ابي الصير مذيع

[سجاهي]

بسم الله الرحمن الرحيم
السلام عليكم ورحمة الله وبركاتة وبعد
اتمنى من سعادتكم ان توجهوني توجيه الصحيح لدي طاقة كامنة حب تقديم بختصار ابي اصير مذيع ابي اافجر طاقاتي وجهووووووووووني
في ناس يدرسون ويقدمون برامج مثل صهيب بفور شباب
والفوزان برسالة نفسي اقدم مثلهم كيف

[قطوه مكحله]

اعتقد لازم تكون خريج اعلام

اذاعه وتلفزيون

:)

او روح للقنوات وقدم طلب وان شاء الله تتحقق احلامك

[اللورد زيرو]

مساء الخيرر خيوو وأضح أنك متحمس قبل كل شي لازم تعرف هل تمتلك موهبة وطلاقة بالكلام وجرائة قبل ماتقدم على الشي هذا أو حبيت تروح لشي هذا من باب الشهرة ونت صاحب القرار قبل متتقدم على الشي هذا والشي الثاني أنت أذا تبي أعلام لازم تكون خريج أعلامي وأذا ماكان عندك شهادة أتوقع لازم تتعرف على أحد الاعلامين المشهورين أو أي شخصية مشهورة حتى يوصلك لشي هذا وأتوقع أن أم بي سي تطرح برنامج للمواهب تقدر تقدم علية وأسف على الاطالة والله يوفقك وتقبل تقديري لك خيووو

[مرمورة]

أخوي انا مرة سمعت ان روتانا إف إم محتاجين مذيعين وأهم شي يكون سعودي بس مدري وين التقديم

انت روح لأي مركز لهم وقدم والله يوفقك

[أبو أحمد المداري]

طبعاً يكون تخصصك اعلام

[Nephrology]

أغلبية المذيعين ومقدمي البرامج يكونون بنظام التعاون بالمكافأة
يعني تجد لهم وظائف رسمية اخرى ومتعاونين مع القنوات ، وذلك بشروط منها
1- حسن المظهر (مظهر مقبول)
2- بارع باللغة العربية وفي نطق الكلمات الإنجليزية الصعبة لأسماء المدن والأشخاص وووو الخ
3- نطق سليم وسلس
4- أهم شرط : واسطة توصلك للمسئول يتوصى فيك

[بشبش عتيبه]

الله يوفقك موشرط اهم حاجه القدره والمهاره وانت روح لوزارة الاعلام وشوف ..<< موفق

[ω ħ м]

ماحبيت اطلع من موضوعك وما ارد عليك
ماعندي لك غير الدعاء لك بالتوفيق يارب

ويكتب لك الي فيه الخير^^

[طموحي تعجزة..]

الله يوفقك اخوي وصدقني دام عندك عزيمة تقدر توصل لحلمك واطمح لة ولاترض بالمستحيل بمعنى انك تقدر تصير مذيع بدون شهادة "بالعزيمة" بشرط أن لاجعل الحلم يموت فيك وانت حي لانة من اكبر المآسي.. وبالتوفيق..
تقبل مروري وودي ..

[سجاهي]

ردود محترمة ولها مني التحية دمتم بخير