بنات خطة ألف تعالو نعترض على الجدول

[dody alhrbi]

نخلي يوم الخميس رياضيات يوم الاحد حاسب يوم الثلاثاء فيزياء يوم الاربعاء اتصال
لاااااااااازم نعترض مصخوها

[الصمت الحكيم]

ممكن يابنات تحطون رابط للموقع الي من خلاله اقدر ارسل شكوى على الجدول للعماده

[Miss Rora]

انا من الشرفيه ودكتورتي مثلك يا دلوعه فتحيه ...مو بس راح اكلم فتحيه ..بإذن الله راح اكلم كل دكاتره الفيزياء الي اعرفهم ..>>تعرفين ذيك الغرفه الي فيها دكاتره الفيزياء بالدور الثاني .. بـ مبنى 3 هوونيييك كل الدكاترهـ ...

وليش متشائمين ..؟؟ لازم نحاااااول ..وبعدين ..لو بـ تقولون شيء زي عادي نفس الخطه الي فاتت كانت جداولهم كذا ...

لكن معليييش هم كانوا بس بالدوريات لكن حنا ...بالفاااااااينل تعرفون وش معنى فاااينل وتعرفون ايش معنى فيزياااااء ..وكيف مستوى الأسئله هذااا الترررم ..على عكس الترم الي فات ..!!

ومشكووره دلوعه على المبادره الحلووهـ ...والقويه

واختم كلامي ..
بـ لا حول ولا قوة الا بالله ...

اللهم اخلفنا في مصيبتنا وأجرنا بخير منها...

[فراولة حمراء]

حسبي الله و نعم الوكيل

[!..RahoOofa..!]

طيب دحين لازم مجموعه تروح قسم الاتصال .. دا احس الحل الانسب .. اتفقو على وقت وزمن ..
صعبة كل كتاب الفيزيا نزاكرو في يوم واحد بس حتتى ان ختمناه قبل الحاسب والرياضيات حيكون نسينا اشياء كتير وماحنلحق نراجع بس يوم !!
يخلوه الربوع اذا ماعندهم اماكن نختبر فيها يدبرولنا كلية برا زي الدوري الاول ..

[lolo f]

بنـــــآآآت خلالاص كفاية ظلم
من جد انا مرة كنت حابة انو احد يتكلم معايا ويعترض بس مني لاقية بنات
مو كل مرة نرضى بالامر الواقع واحنا اللي نروح فيها
اذا كانو بيحطو وقت الاختبار على حسب القاعات اللي فاضية فهذا مو شغلنا
يتصرفو يلاقولهم حل بس مايضغطونا في ثلاثة ايام زي كدا

الفيزيا والاتصال كل مادة ازفت من الثانية
والفيزيا لازم له على الاقل يوم كامل قبله


تكفوووووون بنات السليمانية بنات الشرفيه خلينا نتكلم نحااااااول ع الاقل
وربي معانا .. انا حآآخذ صحباتي كلهم واروح اتكلم مع الاستاذة نفسها
ومع رئيسة القسم ونشوف ايش يقولو

الكل يحاول الله يخليكم مو كل مرة يضغطونا ونسكت وبنات الخطة الثانية مبسوطيم ماشاء الله!

حررام والله حسبي الله ونعم الوكيل

[lolo f]

على فكرا بنات احنا مانقدر نعترض على الجدول كله بس ع الاقل يكون زي الاول

كل شي زي ماهوا بس الاتصال المتخلف يروح يوم الربوع او العكس الفيزيا يروح يوم الربوع

خلي الحاسب والرياضيات زي ماهوا مو مشكلة اهم شي هدي المادتين ماتكون ورا بعض

=(

[طيوف المملكة]

الله يسعدكم ويوفقكم هذا مستقبل مو لعب لازم لازم لازم حل للجدول
والله مو معقول اخلص من الماث وادخل في الاتصال على طول وبعد ما اجي من اختبار الاتصال على طول اذاكر الفيزكس ...
لازم نعترض ونحاااااااااول قد ما نقدر قد ما نقدر

[دلــوعـة أمـهـا]

اهلين يابنات مشكورين على التفاعل والتعاون بشكل هذا,,
قال رسول الله صلى الله عليه وسلم ( المسلم للمسلم كالبنيان يشد بعضه بعضا) ..
راح أحط جدول إلي معترض عليه إقول أوكي ونتفق عشان لمن ترسل لإيمل إكون واضح إيش نبغى ,,
الخميس..حاسب
الاحد,,رياضيات
الاثنين,,مهارات الاتصال
الاربعاء,,فيزياء
وأنا اليوم صراحة ماقدرت أكلم الأستاذات حق الاتصال والفيزياء لانو ماكان عندي بكرة إن شاء الله ,,
وجزاكم الله خير وربي إساعدنا *-^

[Optimistic Sona]

.
.

احنا كلمنا دكتورة الفيزيا
قالت كلموا منسقة المادة ممكن هيا تكلم المسؤولين في عمادة القبول
قلنالها لو كلمناهم تتوقعوا يغيروا شي
قالت ممكن ليش لأ .. أدتني أمـل صراحـة =)

أساسا مرة انقهرت لما عرفت منها انو عمادة القبول هي اللي تحط
الجدول وحتى منسقات المادة مالهم يد فيه !!