تحويل من اداري لعلمي

[BrBr]

السلام عليكم

لو سمحتو انا طالبة تحضيري اداري
كنت علمي في الثانوي و خيروني مابين علمي واداري واخترت اداري مع انو ماكان عندي طموح لشي وحتى الحين مافي طموح
بس في الاداري حسيت مافي تخصص عجبني الا القانون والحمدلله ان شاءالله معدلي حيدخلني لو استمريت
بس من كم يوم حاسه اني ندمت اني مادخلت علمي
وسبب اني مادخلت لاني سمعت انو لازم اذاكر 24 ساعه ومره صعب

سؤالي
اقدر لو خلصت تحضيري اداري اعيد السنة اللي بعدها تحضيري علمي ؟
وبنفس القدرات والتحصيلي حقتي ولا اعيدها ؟
وهل يعادلولي المواد المشتركه ولا اعيدها كمان ؟

وشكرا

[sultanooh]

كل أسئلتك هذي

روحي لعمادة القبول والتسجيل واشرحي لهم وضعك وهم يجاوبونك إذا يمديك أو لا

لأنهم كل سنة يغيروا القوانين

فالقوانين الأكيدة راح تعرفيها من عمادة القبول والتسجيل

[ولد حلال]

اختي يمديكي تسجلي السنة الجاية تحضيري علمي

بس بشرط تقدمي اعتذار دا الترم وتتاكدي انهم راح يقبلوكي طالبة السنة الجاية عشان لا تتورطي

نصيحتي لكي لا تضيعي سنة كاملة من عمرك في تعب وكلام فاضي وترى التحضيري العلمي اشوف انها من سنة لسنة تصعب اكثر وتزيد فيها نسب القبول في التسكين

يعني خليكي كذا وشدي حيلك وخشي قانون

الله يوفقك

[عزتي أجمل صفاتي]

اسحبي الترم هاذا وسجلي السنه الجديده
وبالنسبه لكلام الأخ ولد حلال بالعكس انا شايفه انو دليل ارتفاع نسب القبول من سنه لسنه دليل انو كل مال التحضيري يصير أسهل من اللي قبلو لأن نسب القبول اللي يحددها مستوى الدفعه مو الكليات تفرض علينا نسب معينه يعني يمكن السنه ذي النسب تكون اقل مو اعلى .. والله اعلم
... أستغفر الله الذي لا إله إلا هو الحي القيوم وأتوب إليه ...

[lujain.alsagh]

انا كنت زيك علمي وحولت بنص الترم اداري ورجعت حولت علمي بس السنه الي بعدها ^^

فكرة انو يعادلولك مواد التحضيري لمن تحولي او تخرجي وتسجلي تاني ماصار معايا بصراحه .. وماراح يسوها ..

عندك اما انك قبل متخلص الدراسه او قبل مايبدا التقديم ب 3 شهور تسجبي ملفك وتقدمي من جديد وانت ونصيبك ..

او عندك كل الكليات مسموحه لك ماعدا الطب تدخليها وتدرسي مواد التحضيري العلمي بنفس الكليه الي حتحولي فيها بعد التحضيري <<< صدقيني البنت مافهمت شي ^^

يعني تخلصي الاداري .. تدخلي ترم باي كليه تاخدي مواد حره .. الترم بنصه يجي تحويل بين الكليات .. تختاري اي كليه تبغيها غير الطبيه .. وتحولي لمن تحولي ترجعي تعيدي نفس مواد التحضير يالعلمي ماعدا المشتركه وبص ^^

انا اشوف لو انت مو براسك طب استمري وحولي بعد ترم اما لو تبغي طب اسحبي وارجعي تاني
بالتوفيق..

[Hno0odh]

المشاركة الأصلية كتبت بواسطة brbr السلام عليكم لو سمحتو انا طالبة تحضيري اداري كنت علمي في الثانوي و خيروني مابين علمي واداري واخترت اداري مع انو ماكان عندي طموح لشي وحتى الحين مافي طموح بس في الاداري حسيت مافي تخصص عجبني الا القانون والحمدلله ان شاءالله معدلي حيدخلني لو استمريت بس من كم يوم حاسه اني ندمت اني مادخلت علمي وسبب اني مادخلت لاني سمعت انو لازم اذاكر 24 ساعه ومره صعب سؤالي اقدر لو خلصت تحضيري اداري اعيد السنة اللي بعدها تحضيري علمي ؟ وبنفس القدرات والتحصيلي حقتي ولا اعيدها ؟ وهل يعادلولي المواد المشتركه ولا اعيدها كمان ؟ وشكرا

وعليكم السلام ..

انا اشور عليك اختي بما انك مشيتي في هالسنه خلاص كمليها .. انا لو كنت اداري كمان كنت راح ادخل قانون لانه قسم حلوو بصراحه .. وانتي استخيري ..
واذا كنتي خلاص جاازمة بموضووعك .. زي ماقالك اخوي سلطان اجوبتك راح تكون عند عمادة القبول والتسجيل ...

الله يوفقك ..