أفضل قســـم في كلية العلوم..الكيمياء الحيوية ...فقط

[نضال]

بصراحة شغلة العمل في المختبرات انا اشوف انها غير مناسبة لطلاب و طالبات الكيمياء الحيوية

لان الواحد فينا بيدرس المسارات الايضية و بيدرس الانزيمات و بياخد فكرة شاملة عن اكسدة الجسم و سوائل الجسم دا بالاضافة الى المعلومات الغزيرة عن الخلايا السرطانيه و الكيمياء النباتيه .... الخ

اخرتها نشتغل على جهاز؟؟؟؟؟؟؟؟؟؟؟

وظيفتك الوحيدة بتكون دخل العينة

ادخل بياناتها

سجل النتايج


اعتقد ان دا ظلم للي درسناه و للي تعبنا عليه طول 4 سنين

اعتقد انه ظلم اننا نتساوى مع حملة الدبلوم اللي ما يعرفوا راسهم من رجولهم مقارنه باللي احنا بندرسه و نتعلمه

[الوحيد]

يا اخي اشبك زعلا ن شد حيلك ونشوفك ان شاء الله دكتور نضال 0000000000000على الاقل بتلاقي وظيفة اما المساكين اللي توهم اخذين شهادة التخرج من الجامعة وين بيروحو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نضال]

بس شوية اتحمست

مشكور يالوحيد :)

[^^alloosh^^]

كيفكم شباب ..أخباركم ايه....حبيت أنوه لأمرين ..الأول : بالنسبة للي بيفكر في الوظيفة بعد التخرج بهذا المجال في أما كن كتتيير بيقدر أي طالب ..((حاصل على معدل مرتفع))اكمال دراسته في كلية الطب بالحرس الوطني وكمااان في الكلية الامنية وكما نوه الاخوان هاني وحمادة ونضال وغيرهم للمجالات الاخرى .............الامر الاخر ..أظننا تجاوزنا مرحلة التعريف بالقسم واللي مش عاجبه التخصصصص يحول من القسم او من الكلية وندعيله بالتوفيق ..أتمنى من المشاركين والمشرفين إفادة طلاب القسم بما لديهم من أبحاث وغيرها......ولنبدأمن اليوم ...من أول مادة كم boochem211 ولكم خالص تحياتي ..............

[الوحيد]

انا يا شباب القسم مطلوب مني في مادة bioc211عند الدكتور ابو خطوة بحث عن 20عالم ارسو قواعد الكيمياء الحيوية مع نبذه عنهم 0وانا رحت المكتبة المركزية يوم الاربعاء الماضي وقعت فيها الى بعد الظهر لين عيوني ورمت وما لقيت الا كم عالم 0فاللي عنده علم لا يكتمه ويدلني على مواقع 0000000ولكم جزيل الشكر

[dr-hanizb]

في موقع www.biochemistry4all.com

ان شاء الله تلاقى الموضوع

[الوحيد]

يااااااااااااااااااا مستر حمادة انتى متخرج من القسم فهل من الممكن انت تفيدني انا ابغى اعرف ما هي المواد المؤكسدة والمواد المضادة للاكسدة مع امثلة 0 انا ابغاه يوم السبت يعني يبغالي اكتبه بكرة وشاكر حسن تعاونكم معنا0
شاااااااااااااااااااااااااااااااااااااااااو بالفرنسية يعني مع السلامة0

[miss_scorpio]

السلام عليكم
بصراحه ان اتخصصت كيمياحيوي
بس والله يقولولي مره صعب
لان وظايفه زي وظايف التقنيه الطبيه
واكيد لمن اجي اقدم على وظيفه حيقبلو التقنيه

[الدافوره]

طيب انا قسم اقتصاد منزلي وابغى ادخل غذاء وتغذيه وعرفت انو لمن اتخرج اصير اخصائيه تغذيه طيب ايش الفرق وندرس نفس المواد كيمياءحيويه واحياء وتغذيه مرضى واسس تغذيه

[نضال]

نصيحتي لكي استمري في ادارة و اقتصاد

[noga4islam]

نضال .. هي أصلا اقتصاد منزلي .. كيف تستمر اقتصاد وإدارة .. اللي ماخذ عقلك !!!!

الدافورة شوفي ..

انت صح بتدرسي مواد شبيهة بموادهم لكن صدقيني أكيد مو مثلها تختلف كثييير .. مو نفس المنهج ولا نفس الكميات ..
مثلا نحنا كلية العلوم ناخذ كيمياء وانتم تاخذوا كيمياء بس طبعا مو نفس المنهج !!!

