وزير العمل : لانيه لرفع الحد الادنى للأجور ولا علاقه لنا بتوظيف السعوديين !!

[دارس1431]

صحف- ياسر الجلاجل، تصوير: فتحي كالي أكد وزير العمل المهندس عادل فقيه أن وزارته ليست معنية بتوظيف السعوديين بشكل مباشر في القطاع الخاص، وقال: "دورنا يتمثل في رسم السياسات والأدوات والحوافز وإيضاح المزايا وتوفيرها لشركات ومؤسسات القطاع الخاص التي تقوم بتوظيف السعوديين، وفي المقابل منع وحجب هذه المزايا عن المنشآت التي لا تقوم بواجبها تجاه السعودة" .
جاء ذلك خلال افتتاحه المؤتمر والمعرض التقني السادس بالرياض بمشاركة خبراء دوليين، وأبان أن الوزارة لازالت تتلقى الطلبات حتى اليوم للتسجيل في برنامج حافز، معلناً أن الوزارة ستطلق برنامجا جديدا لتحفيز توطين الوظائف بديلاً للبرامج السابقة التي تعنى بمفهوم السعودة، وذلك خلال مؤتمر صحفي بعد أسبوعين .
ويحرص هذا البرنامج على إيجاد مجموعة ومنظومة متكاملة من الحوافز للمؤسسات والشركات التي تعمل في القطاع الخاص، بهدف زيادة الموظفين السعوديين لديها، إضافة إلى أن البرنامج يحدد بوضوح وتفصيل العواقب التي ستتعرض لها الشركات والمؤسسات التي لا تتمكن من تحقيق أهداف هذا البرنامج .
وقال فقيه بأن مكافأة الباحثين عن العمل ستصرف للباحثين عن العمل بجدية، وفي حالة توفر فرص مناسبة لهم ولم يلتحقوا بها أو فرص تدريبية سيُوقف صرف المكافأة لهم, وكل تفاصيل هذا البرنامج يتم مراجعتها، وفور إقرارها سيتم رفعها للمقام السامي .
وأكد وزير العمل أن البرنامج الجديد سيوفر حافزا كبيرا للشركات لتقوم باستقطاب وتوظيف السعوديين، وقال: إذا توفر الطلب بطبيعة الحال سيرتفع الأجر، وسيتم رفع الرواتب بشكل معقول وتدريجي في ضوء تزايد الطلب على السعوديين ذوي المهارات العالية .
ونفى أن تكون لدى الوزارة نية لدارسة رفع الحد الأدنى للموظفين السعوديين في القطاع الخاص تماشياً مع الأمر الملكي بوضع حد أدنى للموظفين السعوديين في القطاع الحكومي بـ"3000" ريال، وقال إن الوزارة ليس لديها أية خطط بخصوص هذا الموضوع .
وأعلن أن الضوابط واللوائح التشريعية لشركات الاستقدام ستعلن عنها الوزراة في أقل من شهر، ليكون في ضوئها البدء في هذه الشركات, وقال إن الوزارة ليست مسؤولة عن التأشيرات التي تصدرها للأفراد المصرّين على استقدام العمالة من الدول التي تفرض شروطاً تعجيزية على عمل عمالاتها في المملكة، وأن المسؤولية تقع على الفرد بعد توضيح الأمر له .


المصدر
http://www.suhuf.com.sa/2011/20110424/rs29842.htm



شكرا وزير العمل
مجهوداتك مشكوره والى تقدم وازدهار يابلادي
نعمنا برغد العيش في بلاد النفط والخيرات وامنا ونمنا وتعطلنا (مفهوم الوزير وشاكلته )
مستخسرين حتى الـ3000 على المواطن !!
حتى الـ 6000 اليوم ماتسد رمق عجوز كيف بشاب عليه التزامات وبداية تأسيس اسرة
كل هذا غير مهم
المهم ان يكون معالية بصحه وعافية ^^
مادام هو بخير الشباب بخير والمواطن ^^
كلمة شكر
شكراً سيول جدة اظهرتي لنا وزير ينشد فيه الظهر ومايميزه ان حرمه المصون لها المشورة والرأي الكامل حتى التصريحات احياناً



تحيتي ^^

[صوت الفجر]

ماشاء الله ونعم من وزير !!!

اصلن المفروض بعد سيول جده يقشوه من الوزاره

للاسف وزير فاشل سابقآآآ وحاليــآآآ

مدري ليش متشبتين فيه !!!!

يعني لو نقول طًور جده بمشيها ونقول نجح في مجال وحابين يشوف نجاحه في مجال ثاني

بس للاسف كل يوم يثبت انه فااااشل وليس أهل للوزارهـ

ختـــامآآ ....

يا بلادي واصلي

شكــــرآآ دارس

.
.
.

[دارس1431]

المشاركة الأصلية كتبت بواسطة صوت الفجر ماشاء الله ونعم من وزير !!! اصلن المفروض بعد سيول جده يقشوه من الوزاره للاسف وزير فاشل سابقآآآ وحاليــآآآ مدري ليش متشبتين فيه !!!! يعني لو نقول طًور جده بمشيها ونقول نجح في مجال وحابين يشوف نجاحه في مجال ثاني بس للاسف كل يوم يثبت انه فااااشل وليس أهل للوزارهـ ختـــامآآ .... يا بلادي واصلي شكــــرآآ دارس . . .

