((طالبات الإنتساب جداولنا واساتذتنا ونقاااشنا وحواارنا حول الاختبارات والمذاكرة))

[شمعة الجامعة]

المشاركة الأصلية كتبت بواسطة رقي الأحاسيس رايتك بيضا وما قصرتي بس انا اش فهمني في موادكم انا ادارة اعمال بس اختي الصغيرة ولازم انا ازبط لها واسألها وكده وتقول طالما انو ماجدة ماسكة معرفي بتاخد معاها لانها جربتها الترم اللي فات فسيولوجي وانبسطت معاها وتقول حمدة معاها في الاجتماعي فما تبغى تكرر الاستاذات اش رايك بكلامها اخليها تاخد المعرفي مع باقي المواد اللي هي ادارة وقباس واجتماعي وصحة ولا بتكون دسمة الله يسهلك امورك ويوفقك يارب

خليها براحتها تضيف المعرفي ما تبغى تكرر الأستاذات قولي لها ليش بتكرري أ/ماجدة
ولو عجبها أسلوب أ/ حمدة بإمكانها تحذف المعرفي في نفس الوقت وتضيف الإجتماعي..
القياس ومبادئ الإدارة والمعرفي يبغالهم تركيز وفهم,,,
بالتوفيق عزيزتي

[رقي الأحاسيس]

المشاركة الأصلية كتبت بواسطة شمعة الجامعة خليها براحتها تضيف المعرفي ما تبغى تكرر الأستاذات قولي لها ليش بتكرري أ/ماجدة ولو عجبها أسلوب أ/ حمدة بإمكانها تحذف المعرفي في نفس الوقت وتضيف الإجتماعي.. القياس ومبادئ الإدارة والمعرفي يبغالهم تركيز وفهم,,, بالتوفيق عزيزتي

هههههههههههههه
الله يسعدك ياشيخة ويوفقك يارب

هي قصدها مو نفس السمستر وهي لسى ماتعرفها

طيب الشخصية اسهل من المعرفي ولا لسى ما اخذتيها ؟؟

عشان اخليها تجرب الشخصية وبعدين تقرر اذا تبغى تستمر في الصعب ولا تاخذ الاسهل

لان الترم اللي فات نزل معدلها وانا ابغاها ترفعو هذا الترم

عاد تعرفي مواد الترم اللي فات كانت دسمة شوي توجيه وتربوي واسري

نصيحتك الله يحرم وجهك عالنار

[شمعة الجامعة]

المشاركة الأصلية كتبت بواسطة رقي الأحاسيس هههههههههههههه الله يسعدك ياشيخة ويوفقك يارب اللهم آمين وإياك هي قصدها مو نفس السمستر وهي لسى ماتعرفها من باب المزح والدعابة عشان كدا خليتها باللون دا طيب الشخصية اسهل من المعرفي ولا لسى ما اخذتيها ؟؟ عشان اخليها تجرب الشخصية وبعدين تقرر اذا تبغى تستمر في الصعب ولا تاخذ الاسهل لان الترم اللي فات نزل معدلها وانا ابغاها ترفعو هذا الترم عاد تعرفي مواد الترم اللي فات كانت دسمة شوي توجيه وتربوي واسري نصيحتك الله يحرم وجهك عالنار

الشخصية أسهل من المعرفي بكثير وهذا رأي الأغلبية
أنا أخدت الشخصية لما كنت في المستوى الرابع والآن أضفت المعرفي
اللهم آمين ,اللهم آمين ,اللهم آمين وإياك يا رب
تمنياتي لك ولها بالتوفيق وتحقيق أعلى المعدلات بإذن الله