تكفووون كم استفسار من اخوكم طالب تحضيري ارجوكم اتمنى التفاعل

[الاكاديمي الاول]

اولا حاب اشكر كل واحد اطلع على موضوعي وتفاعل معه ..
تانيا عندي كم استفسار بخصوص كليه الطب وحاب لو تكرمتوا تجاوبولي عليها..

اولا شي / النسبه الخاصه للمواد التخصصيه (كيمياء-احياء- فيزياء- انقلش)لازم كل مادة تكون فوق85 ولا المعدل تبعها ... كيف انحسبت لكم انتو زمان؟
تانيا/ كيفيه الدراسه هل تعتمد على الحفظ ام الفهم اكثر وهل لازم تكون لغتك الاتقليزيه مرة عاليه ام لايوجد هناك تركيز كبير على اللغه بالبدايه مع ملاحظه انو لغتي متوسطه ؟تنصحوني لازم اسافر الصيف ولا اكمل واكتسب هذي المهارة مع الوقت.

اخرشي/ هل لازم اكون فوق معدل معين ولا استبعد من الكليه يعني متلا لو نزلت عن 2.5 يدوني طي قيد مثلا؟ام لا اهم شي انك ما تشيل مواد.

وشكرا لكم على تعاونكم والله يعطيكم العافيه..
ومضه صغيرة ....انا الحمد لله نسبتي كويسه وحطيت بالرغبات اولا طب لكن احس اني قلقان ماادري ليش في شباب قالولي شعور طبيعي مع الوقت يروح صح الكلام ولا لا....
وشكرا لكم.....

[صدى الحرماان]

نفس التسألات اللي عندي
بليز يا اطباء المستقبل افيدونا
الله يوفقكم

up
up

[JuStice]

اولا شي / النسبه الخاصه للمواد التخصصيه (كيمياء-احياء- فيزياء- انقلش)لازم كل مادة تكون فوق85 ولا المعدل تبعها ... كيف انحسبت لكم انتو زمان؟

.

مرحبًا أخي الأكاديمي الأول .. إن شاء الله نشوفك بكلية الطب (:

بالنسبة لسؤالك الأول عن النسبة الخاصة فما عندي علم أكيد عنها .. لكن شد حيلك بكل المواد ولا تشيل هم .

تانيا/ كيفيه الدراسه هل تعتمد على الحفظ ام الفهم اكثر وهل لازم تكون لغتك الاتقليزيه مرة عاليه ام لايوجد هناك تركيز كبير على اللغه بالبدايه مع ملاحظه انو لغتي متوسطه ؟تنصحوني لازم اسافر الصيف ولا اكمل واكتسب هذي المهارة مع الوقت.

الفهم ثم الحفظ .. وتختلف حسب المواد ,

فيه مواد لازم تُفهم حتى تستمر معاك طول حياتك .. وفي المقابل فيه مواد حفظ بحت .

أما عن الإنجليزي فـ مهم إنك تستغل الوقت وتطور لغتك .. لأن هذا راح يأثر عليك في الدراسة وراح تبذل جهد مضاعف في حال كان مستوى لغتك متدني .

اخرشي/ هل لازم اكون فوق معدل معين ولا استبعد من الكليه يعني متلا لو نزلت عن 2.5 يدوني طي قيد مثلا؟ام لا اهم شي انك ما تشيل مواد.

حسب علمي فيه قانون في الجامعة ينص على إن الطالب إن نزل معدله عن 2 من 5 واستمر المعدل ناقص خلال 3 أترام

راح يعطى خلالها انذارات .. وبعدها يُفصل إذا ما رفع معدله .

ومضه صغيرة ....انا الحمد لله نسبتي كويسه وحطيت بالرغبات اولا طب لكن احس اني قلقان ماادري ليش في شباب قالولي شعور طبيعي مع الوقت يروح صح الكلام ولا لا....

جدًا طبيعي

لأن هذا وقت تحديد مجال .. واختيار تخصص راح تستمر فيه حياتك كلها بإذن الله ..

فطبيعي جدًا الواحد يكون عنده توتر وترقّب للنتائج المصيرية (:

.