الطب والتوفل وامال تنهار تدريجيا

[nado0osh]

السلام عليكم
صباح الخير على جميع الأعضاء
كيفكم
حبيت انقل لكم خبر ينافي ماقاله الأخ hamody
احنا ايام الإختبارات كانو مسويين اسبوع يعرضو فيه كل كلية ايش متطلباتها وجاتنا وحدة من كلية الطب وشغلت لنا عرض عن متطلبات الكلية وكان فيه انهم يطلبو التوفل
بعدين وحدة من صاحباتي اخذت ايميل عميد الجامعة (اسامة الطيب) تلاقوه في موقع الجامعة وسألته اذا كان فيه توفل ولا لأ لأنو بصراحة الحريم دايما يجيبو كلام من عقلهم
كان رد العميد انو مافي توفل والعرض اللي شغلتو لنا هديك الحرمة كان قديم يعني حق السنوات اللي راحت وقال لصاحباتي عشان تتاكدي بنفسك خدي ايميل عميدة كلية الطب واسمها (دعد) بس مادري ايش لقبها بالضبط وفعلا كلمتها على المسن وقالت لها السنة هادي عشان عندكم مستوى الإإنجليزي مكثف عشان كدا عفينا عنكم التوفل وصدقوني دا الكلام صح لأني انا زيكم طموحي طب وسمعت انو في توفل بس الحمد لله طلع الخبر غلط
اعتذرلأني طولت عليكم ................... بس حيت اقولكم لاتنكدو على نفسكم والله يكتبلنا اللي فيه الخير