الشريف تنهار باكية وتطلب استجواب محرضاتها

[خالد9921]

هاذي نهاية الأفعال الإرتجالية وغير المسؤولة
مدري بأي منطق كانت تفكّر هاذي الإنسانة في إنها تتهور وتسوق .. !
لأنها لو ساقت مليون مره وولي الأمر رافض ما نهايتها الا هالنهاية ويمكن اسوأ ..
فـ كان الأولى إنهم يسوون لائحة مطالبة محترمة بكلام وحلول ممتازة وترفُع لولي الأمر
حتى يلاقوا أصلا إحترام الناس و أجهزة الدولة ..
بدل من هالإجتهادات السيئة اللي أشغلتنا وأشغلت الإعلام في أتفهه الأمور للاسف ..
وايضا كان من الأولى إنها تسجّل مقاطع لنصح الناس في أخلاقهم وإيمانهم وعلمهم
ولو لمدة عشر سنوات !
إذا كانت تعي فعلاً ايش المشاكل اللي تعوق قيادة المرأة والمخاطر .. !
بدل مقاطع التحدّي بشي بتسويه والمجتمع غير مهيأ له وبيجيب العيد فيه ..
لانها اصلا لو تعي وضع بلدنا وسياسة تطبيق الأنظمة
تحمّد ربها انهم ما خمّوها من بيتها لما طرحت المقطع وقبل ما تنزل تسوق .. !!!!
لكن للاسف عطوها على جوّها وحطّت نفسها بمشكلة كبيرة ..
من ناحية تبكي وتنهار ما استبعد ابدا
خصوصا ان ما تم ايقافها بقسم شرطة لان مافي توقيف فيها الا للرجال
الا تم توقيفها في مكان اسوأ وهو السجن العام ..
اذا الواحد بالقسم على مشكلة صغيره تجيه كآبه وهو بيطلع بنفس الليلة
لان بغرفة القسم بس ممكن يصادف ناس قتلة واهل مخدرات وبيئة سيئة تجيب لك إحباط
ما بالك بالسجن العام الا اغلب اهله قضاياهم من هالنوع ..
واظن مافي عنابر مقسّمه بسجن النساء بالقضايا المختلفة وكل السجينات في عنبر واحد
فأكيد وجودها في بيئة فيها مدمنات مخدرات ونساء لهن قضايا اخلاقية وجنائية
يجيب لها الاحباط ويبكيها كمان ...
غير الأكل بالسجون واقسام الشرط وربي بالمره بالمره ما ينأكل الله يعز النعمه بس :/
ما اقول الا الله يهديها ولا يبتلينا
واذا انها مخلصة في دينها وقضيتها عليها الكشف عن اي شخصيات حرضّت ووقعتها هالوقعة الشينة

شكراً لك