اقرب مركز للأحوال قريب من الجامعه؟

[رمز الاصاله]

السلام عليكم ورحمة الله وبركاته

ياليت احد يفيدني باقرب مركز للاحوال قريب من الجامعه لاني مو من اهل جده ومااعرف شي بجده

في بنات كاتبين انه في الاندلس مول ياليت احد يشرح لي طريقه

جزاكم الله خير

[السهاد*]

والله ما اعرف اوصف لك حبيبتي
بس عموما الاندلس مول قريب من الجامعة من جهة حي السليمانية
والمطار القديم ..
تدخلي من بوابة 3 الدور الثاني

ان شاء الله البقية يساعدونك

بالتوفيق

[تفاؤل وأمل]

أيوه ياليت أحد يوصف لنا الطريق بالضبط
وإصلا أنا الجامعة بكبرها ما أعرف مكانها >هههههه

[الأوركيد]

مبروك أختي أنا في الوصف مو مرة بس في موضوع للأستاذ /عماد منزل خريطة الجامعة راح أوصف لك بس أطلعي على الموضوع بيكون أوضح لك بالنسبة للجامعة راح تكون المراجعة في مبنى القبول في البوابة الغربية المبنى الثالث الدور الثاني أنتي لمن توصلي الجامعة أمشي طوالي لغاية ماتلاقي سوق الجامعة بلازا وبعدين مبنى الخطوط راح يكونوا يسارك بعدين تلفي يمين تمشي طوالي راح يكون واضح أسئلي أي أحد يدلك وكمان سوق الأندلس مرة قريب منه أسئلي أي أحد يدلك أنا كنت زيك ماني عارفة شي بس الحمد لله سألت وما تهت والإجراءات مرة سهلة حاولي تجيبي معاك نسخ من أوراقك عشان ماتتعبي في التصويرأتمنى أكون ساعدتك لوبشيء بسيط ما حبيت أدخل موضوعك وما أرد بالتوفيق إن شاء الله .

[رمز الاصاله]

جزاكم الله خير ماقصرتو
ان شاءالله ربي يسهلها بكره

[د. كنوز]

ممكن يا بنات الي تعرف تقولي فين في فروع ثانية للأحوال غير الأندلس ؟؟

الله ييسر أموركم و يجزاكم خير

[ازهار السوسن]

اظن ان الفرع الرئيسي في حي الصفا بس ما اعرف فين ب الضبط
الاحسن لك فرع الاندلس مول لانه قريب من الجامعه وكمانه ما فيه زحمة كتير

هذا الموضوع راح يساعدك
http://www.skaau.com/vb/showthread.php?t=207300

^ــ^

[(( محمد ))]

المشاركة الأصلية كتبت بواسطة د. كنوز ممكن يا بنات الي تعرف تقولي فين في فروع ثانية للأحوال غير الأندلس ؟؟ الله ييسر أموركم و يجزاكم خير

المكتب الرئيسي حي الصفا - شارع الامير متعب ( الأربعين ) بعد تقاطع شارع الامير متعب بشارع الامير محمد بن عبد العزيز ( التحلية ) بإتجاه الشمال (( رجال فقط ))

فرع حي النسيم - شارع النسيم ( المطار القديم ) مقابل هيئة الطيران المدني (( نساء فقط ))

فرع سوق الأندلس ( نساء ورجال ) مثل الوصف اعلاه

[د. كنوز]

جزاكم الله خير .. الله يفرج عنكم كل عسير