هلا بختي صوت الفجر ^^
حياك الله وشرفني مرورك الكريم
وكلامك واقعي
على العموم وزير العمل قطرة في بحر وماخفي كان اعظم

مره اخرى الف شكر ياختي ^^
باقي 6 ايام على المفاجأة رجاءً عدلي العداد ^^

[صوت الفجر]

المشاركة الأصلية كتبت بواسطة دارس1431 باقي 6 ايام على المفاجأة رجاءً عدلي العداد ^^

تم التعديل

.
.
.

[الســــــــــاطع]

كلها كلمات وطار بها الهواء, وعوووود لا غير.... مثل صندوق ذوي الدخل المحدود الذي لم ير النور من ست سنوات

ويا بلادي واصلي والفقيه وراك واصلي وباقي الوزراء معاك واصلي والله يفكنا من الحرامية الكتيييييير , اله العالمين...

لك الشكررررر

[TURKI ALharbi]

لاسعوده نجحت ولابرنامجه بينجح هذا وجهى لو فلح برنامجه اصلا من يوم شفته صار وزير عرفت ان بقعا خربت
ماعنده ماعند جدتى قال الوزاره ماعندها خطط لرفع الرواتب اقسم بالله كل وزير عمل بسعوديه اخص من الى قبله
ودهم يقلصون الرواتب لين تصير 200 ريال شيء يقهر الاستقدام يخوف والاجانب افضل رواتب بشركات الخاصه والسعودي مركون على جنب اقل راتب واسوء وظيفه ولا كمان تروح تبحث عن وظيفه ماتلاقي وتروح مكتب العمل تشوف الناس مقدمه على 100 فيزا !!!!
قوه تناقضات
ليتهم يمسكونى الوزاره شهر لاخلى كل اجنبي يروح بلده اخليهم غصب يوظفون السعوديين


ياترى وش هالمفاجعه هع

[صوت الفجر]

المشاركة الأصلية كتبت بواسطة قوربتشوف ياترى وش هالمفاجعه هع

يوم الثلاثاء تعرف المفاجعه

[زمردة 2009]

اصلن المفروض بعد سيول جده يقشوه من الوزاره

والله يابعدي مو بهو بس يبيله قش

الطاقم الوزاري ككل وهلي يتبطحون بمجلس الشورى-مجلس السوالف والوناسه- بقرارات وتوصيات كذابه

هذا حنا وطول عمرها الوظيفه حتصير حلم مستحيل لكل خريج

بس كلش يمشي بفيتامين و ياجماعه

هالحين الواحد ليا قضى دراسه لا يدور على وظيفه يدور على واسطه قبل

بطانه فاسده والأفسد من هذا إنهم إلى هالحين ينهبون وينهبون ولايحولون للتحقيق ولاحتى يقالون

ناس عندنا يموتون من الفقر والحاجه ولا أحد درى عنهم بلاوي تصير عندنا اللهم ياكافي

مع العلم إننا نصدر النفط لجميع أنحاء العالم ..!

فعلاً والله حالنا يبكي بمراره

كل الشكر والتقدير

إحترامي

[tariq_101]

المشاركة الأصلية كتبت بواسطة زمردة 2009 والله يابعدي مو بهو بس يبيله قش الطاقم الوزاري ككل وهلي يتبطحون بمجلس الشورى-مجلس السوالف والوناسه- بقرارات وتوصيات كذابه هذا حنا وطول عمرها الوظيفه حتصير حلم مستحيل لكل خريج بس كلش يمشي بفيتامين و ياجماعه هالحين الواحد ليا قضى دراسه لا يدور على وظيفه يدور على واسطه قبل بطانه فاسده والأفسد من هذا إنهم إلى هالحين ينهبون وينهبون ولايحولون للتحقيق ولاحتى يقالون ناس عندنا يموتون من الفقر والحاجه ولا أحد درى عنهم بلاوي تصير عندنا اللهم ياكافي مع العلم إننا نصدر النفط لجميع أنحاء العالم ..! فعلاً والله حالنا يبكي بمراره كل الشكر والتقدير إحترامي

مجلس السوالف والوناسه في بيتكم ,,, علشان مالبستي جنز في الجامعه ولا ما سقتي سياره حاقده

إذا مو عاجبك دوري بلد ثاني تسكني فيه ... وإعلاميه بعد وتقول كلام مثل هذا ,,, الله يخلف على

المستقبل إذا في أجيال بتطلع مثل هالمستوى ...

نقول في أخطاء في الوزاره بس تتناقش بالأسلوب هذا . وش دخل مجلس الشورى. في الموضوع هذا المجلس فيه شيوخ أفضل أدرا مني وأحسم مني

منك ...

[masker]

المشاركة الأصلية كتبت بواسطة tariq_101 مجلس السوالف والوناسه في بيتكم ,,, علشان مالبستي جنز في الجامعه ولا ما سقتي سياره حاقده إذا مو عاجبك دوري بلد ثاني تسكني فيه ... وإعلاميه بعد وتقول كلام مثل هذا ,,, الله يخلف على المستقبل إذا في أجيال بتطلع مثل هالمستوى ... نقول في أخطاء في الوزاره بس تتناقش بالأسلوب هذا . وش دخل مجلس الشورى. في الموضوع هذا المجلس فيه شيوخ أفضل أدرا مني وأحسم مني منك ...

ياخي شفيك متشتت ومعصب ؟ اش دخل الجنز وسواقة السياره في الموضوع ؟
هي صادقه الفساد في كل مكان الوزراء واعضاء مجلس الشورى (المتبطحين)
ويحق لها تعبر عن رايها وتسعى لحقوقها والحمدلله طلعت اجيال تعرف حقوقها اما الرويبضه امثالك من قوم سم طال عمرك هم اللي يبيلهم ....

شوف فضيحة رئيس المجلس اللي تدافع عنه