هام: لكل المتقدمين للتدريب الصيفي للطلاب الجامعيين أرامكو

[lady tulip]

الف مبروك و الشكر الجزيل على جهدك معانا
حتى انا جاني القبول بس حابة اعرف و صف مكان مكتب التوظيف بجدة؟
و شكرا

[خالد9921]

الف مبروك خيو
وان شاءالله تستفيد من البرنامج .. عقبال الجميع (:

و صف مكان مكتب التوظيف بجدة؟

انا اتذكر اول ببرنامج زي كذا لما ارسلولي رسالة الموعد كتبو فيها العنوان مركز التدريب
ووقتها مركز التدريب حقهم اللي عالخط السريع وانتي نازله من كوبري بريمان اول دخله على يدك اليمين وسيداااا بس مدري اذا صار فيه للبنات او فيه قريب منو !!

عموما اذا مره ما عرفتي المكان او ضعتي
استفسري من الاداره العامه اللي بطريق المدينه قبل سوق المساعدية
ما راح يدخلوك المبنى بس اقرب سيكورتي لهم راح يقولك مركز تدريب البنات فين او على فين حيرسلوكم ارامكو بالضبط
عموما كويس تعرفي مبنى الاداره من بدري لانو راح تستلمي منو شيك المكافئه نهاية الدوره لو انها بمكافئه (:
وانصحك تسألي من الآن عشان لا يفوتك موعد البطاقه والتصوير دقيقين هم مره (:

بالتوفيق لكم جميعا

[th620]

المشاركة الأصلية كتبت بواسطة lady tulip الف مبروك و الشكر الجزيل على جهدك معانا حتى انا جاني القبول بس حابة اعرف و صف مكان مكتب التوظيف بجدة؟ و شكرا

الله يبارك فيكم وعقبالكم ان شاء الله

أختي ليدي توليب

مكان مكتب التوظيف أرامكو للبنات راح يكون في الادارة الرئيسية في المساعدية هناك تسلمي اوراقك وتخلصي اجراءاتك وتتصوري.. طبعا ما تروحي هناك حتى يعطونك موعد باليوم وبالساعة

وصف مكتب التوظيف للبنات في المساعدية: طريق المدينة النازل تتعدي كوبري التحلية وبعدها تدخلي خط الخدمة وتمشي على طول الين يجيك مبنى امارة جدة على يمينك وتدخلي من عنده يمين أرامكو على طول على يمينك ما تضيع

والشباب مكان مكتب التوظيف حقهم راح يكون في ارامكو الي بعد كوبري بريمان على اليمين برضوه ما تروحون هناك حتى يعطونك موعد باليوم وبالساعة

اي استفسار آخر أنا حاضر