الله يوفقك وين ماتكوني ..

[نضال]

والله مو ماخد عقلي غير اختبار الرياضيات اللي حختبره اليوم الساعه 9 و نص ليل

مممممممممممم

القول ما قالت نوقا

في تخصص التغذية ما راح تتورطي في حاجات اسمها ايض و اكسدة و سوائل جسم و ايض عقاقير و سموم

اضافة الى انه وقت التخرج راح تتخرجي بمسمى اخصائية تغذية

اما لو شرفتي عندنا يبغالك على الاقل ماسجتير ولا دبلوم تغذية عشان يسموكي اخصائية تغذية

يعني بختصار

مالك و مال الغلب؟؟؟

[caramella]

الله يعين

لووول مدري لي داخله يمكن بس عشاني كيمياحيويه

[dr-hanizb]

هلا يا اخت الدافورة ............ بالنسبة للاقتصاد النزلى هم اكثر تخصصا في التغذية من خريجي كيمياء حيوية .....
بالنسبة لفرق بين 2 هو ان خريخي كيمياء حيويه يدروسون النواحي الايضية بالتفصيل و و كيفية الحصول على الطاقة من الغذاء من الناحية الجزئية, مع بعض طرق التخطيط الوجبات,

اما خريجو قسم التغذية يدرسون اسس التغذية و التغذية للمرضى و تخطيط الوجبات الغذايئة بالتفصيل ..و ماذا يجب ان يأكل الشخص و حسب العمر و المرض و الجنس و حالات المرضية الناتجة عن سوء التغذية مع قليل من النواحي الايضية للتغذية

كما ان خريجى قسم الكيمياء الحيوية يستطيع الحصول على دبلوم التغذية بعد التخرج و يصبح اخصائي التغذية,,,,,,,,,,,

[dr-hanizb]

كيفيك يا كرميلا .........

كيف التدريب معكي ...........احد من زملائنا معكي في التدريب و ان شاء الله يكون متعاون معكي..............

[الوحيد]

السلام عليكم يا شباب انا والحمد لله خلصت الترم الصيفي اختبرت كيمياء حيوية الاثنين الماضي وباقيلي الوراثة يوم الاحد الجاي 0 ادعولي بالله انا ابغى اعرف كيف مادة الايض العام لانها احتمال تنزلي الترم الجاي وهل اخذ مادة كيمياء تحليلية ولا كيمياء 102
السلام عليكم.

[x_bioc]

سلااااااااااااااااااام يا كيماويين حيوييين


كيف حالكم إن شاء الله الجميع مبسوط



معليش عالدخلة الغلط دي بس من جد الموضوع خطير بس مو مرره بس هوا يهمني جدا جدا


الحكاية انا مسافر برا تقريبا فرق التوقيت عندي 7 ساعت عن جدة و الطيرات كلها فل ( حتى انتظار مافي )


و ما حصلت اوكي الا يوم الجمعة تاريخ 16\9\2005 يعني 12\8\1426 يعني بعد اسبوع من الدراسة



هاني \ احساس \ الطيف \ joe \ نظال \ كرميلا \ البقيه من طلاب القسم


ايش رايكم ادبرلي شركه طيران ثانية و ترانزيت عن طريق سيريلانكا او بنقلاديش ( اكيد طيرات العوده فاضيه ) هناك

والا اكنسل اول اسبوع ( احتمال كبير حانزل ماده عالاقل عند رئيس القسم )



هاني ايش رايك ؟



يا شباب بالله اي واحد يسوي فيا خير و يستفسرلي من دكاترة القسم عن الاسبوع الاول ، حيكون في دراسه

والا لا ؟



بصراحة انا طالب مجتهد و ما ابغى اي محاضرة تفوتني

[نضال]

اسمع

اول ترم معروف ما عندك احددددددد

ادععععععععععس ولا يهمك ...

الكرف و الشغل ما يبداء الا على الاسبوع التاني و في كل الاحوال انت معاك عذر

[الوحيد]

يا حبايب ابغى استفسر عن دكتور عبد الباسط في مادة ايض عام

[الجنرال]

السلام عليكم يا شباب ابغى استفسر عن اللي بيحضر برنامج الماجستير ايش هيا الشروط اللي يقبلوها من ناحية المعدل ومستوى الدرجات في المواد واهم شي اختبار التوفل



وشكرا