حسيت انه الهدف كان التشتيت 3/>

[AM00NA]

المشاركة الأصلية كتبت بواسطة ووجدداان وعلي فكره كليات صحيه انا غاسله ايدي منها ولو حلفلي الطب قال جربيني ياجوجو بقول لا ياشخ انقلع بس <<تسذووب ههههه لا والله عشان انا نفسيا ماتحمل دم ومرضي وكذا والله يوفق الجميع يارررب ولو مهما اسوي او مهما يسير انا مقتنعه الخيره فيما اختاره الله وشكرااا ليكي

ههههههههههآي وربي تعجبيني ماعندك تفاهم ..
مو انا نفس مشكلتك (قدرة التحمل عندي ضعيييفه ) عشان كذا قلت ادور لي كليات ثانيه اصرف لي .. وآلله يكتب لنا اللي فيه الخير ..

[المـآضية بأمر الله]

أنـــــا خلالالالالاص عصبت منهم
كل شيء فوق 4.ونص ولاكمان وحده تقولي 4.7 في كليه العوم الطبيه التطبيقيه ايش بقى اجل ع الطب لازم ينزلوا ولازم يقبلو بنات وين نروح يعني وماشاء الله مستوى البنات عالي دي السنه وكتيرر 5 شكلهم بس هماا الي بيتخصصوا الي يبغوه والباقي مع السلامه .

[lovely one]

انا حضرت اليوم وترى كان في معرض للكليات و تقدري تساليهم في اي حاجه رحت ابى اسال الاستازه الي عند قسم الطب سمعتها تقول لوحده لازم تجيبو ٩٠ مدري ٨٥ ولا محا تخشو طب وكانت اخلاقها في خشمها وحسستني محا تخشي طب غير بمعجزه ولا بواسطه انصدمت نسيت كل الاسئله الي في بالي لاني خفت انها تحطمني زياده و انا ولله الحمد مني ناقصه بس كانت في محاضرات حلوه ..ترى من الساعه ٨ الين ١٠ دا كولو كان هبل في هبل قوانين الجامعه واش هيا المخالفات ومني عارفه ايش بس بعدها عملو الاختبار وجات وحده مصريه تعطي محاضره مرا جيدا

[Dr.Passed]

مني قادرة استنى نهاية السنة تجي عشان نوريهم انو احنا مرررررررررررررررررررررررررره قدها...وحنخوش يعني حنخوش. احسهم يبغو يقهرونا وبس هههه ما احس انهم بيوصلو المعلومة بس...اسلوبهم شوية استفزازي بس كل مالهم بيحمسوني والله

[lovely one]

بس الدرجات الي نقصتها الترم الاول ممكن تكون عائق بالنسبه لنا ؟؟

[Dr.Passed]

شيليها من راصك دحين مافي احد ما خبص الترم الأول....لاتفكري...التفكير حيكون عائق لنا صدقيني...انا ميرجعني ورا غير وسوستي...لاتفكري حاليا بس حطي في بالك انو الي تبغي حيسير يعني حيسير. ازا مو في عبدالعزيز في اماكن كتير ترحب بقدراتنا

احنا ترا مو مقصرين وانشاءالله مو ناقصنا شي...بس لاتوسوسي وتفكري ابدا

[lovely one]

بس انا خايفه اعيش نفسي في اوهام طول الفتره الجيه :( ...يعني انا دااايمن اجلس احسب كم نقصت وكيف حياثر على النسبه الخاصه حقتي و كم حترتفع النسبه الخاصه دي السنه .....
الله يوفقنا و يدخلنا طب ياااااارب

[Dr.Passed]

اتعلمي البرود والله من جد...لاتعصبي نفسك وتتلفي اعصابك. ريحي نفسك كوني هادية لاتنفعلي دايما وتفكري كتير مو كويس ياقلبي بعدين لاسمح الله يأثر عليكي وماتحققي الي تبغي. حطي في بالك انو الي تبغي حيسير سواءا في الجامعة دي ولاغيرو....مادام التخصص موجود في الحياه ولسا البشر تعترف بي يعني التخصص مو بعيد عليكي...الفرص مرة كتيرة مرررررررررررره والي نبغا موجود زي مانقبلتي تحضيري وكنتي خايفة ماتنقبلي حتنقبلي طب سواءا هنا ولا لأ....لاتخافي...اطمني واهم شي هدي اعصابك ونامي كويس....زاكري بهدوء وانتي مطمنة ولاتفكري وتسابقي الأحداث الطب يستناكي كوني متأكدة انو حتخوشي في النهاية لو فين توصلي في عبدالعزيز ولا غيرو...اطمني وريحي اعصابك

[ووجدداان]

^^^^^^^^^^^
+1000000
استمرررررري

[losfer]

المشاركة الأصلية كتبت بواسطة sultanooh طيب اولاً ::: النظام سنوي يعني مايمديك تعتذري عن ترم لازم تعتذري عن السنة بكاملها ثانياً ::: اذا جبتي في الترم الاول كل المواد 100 من 100 والترم الثاني 100 من 100 ماعدا مادة جبتي 59 راح تعيدي المادة في الصيف وكمان جبتي 59 راح تعيدي السنة بكاملها حتى المواد اللي نجحتي فيها وكمان تعيدي الترمين << السنة بكاملها فيه بعض مواد الطب تقويم مستمر يعني ممكن دكتورة تظلمك وترسبك في مادة يصير تعب سنة كله راح ولازم تعيدي السنة بكاملها ثالثاً ::: الغيابات فقط 10 % وبعدها يعطوك حرمان يعني لازم تعيدي السنة بأكملها هذا مالدي من عيوب حالياً اتمنى منك الرد عليها انا كنت حط الطب رغبة اولى بس بعد ماعرفت هذي الانظمة في اليوم الارشادي عذرت عن الطب

