أشيروا علي , أفضل للمحاضر فرع شمال جدة(عسفان) أو جامعة أم القرى (المحتار)

[ذو المعالي]

المشاركة الأصلية كتبت بواسطة فجرالعيد* [color="blue"]من الناحية العلمية جامعة أم القرى افضل مكانة اما من الناحية الإدارية اتوقع جامعة الملك عبد العزيز لان بصراحة درست سنتين بجدة وسنتين بمكة لقيت مجمع العقد في التعامل الإداري عكس جدة حتى لمن كنت احتاج لتحكيم دراستي بالماجستير لقيت قمة الوصول بعكس جدة بخلاف بعض الدكاترة من مكة. اما من ناحية السكن جدة اكثر انفتاح ويعيش الواحد حاله حال نفسه اما بمكة الناس طيبين بس شوية صعبين بالتعامل يمكن تعكس عليهم الطبيعة الجبيلة المحيطة بيهم .واخيرا عليك الاستخارة

الله يجزاك كل خير يا أخت فجر العيد ما قصرتِ

المشاركة الأصلية كتبت بواسطة that me شوف انا بصراحه بقول لك على حسب اللي شفته يعني ممكن اكون خطأ وممكن صح واكيد الامر يعود للاستخاره اولا واخيرا بالنسبه للطلبه بما اني درست في كلية العلوم للبنات الفرع الاساسي ماشاء الله اش تعامل واحترام لا يعلى عليه فعلا كنا الاستاذه نحترمها ونقدرها وكأنها دكتورة الماده لانو اصلا اهل جده تعامل راااقي وناااس ذوووق وتحس فيهم حب العلم والحمد لله مناهج راااائعه ودكاتره يفتحوا النفس وامكانيات ومباني روعه من ناحية التعامل مع المحاضر ماعندي علم لانو كنت طالبه وما اعرف ايش اللي يصير بينهم بين بعض ترا بعكس باقي المدن في المملكه اللي الناس فيها عكس كذا بكل ماتعنيه الكللمه [كيف بعكس باقي المدن ما فهمت !] وعن مكه والله ماعندي اي معلومات لانو انا درست بجامعه الملك عبدالعزيز وبالنسبه للسكن اذا ماني غلطانه فيه في جده سكن لاعضاء هيئة التدريس بس ما ادري اكيد والا لا بس ترا عسفان تبعد عن جده بمسافه [نعم , علمت أن عسفان بشمال جدة وقريبة من المطار ] وفي النهايه استخير الله كثير واكيد ربي ح ييسر لك اللي فيه خير وممكن انك تستفسر وتستشير اكاديمين هنا بالمنتدى واكيد ح يجاوبوك من واقع هما عايشينوا [جزاك الله خيرا , وينهم الأكاديميين ؟ ] بالتوفيق ان شاء الله