سعوديات يحددن 17 يونيو موعداً لتحدي قانون منع القياده والشباب السعودي العقال موجود!

[never hide]

المشاركة الأصلية كتبت بواسطة candy لا بصراحه لازم يشوفون لنا حل بالسواقه تكون ضمن ضوابط زي الحين انا اخواني متزوجين والوالد نظره تعبان بالليل ووالله لااخذ المفتاح واسوق بداله << بس الحياء يمنعني و اهلي معلميني السواقه عشان اذا سار شيئ لا سمح الله اسوق و ع فكره انا اسوق اذا سافرنا واذا وصلنا نقطه تفتيش اوقف و نتبدل انا والوالد و بعدين صح كلام اختي حلاها ترى فيه بنات بحاجه انهم يخدمون انفسهم بدال المرمطه بين التكاسي وربي اعلم بالي يسسير ربي يستر على كل مسلم ومسلمه يمكن بنات عندهم هذي النعم بس بنات يقطعون قلبي لمن يخرجو من الجامعه يدورون لهم تاكسي الله يعطيك العافيه اخوي ع موضوعك الي بجد محتاج له اعاده نظر تحيتي

و الله منتي لوحدك يا اختي

منجد ما يحس بالمعاناه الا اللي ذاقها

و اللي قاعدين معترضين

اللي ايده في الموية مو زي اللي ايده في النار

[نص دافوره]

الحمدلله والشكر
اهل العقول في راحه

[صَخَب الْأَبْجَدِيِّة]

لاحول ولاقوة إلا بالله
بالنسبة لي ماأبي أدخل بمهاترات مامنها فائدة أبد خصوصاَ أن الموضوع أخذ حقه بالنقاش وأزود
لكن رضينا أم أبينا اليوم الي بتسوق فيه المرأة السعودية ات لامحال أن لم يكن قريب فهو أت ولو بعد حين
وشكرا على الخبر

[الوردة الموفية]

سواقه الحريم لها ضرر ولها نفع

انا اشوف انه ضرر الحرمه تركب مع التكسي او سواق اكبر

يعني شفتوا مشاكل السواقين والباصات كثرت ..

وبعدين وش سالفه عقال .. كل واحد عليه بأهله .. هزلت

انا لو سمحوا بالسواقه ما اتوقع اني بسوق

بس الواحد لازم يقدر الناس المحتاجه الي ما عندهم رجال بالبيت ..

وكل شي صعب في بدااايته بس بعين يسير عادي

زي شوفوا الرسيفرات والدشوش

اول ما طلعت كان الي عندهـ رسيفر يعتبر صااايع

حتى ان الشيخ بن باز والعثيمين افتوا فتوهـ انه الي يموت وفي بيته دش راح ينحرم من الجنه

وشوفوا الحين مافي بين مافيه دش ..

[حلا الحلوه]

هههههههههههههههههههههههههههههههههه

مع احترامي الشديد

وحده فاضية وما عندها سالفة

[ALEMBRA6OR]

أشوف ان الوحدة فقط تتعلم السواقة مجرد تعلم الأساسيات وكيفية القيادة تحسباً للظروف الطارئة فقط .

[lovely one]

اش العقال موجود اش ال* دي
سؤال انت\ي تستامني نفسك او تستامن اهلك معا "رجال" سايب مرتو وعيالو وجاي هنا يشتغل ؟؟
و بعدين الي يقول البنات مستنيني الشي دا عشان يفلو يا اخي في ناس فالتها خلقه معا السواق و التكاسي و بعدين الي ما استحت من ربها و الناس الي حولينها حتستحي من السواق !! ونعم التربيه
وعلى فكره من شروط المشاركه في الحمله انو الوحده تكون محافظه على حجابها وعندها رخصه دوليه يعني مهم رايحين يهايطو قدام الناس
والي رافضه الفكره تماما محد غاصبها انها تسوق
والي رافض الفكره برضو خلي يقنع اخواتو و امو انهم ما يسوقو

[سكون الورد k.a.u]