اسمحلي يا أخ سلطان اني أرد عليك
ادري اني خاش عرض في الموضوع بس مشيها لي

لأني استغربت يوم شفت ردك في موضوع ثاني انك كنت ناوي طب وكنسلت بعد اليوم الإرشادي عشان عرفت بعض العيوب اللي فيه
انا وقتها وسوست وقلت أكيد في شي كارثي في الكلية

لكن اذا هذي هي أسبابك كلها أو خل نقول اهم اسبابك فاسمحلي كلها غير منطقية واللي جاد يبغى يدخل طب يحتاج اسباب اقوى من كذا بعشر مرات عشان يبطل
أنا عن نفسي ماني قد كذا متحمس لكلية الطب ولا انا زي بعض ناس يا طب ولا بطلع من الجامعة لكن مع كذا الاسباب اللي ذكرتها ما غيرت اي شي في تفكيري لأني أساسا متوقع نظام الدراسة في الكلية يكون بالطريقة هذي
صح فيها شوية تشدد لكن السبب في اعتقادي ان الدراسة بالذات في كلية الطب لازم تاخذ طابع جدي اكثر من اي شي ثاني يعني ما تخليها شي ثانوي عندك



وبقلك رأيي في كل النقاط اللي اتكلمت عنها

أول نقطة انتا ذكرتها اللي هيا النظام السنوي والاعتذارات
مدري اذا الاثنين مرتبطة ببعض عندك ولا لأ لكن انا حجاوبك على اساس انهم مرتبطين بمعنى ان العيب الوحيد للنظام السنوي هو انك ما تقدر اعتذار عن ترم لحالو
الدراسة في كلية الطب زي ما الكل عارف 7 سنين
وانا انسان ابغى الحق على عمري مو اني اقعد سنين في دراسة واقعد لين قريب 30 وانا لسه ادرس ما توظفت
ليش احط في راسي من البداية انو فيه شي اسمو اعتذارات
اتوقع اغلب الطلاب اللي يبو طب هذي وجهة نظرهم انا من البداية شايل من راسي شي اسمو اعتذار ولا افكر اني في يوم اعتذر عن ترم او عن سنة او اللي يكون
لو كنت من البداية مخطط اني آخذلي ترم راحة في النص وقتها ممكن هذا السبب يأثر في قراري .

النقطة الثانية اللي هيا نظام الكلية مع الطلاب الراسبين
اعتقد انك فهمت الجزئية هذي خطأ لكن قبل الكلام الكثير
صح دراسة الطب صعبة ووو و من الكلام هذا وممكن الواحد يتعب فيها ويجيب درجات نازلة لكن اللي يشوف ان سوء درجاتو احتمال يوصل للرسوب اقلو لا تخش طب من البداية لأنك ماخشيت طب الا وانتا شايل احتمالية الرسوب من بالك وهذا هوا السبب اللي يخلي الكلية تبغى صفوة الطلاب
أما بالنسبة للي خايف من ظلم الدكاترة هذا اقلو لا تخش جامعة من الأساس
معروفة الجامعات عندنا وكلية الطب ماهي استثناء
لو رحت فين ممكن تلقى دكتور يخسفبك
الشي اللي خلاني اعتقد ان المعلومة هذي ما وصلتك بشكل صحيح هو أن دليل كلية الطب اللي اخذتو من الكورنر تبعهم قدامي دحين
وفي الصفحة 17 تحت فقرة ( قواعد الدراسة والاختبارات ) مكتوب الكلام التالي بالنص :
يسمح للطلاب الراسبون في مقرر أو أكثر لا يزيد عبؤها الدراسي عن (7) وحدات دراسية بالانتقال إلى السنة التالية. وذلك بعد اختبارات الدور الثاني. على أن يدخل الطالب الاختبار التالي للمقرر الذي رسب فيه.
الطلاب الراسبون في أكثر من (7) وحدات دراسية وذلك بعد اختبارات الدور الثاني يبقون لإعادة السنة الدراسية في المقررات الراسبين فيها فقط دراسة واختباراً . ا.ه.
أنا نقلت الكلام مكتوب زي ماهو بالحرف وبالأخطاء النحوية اللي فيه


نجي لآخر نقطة
الغياب وسياسة 10%
ما يحتاج اكثر هرج عن الجدية و و و .. إلخ
الغيابات هذي هما سامحين لك بيها بدون عذر
التحضيري 25 وهنا 10
لوتقارن مستويات الدراسة هنا وهناك رح تلقى الـ10% معقولة جدا وانت بنفسك تتنكب لو غبت بزيادة لأن الطب ما تلقى فيه زي أشرف بركات والسعدي وحبايبنا الباقي
فيه ملخصات ايوة وفي من الكلام ذا لكن لو بتعتمد على ذكائك هناك بتضيع
يعني شي ليك قبل لا يكون ليهم

في الأخير اعذرني على الدش الكثير هذا ويمكن كلامي ما يعجبك في الاخير هو رأي خاص بيا
الله يوفق الجميع