امور مهمة في المواريث والوصايا

[غيم تايه]

المشاركة الأصلية كتبت بواسطة ام فهد123123 مشاءالله عليك الله ينفعك بذا العلم يارب .. انا مع الدكتور محمد زين يمكن احنا البنات يكون تفكيرنا مشتت اكثر خاصه لو مرينا بفترات حمل او تربيه وقت اختباراتنا

يمكن كلامك سليم ،، على العموم يا اختي طالما انتي متعقده منها لازم انك تشوفين المحذوف من المادة : بعدها عندك الفصل الاول والثاني مهمة جدا ولازم تحفظيه خصوصا الحقوق المتعلقة بالتركة ، والاركان والشروط ،،، الفصل الثالث هنا يبدا معرفة الوارثون وفي للجد اقوال كيفية توريثه مع الاخوة لا تعبي نفسك فيها مره ،، واللي عليك انك تعرفي الوارثون بالتعصيب وشلون والوارثون بالفرض ... مثلا الاب يرث بالفرض والتعصيب لما يكون ابنه المتوفي تارك خلفه بنت ..
مسألة الاخ المبارك والمشؤم ،، اذا هي محددة معكم والعمرية هذه مهمة في الاختبار ..
الفصل السادس الحجب سهل ركزي على التعريفات واعرفي الازدحامات .
* الفصل السابع الحساب وانواع الفروض والانكسار وطرق تصحيحه انا ارفقت لك ملف .. كنت شرحت لاحد الزملاء المادة بطريقة عامية سهلة ... حاولي تتطلعين عليه ... فيها شرح اتمنى يساعدك .
* الفصل الثامن التركات والتاسع الرد والعاشر المناسخه وميراث الحمل وحتى الفصل الرابع عشر الغرق والهدم .. ركزي على اللي قالوه في الدورة التأهيلية واتركي اللي حذفه .
* فصل ذو الرحم ركزي عليه فيه اسئله مهمه .. منها ان الاخ لام والاخت لام متساويين في الميراث مافيها للذكر مثل حظ الانثيين ،، ايضا القسم الاخير اللي من كتاب الروض المربع .. سهل ويحفظ لانه مضمون منه كذا فقرة .. بكذا ما تتعقدين لما تدخلين الاختبار وانتي في راسك فوق درجة النجاح .
* المسائل ركزي على النتائج بمعنى ماراح يقولون اكتبي لنا مسالة بكذا وكذا والرد والمناسخه لا هو راح يعطيك مجموعة من الخيارات احدهم الخيار الصحيح ..
* التعاريف لا تضيعينها من بين ايديك ... قرائت الايات راح يفهمك كثير في كيفية الميراث ولما تجي المسالة هلك هالك عن بنت وام ،، الايات توفر عليه انه للبنت النصف والام السدس وهكذا ..
* سؤالي : كيف طريقة الاسئله اللي اعرفه انه صح وخطا واختيار من متعدد.. عندك خلفيه عنها ..
* بالنسبة للتعاريف اللي في المادة راح احاول اجمعها لك وانزلها لك هنا ..
* فيه اسئله موجوده في قسم الملخصات والاسئله منزلها انا واحد الزملاء اطلعي عليها ضروري.
* نشد الحيل ونقعد على الكتاب لو ساعتين في اليوم نذاكر باهتمام تشوفينها سهلة ان شاء الله .. والله يا اختي شرحتها لبعض الزملاء الفصل السابق وعدوها بكل ارتياح ... اهم شيء انك ما تحسي بالتعقيد .. كل تعريف او كلمة تحفظيها راح تكون قريبة من درجة مضمونه ..
اسف طولت عليك .. متواصلين في اي استفسار .. بالتوفيق ان شاء الله ..