المشاركة الأصلية كتبت بواسطة نواف القصيم حي الله سفيرتنا :) كانت قلتي لهم إيه متشددين وجهله بعد... أهم شي أنا مقتنعين بما نفعل وبما نقول... القياده في القصيم يمكن تكون ممارسه بشكل أكبر لكن بوسيله ذات أحجام أصغر...!!! شاكر لكـ موركـ [/center]

>> ياااي سفيرة احلى ديره ^_^" >> ثانكس نواف
الله يبقيك .. وياهلاااا بولد ديرتي ياهلااااا به
المشكله مدري وش لهم وش للقصيم واهله ؟؟!!!
دايم اشوف نظرة التخلف والعنجهيه والجهل والتسلط موجهه لاهل القصيم !!
انا اقووول يمكن علشان اغلب المطاوعه ورجال الدين ولله الحمد والشكر من عندناااا
علشان تسذا محدن يبينا ههههههههههههه الا من رحم ربي طبعاااا
ثانكس نواااف ... لاخلا ولاعدم

دمتم بود

المشاركة الأصلية كتبت بواسطة قوربتشوف وش يبون بسواقه هى خلقه الشوارع زحمه ليتهم يطلعون عشان يتكرفسون بالغرفه حتى ياخدون فكره لما تعصي النظام كيف يكون الجزاء افتكر دكتور كندى قال لطلاب ليش ماتتركون المراه تقود السياره فرد عليه طالب وقله كل امراه بسعوديه هى اميره الكل يخدمها وسال الدكتور هل عمرك شفت اميره تسوق السياره بنفسها مو دايم يكون الخدم من يسوق لها السياره تلعثم الدكتور من الرد

لو الوليد بن طلال سمع الطالب هذااا يمكن زعل منه !!!

لان سمو الامير يقول : ان قيادة المرأه للسياره مفيده .. وراح يتم تقليل عدد العماله بالسعوديه

المصدر : http://mmlkah.com/news/Local/1086-%D...A7%D8%B1%D8%A9


ثانكس قوربتشوف .. ويعطيك العافيه

دمتم بود[/CENTER]

[زمردة 2009]

وش قلة أدب هذه وش الألفاظ السوقيه هذه عقال ...!

والله قبل لايرفعه أطلع نعالي وأنتم بكرامه وعلى ظهره

الله يوفقهن حتى أنا مطلعه رخصه من الكويت ياليتني معهن أشوف واحد يوطوط قدامي وقتها

أنانيين راضين على المراه تركب مع غريب مايندرى عن ذمته

وهو الحرام بعينه وعلمه خلوووه ياهووو خلوه ولا يخلو إثنان إلا ثالثهم الشيطان

مايبون أحد يخاشرهم بالشوارع يبون البنت تنذل لهم وتطلبهم

لا حول ولا قوة إلا بالله العلي العظيم

كل الشكر والتقدير

إحترامي

[.,.نيــــــــــــــــــــران.,.]

بصراحة من جد يبغالهم عقال يخطط ظهورهم زين
حريم مفلوتين !!
كل وحدة تجلس في بيتها بالله وتكبر مخدتها هذا اللي باقي

المشاركة الأصلية كتبت بواسطة نواف القصيم لكن ثوره القياده هذه يا ترى وش بيجي من وراها...؟ بيرتفع سعر العقال مثلاً...؟! هههههههههههههههه حلووووة أجل أفكر أفتح لي محل عقال وخصم خاص لأعضاء منتدى سـكاو ولا بعد حريم متمردات...! [/center]

أقول نواف إيش فيه التمرد؟؟

المشاركة الأصلية كتبت بواسطة مشعل العجمي اتمنى الحريم يسوقون اليوم قبل بكره ويمنعون الرجال من السواقه اقلها تنظف الشوارع من بعض السواقين الحريم اخلاق حلوه وبرستيج عالي ثوره ثوره إلى الامام

والله أقنعتني

---

موضوع جميل يسلمو اخوي نواف