مخترع سعودي حصل على المركز الثاني عالمياً .. يحاول الإنتحار !!

[فيصل]

السلام عليكم ورحمة الله وبركاته ..

مساء الخير , وجمعة مباركة ..



المخترع السعودي حامد الصالح , مخترع عالمي يعمل في وزارة الصحة في المملكة العربية السعودية , المخترع حامد الصالح الذي أفنى عمره في وظيفة لا تقدر عمله وجهده بل وتجازيه بالجحود والنكران , بل قوبل بالطرد من وظيفته جزاء له على إختراعه .
إختراع حامد الصالح هو سرير لنقل المريض بدون لمس أي طرف من أطرافة , أخذ على هذا الإختراع المركز الثاني عالمياً والمركز الثاني سعودياً , وقام بتسليمه له رئيس كوريا الجنوبية ونائبه في العاصمة سول , أما في وطنه وبلده فرفضوا بحجة عدم دفع 600 ريال رسوم !!
حامد الصالح الذي قابل العروض الأجنبية والتي تبنت إختراعه بالرفض التام , وذلك رغبة منه في خدمة وطنه ومملكته .
وماذا قدم له وطنه ؟ خسارة وظيفة , خسارة إختراع ..!!
الأن حامد الصالح وبعد 13 عاماً من عمله والذي فصل منه , يعمل ( سائق ) ..
جرب كل شيء حتى وصل إلى الإنتحار ..!!

ما أبشع دمعات الرجل , والتي تلين أقسى الحجر , وقفت مذهولاً حينما رأيت الرجل يبكي بكاء الطفل , بكاءاً مراً من معاملته في وطنه , هكذا يتم رعاية العقول المنتجة ؟
أين أنتم يا رعاة حقوق الإنسان ؟ أين أنتم يا من تريدون لبلدنا التطور والتقدم ؟
لم نجد منكم إلا صمتاً مطبقاً تفسيراً لما يحدث من نبذ للمخترعين والمفكرين والعباقرة ..

( نسخة إلى موسوعة علماء ومخترعين العرب ما بعد القرن العشرين )

[سنفورة موت]

اهلن اخوي جمعة مباركه عليك بعد

يالله شنو هالاحساس من جد انا اذا كتبت حاجه تافهه وانا بنت ومااحد علق عليها ولا شكرني انهار عاد هو رجال ويبلغ السنين ومو شخص يرفضه دولة لاويصير المخترع اللي اصبح الثاني عالميا سائق وين القلوب وين لا ويبغونا نطور حشى يالربع مافي تطور
اللهم اعنا على شكرك وحشن عبادتك
مشكور ياخوي ربي يسعدك....

[بيو كيميائية ^_^]

وعليكمـ السلامـ

مرة يحزن لو كـان مغنـي أو ممثل دعمـوهـ وصرفوا عليه الملايين

بس ليش يفصلونه ويقطعون رزقه ؟؟!!!

السمستر اللي فات دكتورتنا قالت لنا زميلتها إكتشفت علاج نهائيًا للسرطان وجاءت هنـا رفضـوهـا ورجعت بريطانيا

الحين هناكـ مبسوطين عندهمـ العلاج وهنا المرضى يتعذبون وفوق كذا هناكـ مايبون يعطونا العلاج عشان لا تخسر شركات الأدوية

يعني لو آخذوهـا وش بيضرهمـ

شيء يقهر

أيضًا المشكلة هنا إذا أنت عملت شيء وتبيهمـ يدعموكـ لازمـ يشاركونكـ في اللي عملته

فعشان كذا الناس تروح برا

[فيصل]

المشاركة الأصلية كتبت بواسطة سنفورة موت اهلن اخوي جمعة مباركه عليك بعد يالله شنو هالاحساس من جد انا اذا كتبت حاجه تافهه وانا بنت ومااحد علق عليها ولا شكرني انهار عاد هو رجال ويبلغ السنين ومو شخص يرفضه دولة لاويصير المخترع اللي اصبح الثاني عالميا سائق وين القلوب وين لا ويبغونا نطور حشى يالربع مافي تطور اللهم اعنا على شكرك وحشن عبادتك مشكور ياخوي ربي يسعدك....

أهلين أختي ,, نحتاج إلى تغيير جذري في الإدارة , لكن كيف يحصل ذلك ؟

شكراً لك على مرورك أختي :)


والمعذرة الفيديو طويل شوي لكن من الدقيقتين الأولى تحمسك للمتابعة إلى أخرها ..

تحياتي لكم ..

