بنات مين راحت عملت برنت اثبات عدم وظيفه و ماعندها بطاقه احوال تطمناا ؟؟

[دفا الروووح]

انا اليوم رحت اخدت البرنت وانا ماعندي بطاقة احوال
بس مادخلت الاحوال قسم النساء .. اخويا دخل عند الرجال وكان معاه بطاقة العايلة ولا دقيقتين الاهوا مخلص ماشالله ..
واخدت البرنت وع الجامعه ...

[أنامل مبدعة]

الله يجزاكي خير ياشيخه والله شيء حلو هههه



ريحتيني ..



الله يسعدك

[amob]

المشاركة الأصلية كتبت بواسطة دفا الروووح انا اليوم رحت اخدت البرنت وانا ماعندي بطاقة احوال بس مادخلت الاحوال قسم النساء .. اخويا دخل عند الرجال وكان معاه بطاقة العايلة ولا دقيقتين الاهوا مخلص ماشالله .. واخدت البرنت وع الجامعه ...

هل الكلام يختلف من فرع لفرع ...ومن موظف لموظف اخر؟!

لأني اليوم رحت احوال الاندلس ومعاي كرت العائلة وجواز السفر وافادة من الجامعة وطلبت برنت
راحت ادتني اوراق وقالت عبيها ...
قلتلها ابغى برنت بس !!
قالت مانطبع برنت الا ببطاقة احوال ولازم نصدر لك بطاقة احوال !!
ولمن سألتها ليش ؟؟ قالت: لازم يكون لك ملف شخصي عندنا !!!
والحمد لله ما اخذت الشغلة كلها 10 دقائق، طبعتلي البرنت وادتني موعد بعد اسبوعين لاستلام البطاقة

عشان كذا زي ماقالوا اخواتي قبلي:
اللي تروح ببطاقة عائلة تستعد بأصل البطاقة والجواز وصوره منهم + صورة شخصية
او بدل الجواز يكون معاك معرف

ما ادري ليش يعقدوا الأشياء وهي ماتحتاج شي ؟!

الله يسهل للجميع امورهم يارب

[Areej alrefai]

طيب يابنات انا معي الايصال حق بطاقه الاحوال لان الاثنين اللي فات رحت ابغى اطلع بطاقه احوال وقالوا بعد اسبوعين تطلع واعطوني ايصال عااادي اقدر اخذ البرنت وانا معي الايصال وكرت العائله بسهوله؟؟؟؟

وسؤال كمان الحين وين مبنى وحده القبول بنفس حرم الجامعه اللي فيه كلية العلوم وياليت اللي تجاوب كمان توصف المكان ....

وكمان الاندلس مول هذا قريب من الجامعه اولأ

معليش ع الاسئله انا مو من جده

[أنامل مبدعة]

زيزفونه

حكايه الايصال ما عرف طريقتها والله ..
لكن انصحك اذا معاكي ولي امرك تروحي الجامعه اول تاخذي افاده القبول وبعد كذا هو يروح الاحوال للرجال بالافاده وبكرت العايله صدقيني دقيقتين ماياخذ ويطلع مخلص البرنت ..


بالنسبه لسوق الاندلس ترى مره قريب حق 5 دقايق عن الجامعه بالسياره طبعا هع ..


مبنى القبول اقرب بوابه له اللي من عند الجامعه بلازا ويكون مبنى الخطوط ع يسارك وبعد كذا تاخذي يمين وطوالي الين تلاقي البوابه قدامها اظن مجسم عباره عن اشكال كرويه لونها ازرق فااتح ..

تدخلي تسألي الامن وهيا بتقولك كيف توصلي لمبنى 3 .. لانك ف البدايه تمشي مسافه مبنى 5 وبعده مبنى 4 بعدين تلاقي 3 ...

وبالتوفيق لك

[nanita]

الله يعطيكم العافية عالموضوع المفيد بس لو تكرمتوا عندي سؤال
أنا معلمة في مدرسة اهلية و اليوم الأربعاء انتهى دوامي بالمدرسة هل تكفي ورقة اخلاء الطرف كاثبات ولا لازم اطلع برنت من الاحوال ؟

[Areej alrefai]

المشاركة الأصلية كتبت بواسطة أنامل مبدعة زيزفونه حكايه الايصال ما عرف طريقتها والله .. لكن انصحك اذا معاكي ولي امرك تروحي الجامعه اول تاخذي افاده القبول وبعد كذا هو يروح الاحوال للرجال بالافاده وبكرت العايله صدقيني دقيقتين ماياخذ ويطلع مخلص البرنت .. بالنسبه لسوق الاندلس ترى مره قريب حق 5 دقايق عن الجامعه بالسياره طبعا هع .. مبنى القبول اقرب بوابه له اللي من عند الجامعه بلازا ويكون مبنى الخطوط ع يسارك وبعد كذا تاخذي يمين وطوالي الين تلاقي البوابه قدامها اظن مجسم عباره عن اشكال كرويه لونها ازرق فااتح .. تدخلي تسألي الامن وهيا بتقولك كيف توصلي لمبنى 3 .. لانك ف البدايه تمشي مسافه مبنى 5 وبعده مبنى 4 بعدين تلاقي 3 ... وبالتوفيق لك

شكراااااااااا لك الله يجزاك الجنه ماقصرتي ...

لكن البوابه اللي قدام الجامعه بلازا رقمها 6 مو كأني اذكر كذا لما جيت للامتحان

[أنامل مبدعة]

نانيتا اظن اللاخلاء مو كفايه لازم برنت لان الموظفه وانا اطابق اوراقي قالت لي البرنت اهم شيء ..


زيزفونه اللي اعرفه انها البوابه الغربيه بس رقم مبنى الدراسات هو 3


اتمنى اكون افدتك ..


واي سؤال حاضرين .. بالتوفيق