استفسار عن مذاكرة مادة الانجليزي؟(عنوان مبهم تم تعديله)

[الكاسر123]

مساء الخير للجميع انا على باب الاختبارات والى الحين مافتحت الانجليزي ياترى هل ابحث عن مدرس ولا المذكرة وللعلم هي اول مرة اختبر وادخل الجامعه تكفون ابي فزعتكم
وكمان التفكير

[tawfeeQ ^e]

الله يوفقك وعقبال ما تتخرج ....
بالنسبة للمدرس انا ما ادري عن معلوماتك في الانجليزي تحتاج مدرس ولا ما تحتاج ولكن اللي بقولك علية سوي اي شي على شان تنجح وتجيب تقدير حلو , والتفكير ترى سهل وحاول تقراء بفهم ...

ولكن اخوي نصيحة مني ومجربها في الفصل الاول مر على نماذج الاختبارات للترم اللي راح واللي قبلة ترى تنفعك كثير وتعلمك كيف طريقة الاسئلة واحتمال يجي اسئلة مقارب لها .. والله يوفقك

[d7my2009]

عساك على القووة اخوي

حاول تلحق على الايام اللي بقيت لك

مادتين يبي لها جهد وكان المفروض بديت فيها من بدري



عموما

ان شاء الله ميسرة

[الهندواني]

حاول تلحق وتأخذ مدرس يعلمك الرامر وطرق حل الاسئلة

والباقي وكل الله فيه

[شبيكان]

انا دجيت ياشباب بالانجليزي وما طلعت من 101 وانا اعرف النااااااس !!! ثلاث مرات ارسب فيه والرابعه طلعت بالدز على قولتهم ... واما 102 نزلته الترم اللي راح ورسبت فيه للأسف وما ادري وش الحل معاااااه سبب لي نفسيه الله يستر ويكون بالعون رجيتك يااااارب تفكني من شر هالانقليزي لا يطوون قيدي بسببه

[شبيكان]

اخواني الجدد ما اقولكم كذا عشان احبطكم والا اسبب لاحد عقده لاكن انا مالله معطيني من الانقليزي ما اعرف شي بالمره هذا مستواي فيه
الشكوى لله بس

[برج عفيف]

لاتخاف ، سهله ، بس تبي شوية تركيز ، شد حيلك ، واذا تشوف نفسك محتاج لـ تقويه ، اخذ لك مدرس ، يشرح لك ، الله يوفقك اخوووووووووي