[فيصل]

المشاركة الأصلية كتبت بواسطة بيو كيميائية ^_^ وعليكمـ السلامـ مرة يحزن لو كـان مغنـي أو ممثل دعمـوهـ وصرفوا عليه الملايين بس ليش يفصلونه ويقطعون رزقه ؟؟!!! السمستر اللي فات دكتورتنا قالت لنا زميلتها إكتشفت علاج نهائيًا للسرطان وجاءت هنـا رفضـوهـا ورجعت بريطانيا الحين هناكـ مبسوطين عندهمـ العلاج وهنا المرضى يتعذبون وفوق كذا هناكـ مايبون يعطونا العلاج عشان لا تخسر شركات الأدوية يعني لو آخذوهـا وش بيضرهمـ شيء يقهر أيضًا المشكلة هنا إذا أنت عملت شيء وتبيهمـ يدعموكـ لازمـ يشاركونكـ في اللي عملته فعشان كذا الناس تروح برا

صدقتي أختي ..
ينطبق عليهم تماماً المثل القائل ..
ألقاه في اليم وقال له = = = إياك إياك أن تبتل بالماء

شكراً لك على المشاركة ..
تحياتي لك

[سكون الورد k.a.u]

حسبي الله ونعم الوكيل

والله ان هالوضع يخليك تفقد الثقه بديرتك تماماً ،،

يعني اذا ماتبون تتبنون الفكرهـ !! وشوله تطردون الرجال من وظيفته !!! وش سالفة 600 ريال حسبي الله عليهم

هذا وقت 600 !!!

وبعدين انا حزني الرجال وربي اني بكيت لحاله ،، علشان كذا ياخوي لاتلومني اذا ردي عليك غير وافي ... مع انه مو طبعي بالردود بس عااااد انا حزنت عليه

لان طبعهم هناااا .. مايتبنون اختراعك الا اذا قط هو فيه .. طبعاً يطلع باسمه ولا باسم شركته وانت لك مبلغ من المال مع عقد احتكار بعد ...

هالشي هو اللي خلى كل المبدعين السعوديين يطلعون برااااا ،، بس انا اذا بعتب فهو على هذا المخترع !!

المثل يقول : قيس قبل الغطيس ... يعني شف البيئه اللي تبي تطلع لها اختراعك اول ثم بعدين قدمه ... المفروض سأل واستفسر ولانه اكيد ماراح يلقى صدى لاختراعه .. المفروض ماعرضه عليهم من الاول ..

وسافر للدول المتقدمه وترك الدول المتأخرهـ اللي بغيبوبه مدري لمتى !!!!

القيامه تبي تقوم وللحين ماتفتحت عقولهم !!!!

شاكره لك موضوعك اللي كشف الغشاء عن عيوني بزواياااا كنت اجهلهاااا

دمتم بود

[دارس1431]

وعليكم السلام ورحمة الله وبركاته

مساء النور ياخوي فيصل وجمعه مباركه علينا وعليك يارب

مقطع مؤلم
ياكثر مانسمع عن مخترعين لكن ماشفنا اختراعاتهم الا في المعارض !!
للاسف الدعم كلامي فقط
والشي الثاني والللي يقهر مثل ماقال المخترع حامد الصالح ان فيه اختراعات تسرق من المعارض وتروح بأسامي اشخاص ودول ثانية دول تقدر المبدعين وتحتويهم وتدعمهم بالمال والعتاد ولا تطلب منهم 600 ريال علشان اختراع يسجل بأسم الوطن وياليت يفعل الاختراع بل يضاف الى ملفات المخترعين السعوديين المغلقه بالشمع الاحمر
...
المذيع يسأل المخترع يقول ليش مادفعت 600 ريال !!!
سبحان الله هالمذيع مادرى ان فيه ناس مايملكون 600 ريال وهم منا وفينا وابناء هالتراب اللي عايشين فيه
حسيت ان لسان حال اخونا الصالح يقول ومن وين اجيب 600 يابو حيمد !!

شكرا اخي فيصل


تحيتي

[JuStice]

.

وعليكم السلام ورحمة الله وبركاته ,

مسوي وطني الأخ لما رفض العروض الأجنبية عشان بلده .. خلي السعودية تنفعك .

المشكلة إنه مو صغير والمفروض عارف كيف وضع البلد هنا وإنهم ما يهتموا بالاختراعات ولا بالمخترعين .

الله يعوض عليه .

.

[فيصل]

المشاركة الأصلية كتبت بواسطة justice . وعليكم السلام ورحمة الله وبركاته , مسوي وطني الأخ لما رفض العروض الأجنبية عشان بلده .. خلي السعودية تنفعك . المشكلة إنه مو صغير والمفروض عارف كيف وضع البلد هنا وإنهم ما يهتموا بالاختراعات ولا بالمخترعين . الله يعوض عليه . .

أخي جستس ..
كذا نجازي الرجال على وطنيته ؟؟



مشكورين على المرور جميعاً ..
تحياتي لكم

[رنيم سليمان]

أغلقتُ المقطع منذ بداية تهدج صوتِه وبكائه

ولم تقف دَموعي تأثرًا



سُبحان من رزق المُقَدِم قَوة كـهَذه !





بقلبِ حامدِ وَجعْ عَميق لايُدركه سوى فاطِره

أنعمَك الله بالجَنة ووقاكِ بلاء النار
أنعمَك الله بالجَنة ووقاكِ بلاء النار


.