مطعم الشاطي مكتبة الفين جنبه

ساكن بصمت · 02-06-2011, 01:57 PM

طيب حوصف لك من عند بوابة 7 اوك !!! ؟

طبعا حنا الحين عند مبنى البنات سنة تحضيري .. رقم البوابة

الخارجيه للجامعة 7 ...

تأخدي يمين اول ما تخرجي من الجامعه .. ومن ثم تبقي ماشيه

تجيك لفة يمين خوديها .. تبقي ماشيه طبعا يمينك

سور الجامعة .. بعدين حينفصل الطريق ...

يمين او طوالي .. لا تلفي يمين خلك سيدا طوالي .. طبعا

حتلاقي دوار قدامك .. خوديه وطبعا حتكون بوابة

الصقر على يمينك .. ( بوابة عليها صقر كبير ) ما عليك منها بعدين خلك ماشيه

لين اخر سور الجامعة " الابيض "وتاخدي يمين .. بعد ما تاخدي يمين

تبقين ماشيه حتلاقي بوابه رقم 2 على يمينك .. سيبك منها

خليك ماشيه مثل ما انتي .. طوالي طوالي ..

نهاية الشارع حتكون بوابة 3 يمينك اطلعي يسار لا تدخلي

مع البوابة .. طبعا تمشي طوالي من غير ما تلفي حتلاقي

مدارس التعاون على يمينك لا تلفي .. طوالي حتلاقي محطة

بنزين .. اول لفة " بعد " المحطه لفي يمين ..

اول ما تلفي يمين حيكون على يسارك التموين الطبي ..

سيبك منو وخلك ماشيه زي ما انتي ..

حتلاقي في تقاطع وفي مدرسة بنات ثانويه اسمها الاربعين

لفي عليها .. يعني لفي يسار ..

خليها على يمينك واول لفة بجنب المدرسة يمين خودبيها

حتكون شرطة الجامعة على يدك اليسار ..

ما عليك من الشرطه خلك بدربك .. لين ما ينتهي الشارع

اطلعي يمين حتلاقي محلات ومطاعم ...

امشي شويتين حتلاقي مطاعم شاطيء التميمي

بجنبها على طول مكتبة الفين 2000 وهذي صور لها انا مصورها لما رحت عشانك ...

تستطيع أن ترى الصورة بحجمها الطبيعي بعد الضغط عليها

وهذي كمان

لو ما عرفتي الطريق .. اديني رقم اخوك .. او السواق .. ع الخاص ..

وانا حوصف لهم ... والله يوفقك يارب ..

دكتورتي الغالية ...

مابي منك شكر ولا شي ...

ابي منك دعاء تدعي لي كل ما تصلي

اني ادخل التخصص اللي ابغاه .. ارجوك يا دكتورة ...

والسلام عليكم ورحمة الله وبركاته ...

ساكن بصمت