هل فيه ترم صيفي للبنات

[Galaxy]

انا مره مظغوطه ومزحومه موادي زحمه وغلطتي في مستوى رابع وخامس اخذت مواد قليله ماكنت افهم بنظام الجامعه وأكلتهااااا

طيب سؤال فيه صيفي والا لا؟

طيب اذا فيه كم ماده اقدر انزل ؟؟وعادي لو انزل مادتين حره؟؟

ومتى يبدأ التسجيل للصيفي ومتى الامتحانات تكون؟؟





سؤال برى الخط بس مهم جداااا ؟ابي اجابه؟


عادي مجموع الساعات فالترم الواحد يكون 21؟؟؟؟يعني عادي انزل 7 مواد بالترم العادي ما اقصد الصيفي
ابي اتخرج قريب وافتك

[اخر آمالي]

لا ماتقدرين اكثر من 6 مواد
..الترم الصيفي احتمال كبير يكون فيه للطالبات السنه هذي
لكن ماتقدرين تاخذين اكثر من 3 مواد
اتوقع يبدا 01/08/1432
وينتهي بـ 24/09/1432
بالتوفيق

[Galaxy]

تسلمين عالرد بس مالهم داعي ليه 3 مواد بس
وحده من صديقاتي تقول تقدرين تاخذين 21 ساعه ؟؟وانتي الحين تقولين لا

معقوله ما اقدر :(

قهر ابي احشرهم سوا واخلص ....

ارفعو الموضوع بليز

[abo-yazad]

المشاركة الأصلية كتبت بواسطة galaxy وحده من صديقاتي تقول تقدرين تاخذين 21 ساعه ؟؟وانتي الحين تقولين لا

هو فيه أساساً صيفي للطالبات عشأن تأخذين 21 ساعه زي ما قالت لكـ صاحبتكـ

أنا متأكد الغلط منكـ مو من صاحبتكـ

صاحبتكـ تقصد الترم العادي اللي مو صيفي وللطلبه المتخرجين أنهم يقدرون ينزلون 21 ساعه...موفقه

[^^memo^^]

جالكسي العتب عليكي ياعسل

ترى حتى انا فهمتك غلط احسب تقصدين في الترم الواحد ماوضحتي كلامك !!

وكنت برد عليكي اقول لك انو مستحييل يقبلوا بذي الساعات

ياشيخه حتى لو 3 مواد كثر الله خيرهم خليهم يفتحوا الصيفي بسلامتهم اول

:)

[abo-yazad]

المشاركة الأصلية كتبت بواسطة galaxy اخوي نواف كالعاده دايم تعصب علي وتحسسني اني غبيه لين متى !! انا اقصد الترمين الجايه مو الصيفي اقدر اخذ فيها 21 ساعه هذا اللي اقصده ابي صيفي اخذ فيه 3 مواد والترمين التخرج اخذ فيها 7مواد ماني غبيه لهالدرجه ترى الله يسامحك بس ردودك دايم تقهرني وتكدر علي

الله يسامحك بس حنا ما أجتمعنا هنا لجل نكدر خواطر بعض او نحقر بعض(وش رائكـ ما عاد أتدخل بمواضيعكـ أبد..؟) لجل ما يكون بالخاطر شئ...؟

ألحين أنتي حسب ردكـ هذا قررتي تنزلين 3 مواد بالصيفي والصيفي لحد الآن ما ثبت فيه للطالبات صيفي او لا...؟

وبعدين تنزيل الساعات بالترم على حسب المعدل ترى...

كم ساعه خلصتي قبل الاختبارات القريبه هذه...؟

وكم ساعه منزله بالترم هذا...؟

وكم معدلكـ...؟

كذا بنقدر نفيدكـ أكثر :)

[abo-yazad]

شكراً لمداخلتكـ الرائعه ميمو :)

[Galaxy]

انا ماقصدي شي اخوي نواف
بس لاحظ ردودك معي دايم تحسسني بالغباء :(
مدري يمكن هذي شخصيتك بس ماني متعوده على كذا
ماعلينا
احنا اخوان وخوات ونزعل ونرضى عادي مايغير شي بيننا

اخوي نواف انا خلصت 67 ساعه ونفسي الترمين الجايه تكون تخرج
وش السوااااة

بعدين انا فتحت الموضوع لاني قريت هنا بالمنتدى انه ممكن يكون فيه صيفي وفرحت

[abo-yazad]

طيب مو مشكله حصل خير...

بس خلصتي 67

طيب ساعدينا وقولي كم منزله هالترم من ساعات وكم يسمح لكـ معدلكـ بتنزيل ساعات....؟

[هميان]

سوال مهم الاقسام التربوية علم النفس او علم الجتماع ايهم تربوي تكفون ردو اكيد