من وين اشتري كتاب الفرنسي 2؟

[الملاك الأبيض]

مرحبا للجميع

شباب وصبايا بالنسبة لكتاب الفرنسي اغلب المكتبات تبيعه ناقص او مامعه كتاب التمارين
طبعا احنا هذا السيمستر عندنا 5 دروس ومعظم الكتب يجي فيها بس 3 دروس فاللي يبغى يشتري الكتاب كامل يروح مكتبة خوارزم اللي في الجامعة جنب مبنى 12 ويشتريه " طبعا هذا للبنات اما الاولاد فما اعرف "
او من مكتبة باخشوين وهي في شارع الستين مقابل محلات بن داوود وتعطيك الكتاب كامل بكتاب التمارين

وفي طريقة ثانية انو تدخلوا على الرابط اللي اعطتكم اياه نور العمر وفيه تحميل الكتاب كامل حملوا الكتاب من روابط ميديا فاير الثلاثة وبعدين سووا له استخراج ويطلع على شكل ملف ادوب ريدر وحددوا الدروس اللي هي من ص 74 الى ص 95 واللي هي الدرسين الرابع والخامس الناقصة من كتبنا وصوروها من اي مكتبة وكذا يكون الكتاب اكتمل عندكم .

اما اللي تسال عن كتاب التمارين هو الاستاذة حلت منه كم تمرين وبعدين الباقي حددت لنا التمارين اللي معنا واللي مو معنا بس على فكرة التمارين اللي في كتاب التمارين هي على نفس المنوال تبع التمارين اللي نلاقيها بعد الدروس

يعني الخلاصة اللي مايقدر يجيب كتاب اتمارين يتوكل على الله ويدرس التمارين اللي بعد الدروس والله يوفقنا جميعا .